Խաչքար-հուշարձան աղոթքի և ուխտի (Էջմիածին)

Խաչքար-հուշարձան աղոթքի և ուխտի (Էջմիածին)
Խաչքար-հուշարձան աղոթքի և ուխտի Էջմիածնում
Տեսակ	խաչքար, հուշարձան և Հայոց ցեղասպանության հուշարձան
Երկիր	Հայաստան
Բնակավայր	Վաղարշապատ
Շինության ձև	Հուշարձան
Հիմնական թեմա	Հայոց ցեղասպանություն
Մասն է	Էջմիածնի Մայր Տաճար
Ներկա վիճակ	Կանգուն
ՀՀ ՊՄԱՀ	4.2/14.1.34
Armenian Genocide memorial, Etchmiadzin Վիքիպահեստում

«Խաչքար-հուշարձան աղոթքի և ուխտի» կամ «Խաչքար աղոթքի և ուխտի, ի հիշատակ 1915 թվի չարագործության զոհ դարձած հայերի», խաչքար-հուշարձան էջմիածնի Մայր տաճարի հյուսիսային մասում։ Ցեղասպանության հայ նահատակներին նվիրված առաջին հուշարձանն է Հայաստանում։ Կառուցվել է Հայոց ցեղասպանության 50-ամյա տարելիցի առթիվ։

Պատմություն

Հայոց ցեղասպանության զոհերի հիշատակը հավերժացնող խաչքար-հուշարձանը կանգնեցվել է 1965 թվականին էջմիածնի Մայր տաճարի հյուսիսային մասում, Ամենայն հայոց կաթողիկոս Վազգեն Առաջինի որոշմամբ։ Հուշարձանն իր ծավալային հորինվածքով աստիճանաձև պատվանդանին կանգնեցված բազալտե կոթող է՝ ամբողջության մեջ կուռ ներդաշնակված տարբեր նկարվածքի և կտրվածքի բազմաթիվ խաչքարերով։ Կոթողի հակադիր երեսին հայոց պետականության ավանդական խորհրդանիշ՝ արծիվ, սուր և վահանի բարձրաքանդակ պատկերն է։ Վահանի բոլորակին արձանագրված են տեղանուններ՝ Հաճըն, Եդեսիա, Զեյթուն, Մուսա լեռ, Վան, Շատախ, Շապին Գարահիսար, Մարաշ, Սարդարապատ, Սասուն, որտեղ հայ բնակչությունը հերոսաբար դիմադրել է ջարդարարներին։

Հեղինակներ

• Ճարտարապետ՝ Ռաֆայել Իսրայելյան
• Քանդակագործ՝ Արա Հարությունյան

Պատկերասրահ

• 
• 
• 
• 
• 
• 

Ծանոթագրություններ

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Խաչքար-հուշարձան աղոթքի և ուխտի (Էջմիածին) կատեգորիայում։