Լեդի Էլենա Էմիլի Գլայխեն

Վիքիպեդիայից՝ ազատ հանրագիտարանից
Jump to navigation Jump to search
Լեդի Էլենա Էմիլի Գլայխեն
Ծնվել էփետրվարի 1, 1873(1873-02-01)[1][2][3]
ԾննդավայրԼոնդոն, Մեծ Բրիտանիայի և Իռլանդիայի միացյալ թագավորություն
Վախճանվել էհունվարի 28, 1947(1947-01-28)[1][2][3] (73 տարեկանում)
ՔաղաքացիությունFlag of the United Kingdom.svg Միացյալ Թագավորություն
Մասնագիտություննկարչուհի
ՊարգևներԲրիտանական Կայսրության շքանշանի սպա
ՀայրPrince Victor of Hohenlohe-Langenburg?
ՄայրԱրքայադուստր Հոենլո-Լանգենբուրգցի

Լեդի Էլենա Էմիլի Գլայխեն (փետրվարի 1, 1873(1873-02-01)[1][2][3], Լոնդոն, Մեծ Բրիտանիայի և Իռլանդիայի միացյալ թագավորություն - հունվարի 28, 1947(1947-01-28)[1][2][3]), բրիտանացի նկարչուհի, որը պատկերել է բնանկարներ, ծաղիկներ ու կենդանիներ՝ հատուկ համակրանք տածելով հատկապես ձիերի նկատմամբ։ Արժանացել է Բրիտանական կայսրության շքանշանի, ինչպես նաև սուրբ Ջոնի շքանշանի։

Նրա եղբայրը` լորդ Էդվարդ Գլայխենը (1863–1937), պրոֆեսիոնալ զինվոր էր, որը գրել է մի քանի գրքեր: Քույրը` լեդի Ֆեոդորա Գլայխենը (1861–1922), քանդակագործ էր: Նրանք կոմս Վիկտոր Գլայխենի, որը Վիկտորյա թագուհու խորթ զարմիկն էր, քանդակագործ ու ծովային սպա, և վերջինիս մորգանատիկական ամուսնությամբ կնոջ՝ ծովակալ սըր Ջորջ Սեյմուրի դուստր Լորա Ուիլյամինա Սեյմուրի[4] երեխաներն էին:

1885 թվականի դեկտեմբերի 15-ին արքունական շրջաբերականում տպագրվել է թագուհու թույլտվությունն առ այն, որ Էլենայի մայրը կարող է կրել ամուսնու տիտղոսը Սուրբ Ջեյմսի արքունիքում, որից հետո նրանք հայտնի են դարձել որպես նորին պայծառություններ արքայազն և արքայադուստր Վիկտոր Հոենլո-Լանգենբուրգներ: Բայց թագուհին այդ արտոնությունը չի տարածել նրանց երեխաների վրա, չնայած նա հաստատել է նրանց գերմանական տիտղոսների՝ որպես կոմս ու կոմսուհիներ, կիրառությունը: 1913 թվականի հունիսի 12-ին Էլենան և իր քույրերը՝ կոմսուհիներ Ֆեոդորա և Վալդա  Գլայխեններըը, լեդիների կարգավիճակ են ստացել[5]:

1904 թվականին նկարազարդումներ է կատարել դեպի Տիբեթ կատարվող բրիտանական արշավի համար։ Առաջին համաշխարհային պատերազմի ժամանակ հրաժարվել է իր գերմանական տիտղոսներից՝ ընդունելով թագավորի կողմից մարքիզի դստեր կոչումը[6] և ղեկավարել Իտալիայի Կորմոնս քաղաքում տեղակայված բրիտանական Կարմիր խաչի 4-րդ ռադիոգրաֆիական ստորաբաժանումը: Հետագայում արժանացել է «Ռազմական քաջության համար» իտալական բրոնզե մեդալի և 1920 թվականին ընտրվել Հիվանդախնամների միաբանության պատվավոր անդամ, արժանացել Բրիտանական կայսրության շքանշանի: Եղել է հնահավաքների արքայական ընկերության անդամ [7]:

Նա աշխատել է իր հոր՝ Սուրբ Ջեյմսի արքայական պալատում գտնվող նախկին արվեստանոցում։ Իր տունը գտնվում էր Հերթֆորդշայր կոմսության Մաչ Մարքլ գյուղում, որը Երկրորդ համաշխարհային պատերազմի տարիներին օգտագործվել է Թեյթ թանգարանային համալիրի կողմից` արվեստի գործերի անվտանգ պահպանման համար: 80 հոգուց բաղկացած իր առանձնատան անձնակազմը Երկրորդ համաշխարհային պատերազմի տարիներին դարձրել է կամավորական պաշտպանական ջոկատ[8][9]:

Գլայխենը մահացել է 1947 թվականին, իր 74-ամյակից երեք օր առաջ: Նրա հուշերը ՝ «Կոնտակտներն ու հակադրությունները» տպագրվել են 1940 թվականին: Նրա և նրա քույրերի պատվին հուշատախտակ կա Լոնդոնի Գոլդերս Գրին թաղամասում:


Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 SNAC — 2010.
  2. 2,0 2,1 2,2 2,3 2,4 Find A Grave — 1995. — ed. size: 165000000
  3. 3,0 3,1 3,2 3,3 3,4 Lundy D. R. The Peerage — ed. size: 717826
  4. Atwood Kathryn J. (2014)։ Women Heroes of World War I: 16 Remarkable Resisters, Soldiers, Spies, and Medics։ Chicago Review Press։ էջ 108։ ISBN 978-1-61374-686-8 
  5. Կաղապար:London Gazette
  6. Կաղապար:London Gazette
  7. Find-a-Grave websiteԿաղապար:Primary source inline
  8. Alexander Palace website
  9. Hellens Manor website Archived 25 January 2013 at Archive.is

Հետագա ընթերցանություն[խմբագրել | խմբագրել կոդը]

  • Էլենա Գլայխեն, Կոնտակտներն ու հակադրություններ (1940): Վերահրատարակված ՝ Քերոլայն Սթոունի նոր ներկայացմամբ (Առանձնատուն, 2013)[1]: