Լևոն Հակոբյան (մարզիչ)
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Լևոն Հակոբյան | |
---|---|
Ծնվել է | նոյեմբերի 7, 1944 |
Ծննդավայր | Թեհրան, Իրան |
Մահացել է | օգոստոսի 29, 2018 (73 տարեկան) |
Մահվան վայր | Վոլգոգրադ, Ռուսաստան |
Ազգություն | հայ |
Մասնագիտություն | մարզիչ |
Պարգևներ և մրցանակներ |
Հակոբյան Լևոն Հովհաննեսի (նոյեմբերի 7, 1944, Թեհրան, Իրան - օգոստոսի 29, 2018, Վոլգոգրադ, Ռուսաստան)[1], Խորհրդային և Ռուսաստանի հանդբոլի մարզիչ, ԽՍՀՄ և ՌՍՖՍՀ վաստակավոր մարզիչ[2]։
Կենսագրություն[խմբագրել | խմբագրել կոդը]
Լևոն հակոբյանը ծնվել է 1944 թվականի նոյեմբերի 7-ին, Թեհրանում (Պարսկաստան, այժմ՝ Իրան)։ Ապրել է Վոլգոգրադում և Տոլյատիում։ Ավարտել է Վոլգոգրադի ֆիզիկական կուլտուրայի և սպորտի ինստիտուտը[1][2]։
1972-1997 թվականներին աշխատել է Վոլգոգրադի տարածաշրջանային Մանկապատանեկան սպորտ դպրոցում որպես գլխավոր մարզիչ, Կրասնոդարի «Բուրեվեստնիկ» և «Ուրոժայ» թիմերում, Վոլգոգրադի «Մելիորատոր» և «Ռոտոր» ակումբներում։ 1997 թվականից մինչև 2011 թվականները եղել է Վոլգոգրադյան ակումբի մարզիչ և նախագահ։ Ակումբը տարբեր ժամանակներում կոչվել է «Ռոտոր», «Ակվա», «Դինամո-Ակվա» և «Դինամո»։ 2013 թվականի հուլիսից մինչև 2018 թվականը, նա մարզել է Տոլյատիի «Լադան»[1][2]։
Հակոբյանի գլխավորությամբ «Դինամոն» հաղթել է Ռուսաստանի վեց առաջնություն, նվաճելով Հանդբոլի Եվրոպական Ֆեդերացիայի մարտահրավերների գավաթը (քաղաքների գավաթ) և Եվրոպայի սուպերգավաթը։ Լադան միշտ եղել է Ռուսաստանի առաջնության մրցանակակիրների շարքում (չորս արծաթե և մեկ բրոնզե մեդալ), իսկ 2014 թվականին նվաճել է Հանդբոլի Եվրոպական Ֆեդերացիայի գավաթը[2]։
1993-2003 թվականներին նա մարզել է Ռուսաստանի հանդբոլի կանանց երիտասարդական հավաքականը, որը Բուլղարիայում և Մակեդոնիայի Հանրապետությունում նվաճել է աշխարհի առաջնությունները։ 1995-1996 թվականներին մարզել է Ռուսաստանի կանանց ազգային հավաքականը։ 2015 թվականին նրա գլխավորությամբ, Ռուսաստանի հավաքականը հաղթել է Գվանգջուի ամառային ունիվերսիադայում, նույն թվականին Հակոբյանը միացել է Ռուսաստանի հավաքականի գլխավոր մարզիչ Եվգենի Տրեֆիլովի մարզչական շտաբին։ Մեկ տարի անց թիմը հաղթել է Ռիո դե Ժանեյրոյի[1][2] Օլիմպիական խաղերում։ 2018 թվականին նա գլխավորել է մինչև 18 տարեկան տարեկանների ազգային հավաքականը, ովքեր նվաճել են աշխարհի առաջնությունը Կելցեում (Լեհաստան)[3]։
ՌՍՖՍՀ վաստակավոր մարզիչ, ԽՍՀՄ վաստակավոր մարզիչ։ Նա պարգևատրվել է «Հայրենիքի համար վաստակի շքանշանով» 1-ին աստիճանի մեդալով, (24.05.2017)[4]: Ռուսաստանի հանդբոլի ֆեդերացիայի վարկածով 2017/2018 մրցաշրջանի Ռուսաստանի Սուպեր լիգայի լավագույն մարզիչն է։
Հակոբյանի ղեկավարությամբ վերապատրաստվել են Ռուսաստանի սպորտի շուրջ 20 վաստակավոր վարպետներ և Ռուսաստանի սպորտի մի քանի տասնյակ միջազգային վարպետներ, որոնցից առանձնանում են[2]․
- Օլգա Սերգեևնա Հակոբյան(Ամառային օլիմպիական խաղեր 2016)[1]
- Ալիզար Տատյանա Ադամովնա (2001 թվականի աշխարհի չեմպիոն)[1]
- Իրինա Յուրևնա Բլիզնովա (Ամառային օլիմպիական խաղեր 2016)[1]
- Լյուդմիլա Վալերիևնա Բոդնիևա (2001 թվականի աշխարհի չեմպիոն)[1]
- Վիդրինա, Սվետլանա Յուրիևնա[2]
- Դարյա Եվգենևնա Դմիտրիևա (Ամառային օլիմպիական խաղեր 2016)[1]
- Տատյանա Վլադիմիրովնա Երոխինա (Ամառային օլիմպիական խաղեր 2016)[1]
- Սվետլանա Կոնստանտինովնա Մանկովան (Ամառային օլիմպիական խաղեր 1988)[1]
- Ելենա Պետրովնա Չաուսովա (2001 թվականի աշխարհի չեմպիոն)[1]։
Մահ[խմբագրել | խմբագրել կոդը]
Լևոն Հակոբյանը մահացել է 2018 թվականի օգոստոսի 28-ի լույս 29-ի գիշերը։ Թաղված է Վոլգոգրադում[1][2]։
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Ушёл из жизни Левон Акопян (ռուս.)
- ↑ 2,0 2,1 2,2 2,3 2,4 2,5 2,6 2,7 Профиль на сайте «Спортивная Россия» (ռուս.)
- ↑ "Да жив я, жив! Боремся пока". Скончался Левон Акопян (ռուս.)
- ↑ Владимир Путин наградил Левона Акопяна орденом За заслуги перед Отечеством (ռուս.)
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լևոն Հակոբյան (մարզիչ) կատեգորիայում։ |