Լուիզա Սամվելյան

Լուիզա Սամվելյան;
Ծնվել է	օգոստոսի 11, 1926
Ծննդավայր	Լիոն
Մահացել է	սեպտեմբերի 8, 1999 (73 տարեկան)
Մահվան վայր	Երևան, Հայաստան
Գերեզման	Նուբարաշենի գերեզմանատուն
Քաղաքացիություն	Ֆրանսիա և ԽՍՀՄ
Ազգություն	հայ
Կրթություն	Երևանի պետական գեղարվեստա-թատերական ինստիտուտ (1949)
Կոչում	պրոֆեսոր
Գիտական աստիճան	արվեստագիտության դոկտոր (1970)
Մասնագիտություն	թատերագետ և դասախոս
Աշխատատու	Երևանի պետական գեղարվեստա-թատերական ինստիտուտ, Հայկական պետական մանկավարժական համալսարան, Վ․ Բրյուսովի անվան պետական համալսարան և Երևանի պետական համալսարան

Վիքիպեդիայում կան հոդվածներ Սամվելյան ազգանունով այլ մարդկանց մասին։

Լուիզա Օնիկի Սամվելյան (օգոստոսի 11, 1926(1926-08-11)^[1], Լիոն^[1] - սեպտեմբերի 8, 1999(1999-09-08), Երևան, Հայաստան), հայ թատերագետ, արվեստագիտության դոկտոր (1968), պրոֆեսոր (1972)։

Կենսագրություն

Ծնվել է 1926 թվականի օգոստոսի 11-ին, Ֆրանսիայի Լիոն քաղաքում։ 1936 թվականին ներգաղթել է Խորհրդային Հայաստան։ 1949 թվականին ավարտել է Երևանի Թատերական ինստիտուտի թատերագիտական ֆակուլտետը։ 1949-1970 թվականներին դասախոսել է Երևանի գեղարվեստա-թատերական ինստիտուտում։ 1950 թվականին ընդունվել է Մոսկվայի Լունաչարսկու անվան Թատերական ինստիտուտի ասպիրանտուրան։ 1961 թվականին «Շեքսպիրը հայ բեմում՝ նախասովետական շրջան» թեմայով դիսերտացիա է պաշտպանել և ստացել արվեստագիտության թեկնածուի աստիճան, 1968 թվականին՝ «Շեքսպիրը և հայ գրական ու թատերական մշակույթը» թեմայով դիսերտացիա և ստացել Արվեստագիտության դոկտորի աստիճան։ 1970-1975 թվականներին եղել է Երևանի Հայկական մանկավարժական ինստիտուտի կուլտուրայի ֆակուլտետի գեղագիտության և արվեստների պատմության, 1975-1978 թվականներին՝ Երևանի Ռուսաց և օտար լեզուների մանկավարժական ինստիտուտի, 1978-1982 թվականներին՝ Երևանի Պետական համալսարանի արտասահմանյան գրականության ամբիոնների վարիչ։ Լուիզա Սամվելյանը հեղինակ է մի շարք ուսումնասիրությունների, հոդվածների, որոնք վերաբերում են հայ թատրոնի, մասնավորապես հայ շեքսպիրյան թատրոնի պատմության ու տեսության հարցերին, նշանավոր դերասանների ու ռեժիսորների ստեղծագործությանը^[2]^[3]։ Ռուսերեն լույս է տեսել Սամվելյանի «Վաղարշ Վաղարշյան» մենագրությունը (Մոսկվա, 1960):

Երկեր

Շեքսպիրը հայ բեմում, նախասովետական շրջան։ Երևան, «Գիտելիք», 1959, 37 էջ։
Ադամյանը և Շեքսպիրի կերպարները, Երևան, Հայպետհրատ, 1961, 246 էջ^[4]։
Լևոն Քալանթար, Երևան, Հայկական թատերական ընկերություն, 1965, 249 էջ։
Գուրգեն Ջանիբեկյան, Երևան, Հայկական թատերական ընկերություն, 1970, 377 էջ։
Շեքսպիրը և հայ գրական ու թատերական մշակույթը (նախասովետական շրջան), Երևան, «Հայաստան», 1974, 660 էջ^[5]։
Ժաննա Թովմասյան, Երևան, Հայկական թատերական ընկերություն, 1975, 101 էջ։
Շեքսպիրի ժառանգորդները, Երևան, 1979:
Կինը հայ բեմարվեստում, Երևան, «Գիտելիք», 1980, 42 էջ։
Труд актёра․ В. Вагаршян, М․, 1960 թ.

Ծանոթագրություններ

1 2 3 4 5 6 7 8 9 10 11 Հայկական սովետական հանրագիտարան, հատոր 10 (հայ.) — հատոր 10. — էջ 161.
↑ «Լուիզա Սամվելյան». Արխիվացված է օրիգինալից 2021 թ․ հունիսի 23-ին. Վերցված է 2020 թ․ սեպտեմբերի 26-ին.
↑ ՀՀ Գիտությունների ազգային ակադեմիայի հիմնարար գիտական գրադարան
↑ Սամվելյան, Լուիզա (1961). Ադամյանը և Շեքսպիրի կերպարները. Հայպետհրատ.
↑ Սամվելյան, Լուիզա (1974). Շեքսպիրը և հայ գրական ու թատերական մշակույթը։ Նախասովետական շրջան. Հայաստան.

Վիքիդարանն ունի նյութեր, որոնք վերաբերում են «Լուիզա Սամվելյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 161)։

[_92d50d23f1657947-1] 1 2 3 4 5 6 7 8 9 10 11 Հայկական սովետական հանրագիտարան, հատոր 10 (հայ.) — հատոր 10. — էջ 161.

[2] «Լուիզա Սամվելյան». Արխիվացված է օրիգինալից 2021 թ․ հունիսի 23-ին. Վերցված է 2020 թ․ սեպտեմբերի 26-ին.

[3] ՀՀ Գիտությունների ազգային ակադեմիայի հիմնարար գիտական գրադարան

[4] Սամվելյան, Լուիզա (1961). Ադամյանը և Շեքսպիրի կերպարները. Հայպետհրատ.

[5] Սամվելյան, Լուիզա (1974). Շեքսպիրը և հայ գրական ու թատերական մշակույթը։ Նախասովետական շրջան. Հայաստան.

[1]

[2]

[3]

[4]

[5]