Լյուսի Հոբս Թեյլոր

Վիքիպեդիայից՝ ազատ հանրագիտարանից
Jump to navigation Jump to search
Լյուսի Հոբս Թեյլոր
Lucy Hobbs Taylor.jpg
Ծնվել էմարտի 14, 1833(1833-03-14)[1][2][3]
ԾննդավայրConstable, Ֆրանկլին շրջան, Նյու Յորք, ԱՄՆ
Մահացել էհոկտեմբերի 3, 1910(1910-10-03)[1][2][3] (77 տարեկանում)
Մահվան վայրԼոուրենս, Կանզաս, ԱՄՆ[4]
ՔաղաքացիությունԱՄՆ
Մասնագիտությունատամնաբույժ

Լյուսի Հոբս Թեյլոր (անգլ.՝ Lucy Hobbs Taylor, մարտի 14, 1833(1833-03-14)[1][2][3], Constable, Ֆրանկլին շրջան, Նյու Յորք, ԱՄՆ - հոկտեմբերի 3, 1910(1910-10-03)[1][2][3], Լոուրենս, Կանզաս, ԱՄՆ[4]), ԱՄՆ-ում առաջին կինը, որն ստացել է ատամնաբույժի կրթություն (1866 թվականին ավարտել է Օհայո նահանգի ատամնաբուժական քոլեջը)[5]։

Վաղ տարիներ[խմբագրել | խմբագրել կոդը]

Լյուսի Հոբսը ծնվել է 1833 թվականի մարտի 14-ին Նյու Յորք նահանգի Կոնստեբլ քաղաքում։ Իր գործունեության սկզբում նա եղել է Միչիգան նահանգի դպրոցներից մեկի ուսուցչուհի, որը տևել է գրեթե տասը տարի։ 1859 թվականին նա տեղափոխվել է Ցինցինատի` մտադիր լինելով դառնալ ատամնաբույժ։ Նրան հրաժարվել են ընդունել Ատամնաբուժական ինստիտուտ, որից հետո նա որոշում է կայացրել կրթություն ստանալ մասնավոր ձևով՝ ուսանելով Օհայո նահանգի ատամնաբուժական վիրաբուժության քոլեջի պրոֆեսորների մոտ[6]։

Բժշկական գործունեություն[խմբագրել | խմբագրել կոդը]

Ատամնաբուժական դասընթաց անցնելուց հետո 1861 թվականին Լյուսի Հոբսը սկսել է մասնավոր ատամնաբուժական գործունեություն Ցինցինատիում։ Կարճ ժամանակ անց տեղափոխվել է Բելվյու քաղաք, ապա Մաքգրեգոր (Այովա նահանգ), որտեղ մնացել է երեք տարի։

1865 թվականին վերջիվերջո ստացել է մասնագետի կոչում և թույլտվություն՝ ընդունվելու Այովա նահանգի ատամնաբուժական միավորում։ Այդ տարվա նոյեմբերին նա ընդունվել է Ատամնաբուժական վիրաբուժության քոլեջ, որը 1866 թվականին ավարտելուց հետո ստացել է դոկտորի կոչում ատամնաբուժության ոլորտում[6]՝ դառնալով ԱՄՆ-ում առաջին կինը, որին հաջողվել է դա անել[7]։ Հետագայում նա գրել է.

Մարդիկ ապշել էին, երբ իմացան, որ աղջիկը պատրաստ է մոռանալ իր կանացիությունը, որպեսզի ատամնաբուժություն սովորի[8]։

Դրանից հետո Լյուսի Հոբսը տեղափոխվել է Չիկագո։ Այդտեղ նա հանդիպել է Ջեյմս Մ. Թեյլորի հետ, որի հետ 1867 թվականի ապրիլին ամուսնացել է։ Նա համոզել է ամուսնուն համատեղ ատամնաբուժարան բացել։ Զույգը տեղափոխվել է Կանզաս նահանգի Լոուրենս քաղաք, որտեղ նրանք համատեղ գործունեություն են ծավալել մինչև 1886 թվականը։ Այդ տարի Ջեյմս Թեյլորը մահացել է։

Ամուսնու մահից հետո Լյուսի Թեյլորը հրաժարվել է ատամնաբուժական գործից և դարձել է քաղաքական ակտիվիստ։ Նա հանդես է եկել կանանց իրավունքների պաշտպանության դիրքերից՝ հասարակական գործիչ մնալով մինչև կյանքի վերջը՝ 1910 թվականի հոկտեմբերի 3-ը[6]։

Ավանդ[խմբագրել | խմբագրել կոդը]

1900 թվականից Լյուսիի օրինակին հետևել են մոտ 1000 կանայք, որոնք ստացել են ատամնաբուժական կրթություն, ինչը որոշ չափով նաև նրա նվաճումն է[9]։

1983 թվականից Ամերիկայի կին ատամնաբույժների միավորումը հանձնում է Լյուսի Հոբս Թեյլորի անվան մրցանակ, որն ամեն տարի տրվում է որպես նշան կին ատամնաբույժների մասնագիտական վարպետության և ատամնաբուժության մեջ կանանց առաջընթացի գործին ծառայելուն։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Encyclopædia Britannica
  2. 2,0 2,1 2,2 2,3 2,4 SNAC — 2010.
  3. 3,0 3,1 3,2 3,3 3,4 FemBio: Банк данных о выдающихся женщинах, Frauerdatenbank
  4. 4,0 4,1 4,2 http://www.smilephiladelphian.com/bytes.php
  5. Missouri Women in the Health Sciences — Health Professions — «Women in Dentistry» by E.N. King
  6. 6,0 6,1 6,2 «Lucy Hobbs Taylor, First Female Dentist» Archived 2013-02-21 at Archive.is Accessed 25 May 2006.
  7. «Lucy Hobbs Taylor» Archived 2005-11-13 at the Wayback Machine. Accessed 25 May 2006.
  8. June 2002 CDA Journal — Feature Article, Copyright 2002 Journal of the California Dental Association Archived 2012-04-02 at the Wayback Machine.
  9. «Lucy Hobbs Taylor»(չաշխատող հղում). Celebrating Women’s History Month. Accessed 25 May 2006.

Արտաքին հղումներ[խմբագրել | խմբագրել կոդը]

  • Matlak, A. Surfing for history: an annotated bibliography of select websites/pages on the history of dentistry(անգլ.) // Journal of the History of Dentistry : journal. — 2007. — Т. 55. — № 1. — С. 26—9. — PMID 17564149.
  • Women's role in dentistry celebrated (und) // Dentistry Today. — 2000. — Т. 19. — № 5. — С. 32, 40—1. — PMID 12524757.
  • Giangrego, E. Looking back. Lucy Hobbs Taylor (und) // CDS Review. — 2002. — С. 42. — PMID 11957833.
  • Dees, L A. Before we were created equally: the story of Lucy Hobbs Taylor, DDS(անգլ.) // Journal of the History of Dentistry : journal. — 2001. — Т. 49. — № 3. — С. 105—110. — PMID 11813374.
  • Albert, S B. It takes determination to be a dentist (und) // The New York State Dental Journal. — 1999. — Т. 65. — № 1. — С. 3—5. — PMID 10079697.
  • Hine, M K. A look at women's contributions to dentistry (und) // Journal of the Indiana Dental Association. — 1993. — Т. 72. — № 6. — С. 36—8. — PMID 8040726.
  • Lucy paved the way (und) // The New York State Dental Journal. — 1993. — Т. 59. — № 8. — С. 72. — PMID 8247450.
  • Davis, S. Lucy Hobbs Taylor: the mixed blessing of being the first(անգլ.) // Journal of the American Dental Association : journal. — 1988. — Т. 117. — № 3. — С. 443. — PMID 3053854.
  • Hewitt, D L. Dentistry's first lady: Lucy Hobbs Taylor (und) // The Ohio Dental Journal. — 1988. — Т. 62. — № 4. — С. 28—31. — PMID 3062517.
  • Hofer, K. Dr. Lucy Hobbs Taylor, first woman dentist (und) // CAL. — 1981. — Т. 45. — № 4. — С. 13—5, 18. — PMID 7028217.
  • Walker, J C. Lucy had courage (und) // CAL. — 1976. — Т. 39. — № 10. — С. 29—30. — PMID 795514.
  • Edwards, R W. The first woman dentist Lucy Hobbs Taylor, D.D.S. (1833-1910)(անգլ.) // Bulletin of the History of Medicine : journal. — 1951. — Т. 25. — № 3. — С. 277—283. — PMID 14848611.
  • Find-A-Grave entry