Խաչմերուկում (ռուս.՝ На перекрёстке), խորհրդային նկարված մուլտֆիլմ, որ ստեղծել է ռեժիսոր Նիկոլայ Ֆեոդորովը «Սոյուզմուլտֆիլմ» ստուդիայում 1958 թվականին։ Ժամանակակից հեքիաթ է այն մասին, թե ինչպես են լուսացույցն ու ճանապարհային նշանները դպրոցական Գենային սովորեցնում փողոցային երթևեկության կանոնները։
Մուլտֆիլմը երեխաներին սովորեցնում է ճանապարհային երթևեկության կանոնները։
Դպրոցում դասերն ավարտելուց հետո Գենան ուրախ վազում է մայթով՝ ոտքով խփելով պահածոյի տուփին։ Երբ տուփը թռչում է դեպի երթևեկելի մաս, Գենան, առանց մտածելու իր արարքի հետևանքների մասին, տուփի հետևից վազում է դեպի ճանապարհի երթևեկելի մաս՝ դառնալով վթարի պատճառ։ Ճանապարհային նշանները, չկարողանալով տանել տղայի այդ արարքը, դաս են տալիս նրան։