Առաջին նշանակալի դերը կինոյում Լեոնիդ Բիչևինը խաղացել է Ալեքսեյ Բալաբանովի սկանդալային «Բեռ 200» ֆիլմում (2007)։ Ֆիլմի նկարահանման հրապարակում երիտասարդ դերասանը հայտնվեց Ագնիա Կուզնեցովայի շնորհիվ, ում հետ միասին սովորել էր Շչուկինի անվան ուսումնարանում[1]։ Բալաբանովի հաջորդ՝ «Մորֆի» ֆիլմում Բիչևինն արդեն ստացավ գլխավոր դերը։ Միխայիլ Բուլգակովի արձակի հիման վրա նկարահանված ֆիլմում դերասանը խաղաց երիտասարդ բժիշկ-մորֆինամոլի դեր, որն աշխատում էր գյուղի հիվանդանոցում։ Բալաբանովը գոհ մնաց դերասանի հետ համագործակցությունից։ Իր հարցազրույցներից մեկում ռեժիսորը կարծիք հայտնեց, որ Լեոնիդ Բիչևինը «աստղ է դառնալու»[2]։
2009 ֊ «Ժորժ» մրցանակի առաջադրում «Լավագույն ռուս դերասան» անվանակարգում
2009 - Ալեքսանդր Աբդուլովի անվան մրցանակ՝ «Դուխ օգնյա» կինեմատոգրաֆիական առաջնելույթների 8-րդ միջազգային փառատոնում՝ «Սնձենու վալս» ֆիլմում դերակատարման համար
2009 - «Ընտանիքի շրջանում» միջազգային կինոփառատոնի մրցանակ՝ «Լավագույն դերասանական աշխատանք (տղամարդու դեր)» անվանակարգում՝ «Սնձենու վալս» ֆիլմում դերակատարման համար