Լուիզա Ավետիսյան
| Լուիզա Ավետիսյան Գևորգի | |
|---|---|
 | |
| Ծննդավայր | Երևան, Հայաստան |
| Գործունեություն | Ձեռներեց, սթարթափ մենթոր |
| Կրթություն | Հայաստանի ազգային պոլիտեխնիկական համալսարան |
| Աշխատավայր | staff.am, Fempower |
Լուիզա Ավետիսյան (օգոստոսի 8, 1982, Երևան, Հայաստան), ձեռներեց, դասախոս, տեխնիկական գիտությունների թեկնածու, «ՀՀ աշխատաշուկա» զեկույցի հեղինակ։
Հիմնադրել է staff.am կարիերայի հարթակը և Fempower (Ֆեմփաուեր) շահույթ չհետապնդող կազմակերպությունը։
Կենսագրություն[խմբագրել | խմբագրել կոդը]
Լուիզան ծնվել է Հայաստանի մայրաքաղաք Երևանում ինժեներների ընտանիքում։ Հայրը՝ Գևորգ Ավետիսյանը գործունեություն է ծավալում տեղեկատվական տեխնոլոգիաների և ավոտմատացման ոլորտում, իսկ մայրը՝ Մարինե Չիլինգարյանը[1], տեխնիկական գիտությունների թեկնածու է, դոցենտ և 1982 թ-ից սկսած դասավանդում է Հայաստանի ազգային պոլիտեխնիկական համալսարանում։ 2016 թ-ին Լուիզան համահիմնադրել է staff.am-ը, որից հետո 2022 թ-ին մեկնարկել է Fempower նախաձեռնությունը` նպատակ ունենալով օգնել կին ձեռներեցներին ստանալ որակյալ մենթորություն տեխնոլոգիական ոլորտում իրենց սթարթափի զարգացման համար։
Կրթություն[խմբագրել | խմբագրել կոդը]
1999-2003 թթ․
Հայաստանի ազգային պոլիտեխնիկական համալասարան
Կիբերնետիկայի ֆակուլտետ, Տեղեկատվական համակարգերի ինֆորմացիոն ապահովում մասնագիտացում, ավարտել է գերազանցությամբ։
2003-2005 թթ․
Հայաստանի ազգային պոլիտեխնիկական համալասարան
Կիբերնետիկայի ֆակուլտետ, Տեղեկատվական համակարգերի ինֆորմացիոն ապահովում մասնագիտացում, ավարտել է գերազանցությամբ։
2011-2014 թթ․
Հայաստանի ազգային պոլիտեխնիկական համալասարան, հայցորդ[2]
Ե.13.02 - Ավտոմատացում, Տեխնիկական գիտությունների թեկնածու (PhD), Գիտական աշխատաքի թեման՝ «Բանկային ծառայությունների ռիսկերի գնահատման մեթոդների և ավտոմատացված համակարգի մշակում», գիտական կոչումի ստացման ամսաթիվ՝ 15/01/2015
2000-2001 թթ․
ԱՄՆ Պետական դեպարտամենտի կողմից ֆինանսավորված կրթաթոշակային ծրագրի մասնակից, ԱՄՆ Կանզաս նահանգի, Նեոշո քոլեջում մեկ տարի ուսանելու և ավարտական դիպլոմ ստանալու համար։
2018 թ․- մինչ օրս
Project Management Institute-ի անդամ, PMP նախագծերի ղեկավարի միջազգային որակավորում։
Կարիերա[խմբագրել | խմբագրել կոդը]
2003-2007 թթ․
Լուիզան կարիերան սկսել է որպես ծրագրավորող՝ միանալով Հայաստանի ազգային փոստային ծառայության տեղեկատվական տեխնոլոգիաների բաժնին, որպես կրտսեր մասնագետ։
2007-2017 թթ․
Միացել է Էյչ-Էս-Բի-Սի-Բանկի հայաստանյան գրասենյակին որպես թվային մարքեթինգի համակարգող։ Բանկում զբաղեցրել է տարբեր պաշտոններ, այդ թվում ՝ Բիզնեսի զարգացման թիմի ղեկավար, բիզնես նախագծերի համակարգող, պրոդուկտի ղեկավար, ինչպես նաև հաճախորդների բազայի և պրոդուկտների բաժնի ղեկավար։
2016 թ․ - մինչ օրս
Համահիմնադրել է staff.am կարիերայի օնլայն հարթակը, իսկ 2017թ.-ից զբաղվել դրա զարգացմամբ։ staff.am կարիերայի օնլայն հարթակ է, հնարավորություն է տալիս գտնել աշխատանք կամ աշխատակից։
2019-2021 թթ․
Դասավանդել է «նախագծերի կառավարում» առարկան Եվրոպական համալսարանի մագիստրոսական ծրագրի ուսանողներին։
2022 թ․ - մինչ օրս
Հանդիսանում է ICC (Միջազգային առևտրի պալատ) Հայաստանի խորհրդի անդամ։ ICC Armenia-ն ICC (International Chamber of Commerce) աշխարհի ամենամեծ միջազգային առևտրային պալատի ներկայացուցչությունն է ՀՀ-ում։
2022 թ.- մինչ օրս
Հիմնադրել է Fempower շահույթ չհետապնդող կազմակերպության հիմնադիր և տնօրեն։
2022 թ.- մինչ օրս
Օգնում է երիտասարդ ձեռնարկատերերին և հանդիսանում սթարթափ մենթոր։ Մասնավորապես Լուիզա Ավետիսյանը կամավորական հիմունքներով միացել է Հայաստանի Ամերիկյան Համալսարանի ձեռնարկատիրության և ինովացիոն կենտրոնի (AUA EPIC) սթարթափ ինկուբացիոն ծրագրին, ինչպես նաև Creative Armenia-ի կողմից անցկացված Artbox ինկուբացիոն ծրագրին։
Հոդվածներ և հրապարակումներ[խմբագրել | խմբագրել կոդը]
- Բանկային մանրածախ ծառայությունների գնագոյացման վրա ազդող գործոնները։ «Էկոնոմիկա և ֆինանսներ ամսագիր», ապրիլ 5, 2010։
- Բանկային պրոդուկտների ռիսկերի գնահատումը։ «Էկոնոմիկա և ֆինանսներ ամսագիր», մայիս 4, 2010
- Վարկային պրոդուկտների գնագոյացման մոդելավորումը և վարկային ռիսկի գնահատումը։ «ՀՊՃՀ-ի տեղեկագիր», նոյեմբեր 19, 2011
- Վարկային ռիսկի գնահատման և կառավարման քանակական մեթոդների ուսումնասիրությունը։ «ՀՊՃՀ-ի տեղեկագիր», ապրիլ 2, 2012
- «ՀՀ աշխատաշուկա» տարեկան զեկույցներ աշխատաշուկայի վերաբերյալ, 2017- մինչ այժմ[3]։
Արտաքին հղումներ[խմբագրել | խմբագրել կոդը]
- TedxAUA - Want to Have Good Relationships With Others? Start With Yourself! | Luiza Avetisyan
- Rearrange #96 Լուիզա Ավետիսյան - ՀՀ-ի աշխատաշուկան, ավտորիտար մենեջմենթը, աշխատանքը ապագայում
- Դոմինոյի էֆեկտն ընդգրկել է ՏՏ ոլորտի ավելի մեծ շրջանակ, Լուիզա Ավետիսյան։
- Լուիզա Ավետիսյան. Հայաստանում բանկերը մնում են ցանկալի գործատու։
- Luiza Avetisyan | Tackling the new demand for jobs in Armenia.
Ծանոթագրություններ[խմբագրել | խմբագրել կոդը]
- ↑ Սիմոնյան, Սարգիս Հովհաննեսի; Ադամյան, Գ Վ; Չիլինգարյան, Մարինե Գևորգի (2007). Ինֆորմացիայի կիրառական տեսություն։ Ուսումնական ձեռնարկ. Կրթության և գիտության նախարարություն ՀՀ, Հայաստանի պետական ճարտարագիտական համալսարան (Պոլիտեխնիկ). Երևան: ՀՊՃՀ հրատ.
- ↑ «Supreme Certifying Committee». bok.am (անգլերեն). Վերցված է 2023 թ․ օգոստոսի 2-ին.
- ↑ «ՀՀ աշխատաշուկա | StaffMedia» (ամերիկյան անգլերեն). 2022 թ․ դեկտեմբերի 26. Արխիվացված է օրիգինալից 2023 թ․ հուլիսի 31-ին. Վերցված է 2023 թ․ հուլիսի 31-ին.