Լոնգյոյ

Լոնգյոյ
Քաղաք
	Լոնգյոյ
Դրոշ	Զինանշան
Երկիր	Կանադա
Ներքին բաժանում	Le Vieux-Longueuil?, Greenfield Park? և Saint-Hubert?
Հիմնադրված է	1657 2002 հունվարի 1 թ.
Մակերես	115.59 կմ²
ԲԾՄ	15 մետր
Բնակչություն	239 700 մարդ (2016)
Փոստային դասիչ	J3Y, J3Z, J4G to J4N, J4T, J4V
Պաշտոնական կայք	longueuil.ca
	Լոնգյոյ (Կանադա)
	Լոնգյոյ (Կանադա)
	Լոնգյոյ Վիքիպահեստում

Լոնգյոյ (ֆր.՝ Longueuil, ստուգաբանությունը՝ բանավեճ), Կանադայի Քվեբեկ նահանգի Մեծ Մոնրեալ մեգապոլիսի կազմի մեջ մտնող քաղաք։ Քաղաքը գտնվում է Սուրբ Լավրենտիոս գետի աջ ափին։ Մոնրեալի սուբուրբանիզացման պրոցեսի արդյունքում բոլոր կողմերից քաղաքը շրջապատում է այսպես կոչված Հարավային պսակի բնությունը։ 2000թ. հունիսին քաղաքը մտել է Մոնրեալ քաղաքային միության կազմի մեջ։ Վարչատարածքային պլանում բաժանվում է 4 շրջանի։

Պատմություն[խմբագրել | խմբագրել կոդը]

Լոնգյոյ շրջանի տեղանքը հայտնագործվել է 16-րդ դարում ֆրանսիացիների կողմից։ Քաղաքի առաջին իշխանը (сеньор) դարձել է ֆրանսիացի զինվորական-հետազոտող Շարլ լե Մոյնը, ով Նոր Ֆրանսիայից եկել էր 1641թ.-ին և 1657թ.-ին Լոնգյոյի իշխանական թագ ստացել։ Լոնգյոյ գյուղը քարտեզի վրա պաշտոնապես հայտնվել է միայն 1848թ.: Լոնգյոյ է կոչվել կից Դիեպ գյուղի (Ֆրանսիա) պատվին։ Այդ անվանման ծագումը վիճելի է (հնարավոր է լատիներեն «longus»՝ երկար բառից կամ կելտերեն «лонг»`նավ բառից, հավանաբար նաև գալա-հռոմեական ծագման խաչասերված տարբերակը)։

Բնակչություն[խմբագրել | խմբագրել կոդը]

2010թ.-ի տվյալներով ունի 232 516 բնակիչ։ Տարածքի մեծությամբ Քվեբեկի 5-րդ քաղաքն է, զբաղեցնում է 116 կմ² տարածք։ Բնակչության խտությունը համեմատաբար մեծ չէ՝ 1.988,6 մարդ/կմ² (Սանկտ Պետերբուրգում 6000 մարդ/կմ²)։ Վերջին ժամանակներում նրա զարգացման համար խթան են հանդիսացել Բլյո-Ռիվաժ համատիրության բարձրացումը և նոր կամպուսի շինարարությունը Շերբրուկի համալսարանում։

Լեզուներ[խմբագրել | խմբագրել կոդը]

1977թ.-ից քաղաքի միակ պետական լեզուն ֆրանսերենն է։ Բնակիչների 85 %-ը ֆրանկոֆոններ են (մայրենի լեզուն՝ ֆրանսերեն), 8 %-ը ալոֆոններ (նեո-քվեբեկցիներ), և 6 %-ը անգլոֆոններ և անգլո-քվեբեկցիներ (մայրենի լեզուն՝ անգլերեն)։ Անգլոֆոնների մեծ մասը բնակվում է Գրիֆիլդ Պարկ շրջանում, որտեղ նրանք զբաղեցնում են բնակչության 35 %-ը։ Բնակչության 80 %-ից ավելին դավանում է կաթոլիկություն (հաճախ միայն անվանապես)։