Իրինա Վիլդե

Իրինա Վիլդե ուկրաիներեն՝ Дарина Дмитрівна Полотнюк
Ծննդյան անուն	ուկրաիներեն՝ Дарина Дмитрівна Макогон
Ծնվել է	մայիսի 5, 1907(1907-05-05)
Ծննդավայր	Չեռնովցի, Բուկովինայի դքսություն, Ավստրո-Հունգարիա
Վախճանվել է	հոկտեմբերի 30, 1982(1982-10-30) (75 տարեկան)
Վախճանի վայր	Լվով, Ուկրաինական ԽՍՀ, ԽՍՀՄ
Գերեզման	Լիչակիվ գերեզմանատուն
Մասնագիտություն	գրող
Լեզու	ուկրաիներեն
Քաղաքացիություն	Ավստրո-Հունգարիա,  Արևմտաուկրաինական Ժողովրդական Հանրապետություն և  Լեհաստանի Երկրորդ Հանրապետություն
Կրթություն	Լվովի համալսարան
Ժանրեր	պատմվածք
Անդամակցություն	ԽՍՀՄ Գրողների միություն
Պարգևներ	և
Ամուսին	Եվգենի Պոլոտնյուկ
Իրինա Վիլդե Վիքիքաղվածքում
Iryna Vilde Վիքիպահեստում

Իրինա Դմիտրիևնա Վիլդե (ուկրաիներեն՝ Іри́на Ві́льде, իսկական անուն-ազգանունը՝ Դարիա Դմիտրիևնա Մակոհոն (ուկրաիներեն՝ Дарина Дмитрівна Макогон), ամուսնու կողմից՝ Պոլոտնյուկ, մայիսի 5, 1907(1907-05-05), Չեռնովցի, Բուկովինայի դքսություն, Ավստրո-Հունգարիա - հոկտեմբերի 30, 1982(1982-10-30), Լվով, Ուկրաինական ԽՍՀ, ԽՍՀՄ), ուկրաինացի գրող, որն ընդգրկվել է 20-րդ դարի հայտնի մարդկանց ՅՈՒՆԵՍԿՕ-ի ցուցակում։ ԽՍՀՄ գրողների միության անդամ 1940 թվականից։

Կենսագրություն

Իրինա Վիլդեն ծնվել է 1907 թվականին Չեռնովցիում, ուսուցիչ և գրող Դմիտրի Մակոհոնի ընտանիքում։ Ավարտել է Իվանո-Ֆրանկովսկի գիմնազիան։ 1928-1933 թվականներին սովորել է Լվովի համալսարանում, ուսուցչություն է արել Կոլոմիա քաղաքում, 1933-1939 թվականներին եղել է «Կանանց ճակատագիր» (ուկրաիներեն` «Жіноча доля») թերթի խմբագիրը։

1930 թվականին տպագրվել է երիտասարդ գրողի «Կյանքի պատմություն» նովելը։ 1930-1939 թվականներին Վիլդեն հրատարակել է մի շարք պատմվածքներ ու պատմություններ Արևմտյան Ուկրաինայի մտավորականության, մանր բուրժուազիայի կյանքից։ 1935 թվականին ստորագրել է Իրինա Վիլդե կեղծանունով։ 1940 թվականին համալրել է ԽՍՀՄ գրողների միության շարքերը։

1945-1949 թվականներին եղել է «Պրավդա Ուկրաինի» թերթի հատուկ թղթակից։ 1947 թվականին ընտրվել է ՈւԽՍՀ Գերագույն խորհրդի 2-րդ գումարման պատգամավոր։ Երկար տարիներ ղեկավարել է Լվովի գրողների միության կազմակերպությունը։

Մահը

Մահացել է 1982 թվականի հոկտեմբերի 30-ին։ Թաղված է Լվովի Լիչակով գերեզմանատանը։

Պարգևներ

• ՈւԽՍՀ Տարաս Շևչենկոյի անվան պետական մրցանակ՝ «Ռեչինսկի քույրեր» (1958-1964) վեպի համար, 1965
• Ի. Ֆրանկոյի անվան մրցանակ, 1935
• Աշխատանքային կարմիր դրոշի շքանշան
• Ժողովուրդների բարեկամության շքանշան, 1977
• «Պատվո նշան» շքանշան

Ստեղծագործություններ

Գրական գործունեությունն սկսել է 1927 թվականից։ Տպագրվել սկսել է ուսանողական տարիներից։ Առանձին հրատարակություններով լույս են տեսել Վիլդեի ակնարկները, պատմվածքներն ու վեպերը։ 1967-1968 թվականներին լույս է տեսել Վիլդեի երկերի ժողովածուների հինգհատորյակը։

• «Տարօրինակ սիրտ», 1936
• «Չափահաս երեխաներ», 1939
• «Մի կյանքի պատմություն», 1946
• «Կյանքի ուղի», 1949
• «Խնձորենին կրկին ծաղկում է», 1949
• «Վեպեր ու վիպակներ», 1949
• «Պատմություններ», 1954
• «Ռեչինսկի քույրեր» 1958-1964
• «Դուք չեք սիրում», 1958
• «Ես եմ մեղավորը», 1959
• «Կյանքն սկսվում է», 1961
• «Վարդեր և փշեր», 1961

Հիշատակ

• Գրողի անունով են անվանակոչվել փողոցներ Լվովում և Չերնովիցայում
• Լվովի այն տանը, որտեղ ապրել է գրողը, կա փակցված հուշատախտակ
• Լվովում բացվել է Իրինա Վիլդեի անվան գրական թանգարան
• 2007 թվականին Ուկրաինայի գրողների միության Լվովի կազմակերպությունում սահմանվել է Իրինա Վիլդեի անվան համաուկրաինական գրական մրցանակ
• 2006 թվականի հոկտեմբերին Ուկրաինայի Գերագույն խորհուրդը (Ռադա) որոշում է կայացրել «Իրինա Վիլդեի ծննդյան 100- ամյակի միջոցառումների մասին»

Գրականություն

• Куторга 3. Накануне.- «Литературная газета», 1959, 10 дек.;
• Пустовойт П. Иллюзии гибнут, надежды остаются. — «Дружба народов», 1958, № 12;
• Вальо М. А. Ipина Вiльде. Лiт.-критич. нарис, К., 1962.

Ծանոթագրություններ

Վիքիքաղվածքն ունի քաղվածքների հավաքածու, որոնք վերաբերում են

Իրինա Վիլդե հոդվածին