Լեսիթիոն

Լեսիթիոն; հուն․՝ Λασιθίου
Երկիր	Հունաստան
Կարգավիճակ	նոմոս
Մտնում է	Կրետե
Վարչկենտրոն	Այոս Նիկոլաոս
Հիմնական լեզու	Հունարեն
Բնակչություն (2001)	76 319
Կրոնական կազմ	Հույն ուղղափառ եկեղեցի
Տարածք	1823 կմ²
Ժամային գոտի	UTC+2 և UTC+3
ISO 3166-2 կոդ	GR-92
Փոստային ինդեքսներ	72x xx
Ավտոմոբիլային կոդ	AN
	lassithi.gr
	Լեսիթիոն Վիքիպահեստում

Լեսիթիոն (հուն․՝ Λασιθίου), տարածաշրջանային միավոր կամ նոմոս Հունաստանի հարավում՝ Կրետե կղզու վրա։ Վարչականորեն մտնում է Կրետեի պերիֆերիայի կամ մարզի կազմի մեջ^[1]։

Լեսիթիոնի վարչական կենտրոնն Այոս Նիկոլաոս քաղաքն է։ Այս տարածքներում առաջացած առաջին պետական կազմավորումը Կրետեի ծովապետությունն է։

Լեսիթիոնը իր հերթին բաժանված է 8 դիմոսների կամ գյուղական բնակավայրերի։

Աշխարհագրություն

Լեսիթիոն տարածաշրջանային միավորը գտնվում է Հունաստանի հարավային անդրծովյան հատվածում։ Տեղակայված է Հունաստանի ամենախոշոր կղզու՝ Կրետեի արևելքում։

Երեք կողմից շրջապատված է Միջերկրական ծովի ջրերով։ Արևմուտքում միայն սահմանակցում է Հերակլիոնի նոմոսին։

Լեսիթիոնի վարչական կենտրոնն ու խոշորագույն քաղաքն Այոս Նիկոլաոսն է։ Լեսիթիոնի մայրաքաղաքը և մի շարք այլ ծովափնյա քաղաքներում Հունաստանի համար ունեն զբոսաշրջային կարևոր նշանակություն։ Տնտեսության գերակա ճյուղը զբոսաշրջությունն է։

Լեսիթիոնի տարածաշրջանային միավորի տեղանքը ցածրադիր է։ Այն գտնվում է ծովի մակարդակից 850 մետր բարձրության վրա։

Բնակչություն

Ըստ 2001 թվականի մարդահամարի տվյալների՝ Լեսիթիոնի տարածաշրջանային միավորի բոլոր բնակավայրերը միասին ունեն 76 319 մարդ բնակչություն^[1]։

Լեսիթիոնի հիմնական բնակիչները հույներն են, որոնք այստեղ հաստատվել են դեռևս հազարավոր տարիներ առաջ։ Բացի հույներից, այստեղ ապրում են նաև որոշ քանակությամբ թուրքեր։

Լեսիթիոնի հույները խոսում են հունարեն լեզվի կրետական բարբառով, որը տարբերվում է ժամանակակից հունարենից։ Նրանք օգտագործում են հունական այբուբենը։

Բնակչության ճնշող մեծամասնությունը դավանում է քրիստոնեություն՝ հույն ուղղափառութուն։ Բնակչության խտությունը կազմում է 41,9 մարդ/կմ²։