Լայոնել Լինդոն

Լայոնել Լինդոն
Ծննդյան թիվ՝	սեպտեմբերի 2, 1905(1905-09-02)
Ծննդավայր՝	Սան Ֆրանցիսկո, Կալիֆոռնիա, ԱՄՆ
Վախճանի թիվ՝	սեպտեմբերի 20, 1971(1971-09-20) (66 տարեկան)
Վախճանի վայր՝	Վան Նայս, Լոս Անջելես, Կալիֆոռնիա, ԱՄՆ
Քաղաքացիություն՝	ԱՄՆ
Մասնագիտություն՝	օպերատոր-բեմադրիչ
Պարգևներ՝	Օսկար մրցանակ լավագույն օպերատորական աշխատանքի համար (գունավոր) (1955)
IMDb։	ID 0512068

Լայոնել Լինդոն (անգլ.՝ Lionel Lindon, սեպտեմբերի 2, 1905(1905-09-02), Սան Ֆրանցիսկո, Կալիֆոռնիա, ԱՄՆ - սեպտեմբերի 20, 1971(1971-09-20), Վան Նայս, Լոս Անջելես, Կալիֆոռնիա, ԱՄՆ), ամերիկացի կինոօպերատոր։ «Օսկար» մրցանակի դափնեկիր լավագույն օպերատորական աշխատանք անվանակարգում «Աշխարհի շուրջը 80 օրում» (1956) ֆիլմի համար։

Կենսագրություն

Լայոնել Լինդոնը ծնվել է 1905 թվականի սեպտեմբերի 2-ին Կալիֆոռնիայում։ Դպրոցն ավարտելուց հետո աշխատանքի է ընդունվել Paramount Pictures ստուդիայում։ 1927 թվականին սկսել է աշխատել կինոյում որպես օպերատորի օգնական։ Որպես հիմնական կինոօպերատոր աշխատել է 1943 թվականից։ Հայտնի է Մայքլ Անդերսոնի «Աշխարհի շուրջը 80 օրում» (1956), ռեժիսոր Ջոն Ֆրանկենհայմերի «Մանջուրյան թեկնածու» (1962) և «Մեծ մրցանակ» (1966) ֆիլմերով։ Իր կարիերայի ընթացքում մասնակցել է 125 ֆիլմի նկարահանումների։ Անդամակցել է Ամերիկյան կինոօպերատորների միությանը։

Լայոնել Լինդոնը մահացել է 1971 թվականի սեպտեմբերի 20-ին Վան Նայսում (Կալիֆոռնիա).

Ընտրյալ ֆիլմագրություն

• 1944 – Գնա քո ճանապարհով / Going My Way (ռեժ.՝ Լեո Մակերի)
• 1946 – Կապույտ գեորգին / The Blue Dahlia (ռեժ.՝ Ջորջ Մարշալ)
• 1947 – Իմ սիրելի սևահերը / My Favorite Brunette (ռեժ.՝ Էլիոթ Նաջենթ)
• 1949 – Կեղծանունը Նիք Բիլ / Alias Nick Beal (ռեժ.՝ Ջոն Ֆերոու)
• 1950 – Նշանակման վայրը՝ Լուսին / Destination – Moon (ռեժ.՝ Իրվինգ Փիչել)
• 1950 – Սորուն ավազ / Quicksand (ռեժ.՝ Իրվինգ Փիչել)
• 1952 – Շրջադարձային կետ / The Turning Point (ռեժ.՝ Ուիլյամ Դիտերլե)
• 1955 – Տիեզերքի գրավումը / Conquest of Space (ռեժ.՝ Բայրոն Հեքսին)
• 1956 – Աշխարհի շուրջը 80 օրում / Around The World In 80 Days (ռեժ.՝ Մայքլ Անդերսոն)
• 1957 – Սև կարիճ / The Black Scorpion (ռեժ.՝ Էդվարդ Լյուդվիգ)
• 1958 – Ես ուզում եմ ապրել / I Want to Live! (ռեժ.՝ Ռոբերտ Ուայզ)
• 1961 – Պատանի վայրենիները / The Young Savages (ռեժ.՝ Ջոն Ֆրանկենհայմեր)
• 1962 – Մանջուրյան թեկնածու / The Manchurian Candidate (ռեժ.՝ Ջոն Ֆրանկենհայմեր)
• 1966 – Մեծ մրցանակ / Grand Prix (ռեժ.՝ Ջոն Ֆրանկենհայմեր)
• 1966 – Մահացու տոթ կարուսելի վրա / Dead Heat on a Merry-Go-Round (ռեժ.՝ Բեռնարդ Ջիրարդ)

Մրցանակներ և անվանակարգեր

• «Օսկար» մրցանակ լավագույն օպերատորական աշխատանքի համար
  • Ներկայացվել է 1945 թվականին «Գնա քո ճանապարհով» ֆիլմի համար
  • Արժանացել է 1957 թվականին «Աշխարհի շուրջը 80 օրում» ֆիլմի համար
  • Ներկայացվել է 1959 թվականին «Ես ուզում եմ ապրել» ֆիլմի համար

Արտաքին հղումներ

• Կինոօպերատորների օնլայն հանրագիտարան(անգլ.)