Լևբերդոն

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Լևբերդոն
Rostov-on-don 2008 0613.jpg
ԵրկիրՌուսաստան Ռուսաստան
ԿարգավիճակՌուսաստանի քաղաքի շրջան

Լևբերդոն, երբեմն՝ Լեբերդոն (ռուս.՝ Левбердо, Лебердо́н, Левый берег Дона՝ Դոնի ձախ ափ), Դոնի Ռոստով քաղաքի Կիրովսկի և Լենինսկի շրջանների ոչ պաշտոնական անվանումը, գտնվում է Դոն գետի ձախ ափին և գետափի երկարությամբ ձգվում է մոտ 10 կիլոմետր։

Մակերեսի 90 %-ն իրենից ներկայացում է հանգստյան համալիրներ[1][2] (առողջարաններ, ավազային լողափեր, սրճարաններ, ռեստորաններ, գիշերային ակումբներ), մակերեսի մոտ 10 %-ում գտնվում են արդյունաբերական ձեռնարկություններ, որոնց մի մասը այդտեղ են բերվել քաղաքի կենտրոնական շրջաններից։ Այս տարածքի զարգացման նոր շրջանը կապված է «Ռոստով արենա» մարզադաշտի շինարարության հետ։

Զարգացման հեռանկարներ[խմբագրել | խմբագրել կոդը]

2018 թվականի ֆուտբոլի աշխարհի առաջնության անցկացման շրջանակներում ձախ ափին՝ մոտավորապես Դոնի Ռոստով քաղաքի կենտրոնական մասի Բոգատյանովսկի զառիվայր պողոտայի դիմաց, կառուցվել է «Ռոստով արենա» 45․000 տեղանոց ֆուտբոլային մարզադաշտը[3]։

Մարզադաշտի մոտ՝ Թիավարման ջրանցքի արևելյան կողմի երկայնությամբ նախատեսվում է Ռոստովի մարզի Կառավարության նոր շենքի[4] և մարզական կառույցների շինարարությունը, իսկ ավազահանքի հիման վրա, որը ձևավորվում է այս կառույցների շինարարության ավազի լվացման ժամանակ, ստեղծել նոր ջրանցք։

Վորոշիլովսկի կամրջի երկայնքով՝ Դոն գետի ձախ ափին, ենթադրվում է հյուրանոցների և գրասենյակների կառուցում, իսկ Բատայսկ քաղաք տանող ճանապարհների արևմտյան կողմում՝ Թիավարման ջրանցքին հակառակ՝ Ռոստովի նոր ձիարշավարանը[5][6]։

Միաժամանակ նախագծվում է «Մեգամագ» առևտրա-ժամանցային կենտրոնի շինարարության երկրորդ փուլը, որն իր մեջ ներառելու է մի շարք խանութներ, այդ թվում «Աշան» հիպերմարկետը[7]։

Արվեստում[խմբագրել | խմբագրել կոդը]

1969 թվականի մայիսի 9-ին Լևբերդոնի հանգստի կենտրոններից մեկում կայացել է ռոք փառատոն, որն ավելի ուշ անվանվել է «Դոնի Վուդսթոք», որին մասնակցել են ռոստովյան չորս ռոք խմբեր՝ «Առավոտյան ցող», «Փոքրիկ և եղբայրներ», «Սանձափոկ» և «Անհաջողակներ»[8]։

1988 թվականին ռոստովցի ռեժիսոր և հաղորդավար Իվան Կոնոնովը, որն այդ ժամանակ աշխատում էր խորհրդային հեռուստատեսության երիտասարդական խմբագրությունում, գրել է «Դոնի ձախ ափ» անվանումով երգը։

Ձայնագրված և առաջինը «ռուսական շանսոն» ժանրում Կոնստատին Ունդրովի կողմից կատարված երգը արագորեն սիրված է դարձել։ Ունդրովի «Լևբերդոն» երգը բազմաթիվ ձայնապնակներով և սկավառակներով։ Որոշ ժամանակ անց «Լևբերդոն» երգը կատարել է նաև Միխայիլ Շուֆուտինսկին[9]։

Հիշատակվում է ռոք երգիչ Բաստայի «Ռոստով» երգում։

Տեսարժան վայրեր[խմբագրել | խմբագրել կոդը]

  • Ռոստով արենա՝ 45 000 նստատեղով մարզադաշտ, 2018 թվականի ֆուտբոլի աշխարհի առաջնության ընդունող կենտրոններից մեկը։
  • Մշակույթի և հանգստի Լևոբերեժնի այգի՝ բացվել է 2018 թվականի մայիսի 1-ին[10]։
  • Քաղաքային կենտրոնական լողափ՝ լողափ, որը տեղակայված է Վորոշիլովսկի կամրջից փոքր-ինչ վերև։
Դոնի Ռոստովի ափին գտնվող քաղաքային լողափի համայնապատկերը

Ծանոթագրություններ[խմբագրել | խմբագրել կոդը]