Լևոն Գրիգորյան (դաշնակահար)
- Վիքիպեդիայում կան հոդվածներ Գրիգորյան ազգանունով այլ մարդկանց մասին։
| Լևոն Գրիգորյան | |
|---|---|
| Ծնվել է | 1945 Թեհրան, Իրան |
| Երկիր |  ԱՄՆ |
| Մասնագիտություն | երաժիշտ և դաշնակահար |
| Կրթություն | Նոր Անգլիայի կոնսերվատորիա |
| Անդամակցություն | Միչիգանի համալսարան |
Լևոն Ռուբենի Գրիգորյան (1945, Թեհրան, Իրան), հայազգի երաժիշտ, դաշնակահար, դիրիժոր, Միչիգանի համալսարանի պրոֆեսոր (1984), թավջութակահար Հենրի Գրիգորյանի եղբայրը։
Կենսագրություն[խմբագրել | խմբագրել կոդը]
Լևոն Գրիգորյանը ծնվել է Թեհրան քաղաքում, 1945 թվականին։
7 տարեկանում մենահամերգներով հանդես է եկել Թեհրան քաղաքում։ 1952 թվականին ընտանիքի հետ տեղափոխվել է Բոստոն։ 1961 թվականին ավարտել է Նոր Անգլիայի կոնսերվատորիայի դաշնամուրի բաժինը, 1961-1962 թվականներին սովորել Թանգլվուդի երաժշտական կենտրոնի դիրիժորության բաժնում, կատարելագործվել նշանավոր դիրիժորների (նաև Հարրի Բեկյանի) ղեկավարությամբ։
Որպես դաշնակահար Լևոն Գրիգորյանը հանդես է եկել համերգներով։ 1971-1986 թվականին ղեկավարել է Օուենսբորոյի սիմֆոնիկ նվագախումբը և այն դարձնել ԱՄՆ-ի առաջատար նվագախմբերից մեկը[1]։ Եվրոպայի, Հարավային Ամերիկայի մի շարք երկրներում ղեկավարել է սիմֆոնիկ նվագախմբեր։
1991 և 1993 թվականներին ելույթներ է ունեցել Երևանում, նրա երկացանկում եղել են Լյուդվիգ վան Բեթհովենի 7-րդ սիմֆոնիան, Յոզեֆ Հայդնի ռե-մաժոր կոնցերտը, Էլմեր Բեռնստայնի «Վեստսայդյան պատմություն» մյուզիքլը, սիմֆոնիկ պարեր։
Որդին՝ Արա Գրիգորյանը, 1988 թվականից եղել է Իսթ Լեսինգի բարձրագույն դպրոցի լարային կվարտետի ջութակահար և սիմֆոնիկ նվագախմբի կոնցերտմայստեր, աղջիկները՝ Անին և Ալիսիան նույնպես ջութակահարներ են։
Ծանոթագրություններ[խմբագրել | խմբագրել կոդը]
- ↑ Հայ երաժշտության հանրագիտարան. Երևան: «Հայկական հանրագիտարան. հրատարակչություն»,. 2019. էջ 160.
{{cite book}}: Text "Գիտահրատարակչական խորհուրդ՝ Հ. Մ. Այվազյան (գլխ. խմբագիր) և ուրիշներ" ignored (օգնություն)CS1 սպաս․ հավելյալ կետադրություն (link)
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|