Իլիասու Շիլլա
 | |||
|---|---|---|---|
| Քաղաքացիությունը |
 Գանա | ||
| Ծննդյան ամսաթիվ | հոկտեմբերի 26, 1982[1][2] (41 տարեկան) | ||
| Ծննդավայր | Տեմա, Մեծ Աքրա, Գանա | ||
| Դիրք | պաշտպան | ||
|
| |||
|
| |||
|
| |||
|
| |||
|
| |||
Իլիասու Շիլլա Ալհասան (անգլ.՝ Illiasu Shilla Alhassan, հոկտեմբերի 26, 1982[1][2], Տեմա, Մեծ Աքրա, Գանա), գանացի ֆուտբոլիստ, նախկին պաշտպան։ Հանդսես է եկել Գանայի ազգային հավաքականի կազմում։
Ակումբային կարիերա[խմբագրել | խմբագրել կոդը]
Ֆուտբոլով սկսել է զբաղվել 7 տարեկանից, Տամալեի ակադեմիայում։ Խաղացողի պրոֆեսիոնալ կարիերան սկսվել է 2002 թվականին՝ Գանայի բարձրագույն լիգայի առաջնությունում հանդես եկող «Քինգ Ֆեյսալ Բեյբս» ակումբում, իսկ հետո համալրել է «Ասանտե Կոտոկո» ակումբի շարքերը, վերջինիս հետ էլ արժանացել է երկրի չեմպիոնի տիտղոսին[3]։
2006 թվականին Գերմանիայում կայացած աշխարհի առաջնությանը մասնակցելուց հետո, խաղացողի ծառայություններով սկսեցին հետաքրքվել բազում եվրոպական ակումբներ, որոնցից էին անգլիական «Արսենալը», «Բլաքբըրնը», ֆրանսիական «Լիոնը» և հունական «Օլիմպիակոսը»։ Այդ ակումբներում բուժզննում անցելուց հետո նա տեղափոխվեց Ռուսաստան[3]։
Առավել շահավետ պայմաններ առաջարկեց Ռամենսկոյեի «Սատուռնը», ուր նա տեղափոխվել է 2006 թվականին։ Մինչև 2008 թվականը հանդես է եկել «Սատուռնի» կազմում։ 2008 թվականին ծանր վնասվածք է ստացել և տեղափոխվել է Գերմանիա՝ վիրահատվելու։ Վերականգնումը տեղի է ունեցել հայրենի Գանայում, ուր տեղափոխվել է վիրահատությունից հետո։ Որոշ ժամանակ անց առաջարկ է ստացել Գանայի բարձրագույն առաջնությունում հանդես եկող «Ռեալ Տամալե Յունայթեդից»[3]։
2011 թվականի սկզբին պայամանագիր է կնքել այդ ակումբի հետ։ Կես մրցաշրջան խաղալուց հետո, իր գործակալի խորհրդով, ամառային տրանսֆերային պատուհանի ընթացքում փոխել է ակումբային գրանցումը՝ համլրելով Դիլիջանի «Իմպուլս» ակումբի շարքերը։ Վերջինիս հետ կնքած պայմանագիրը վավեր էր մինչև մրցաշրջանի ավարտը[4]։
Ելույթների վիճակագրություն[խմբագրել | խմբագրել կոդը]
Տվյալները 2012 թվականի դեկտեմբերի 12-ի դրությամբ
| Ակումբ | Մրցաշրջան | Առաջնություն | Գավաթներ | Եվրոգավաթներ | Ընդհամենը | ||||
|---|---|---|---|---|---|---|---|---|---|
| Հանդիպումներ | Գոլեր | Հանդիպումներ | Գոլեր | Հանդիպումներ | Գոլեր | Հանդիպումներ | Գոլեր | ||
| Իմպուլս | 2011 | 13 | 1 | 2 | 0 | 0 | 0 | 15 | 1 |
| 2012/13 | 30 | 0 | 2 | 0 | 0 | 0 | 32 | 0 | |
| Ընդհամենը | 43 | 1 | 4 | 0 | 0 | 0 | 47 | 1 | |
| Կարիերայի ընթացքում | 43 | 1 | 4 | 0 | 0 | 0 | 47 | 1 | |
Կարիերան հավաքականում[խմբագրել | խմբագրել կոդը]
«Ասանտե Կոտոկոյում» հանդես գալու ընթացքում առաջին անգամ հրավիրվել է ազգային հավաքական։ Այդ ընթացքում ազգային հավաքականը գլխավորում էր սերբ մասնագետ Ռատոմիր Դույկովիչը։ Նորամուտը հավաքականի կազմում նշել է 2006 թվականին ԱՖրիկյան ազգերի գավաթի շրջանակներում Զիմբաբվեի հավաքականի դեմ կայացած հանդիպման ժամանակ։ Շիլլան իր խաղով արժանացել է Դույկովիչի ուշադրությանը և որպես հետևանք հրավիրվել ազգային հավաքական՝ 2006 թվականին Գերմանիայում կայանալիք աշխարհի առաջնությանը մասնակցելու համար։ Ֆուտբոլիստի համար հիշարժան է դարձել Չեխիայի հավաքականի դեմ հանդիպումը, որի ժամանակ Գանան 2։ 0 հաշվով հաղթանակ է տարել[3]։
Նվաճումներ[խմբագրել | խմբագրել կոդը]
«Ասանտե Կոտոկո»
- Գանայի չեմպիոն․ 2005
- Գանայի առաջնության արծաթե մեդալակիր․ 2004/05
- Գանայի առաջնության բրոնզե մեդալակիր․ 2000, 2003
«Իմպուլս»
- Հայաստանի գավաթի եզրափակչի մասնակից․ 2011/12
- Գանայի հավաքական
- Աֆրիկյան ազգերի գավաթի բրոնզե մեդալակիր․ 2008
Անձնական կյանք[խմբագրել | խմբագրել կոդը]
Ամուսնացած է, ունի երկու երեխա։ Ունի երկու քույր և երկու եղբայր։ Տիրապետում է անգլերենին և ռուսերենին[3]։
Հետաքրքրություններ և նախասիրություններ[խմբագրել | խմբագրել կոդը]
Սիրելի առաջնությունը իսպանական Պրիմերան է, թիմը՝ Լոնդոնի Արսենալը, ֆուտբոլիստը՝ կամերունցի Սամուել Էտո'Օն, մարզիչը՝ Ժոզե Մոուրինյոն, հավաքականը՝ Իսպանիան։
Սիրում է լսել Սելին Դիոնի երգերը, զբաղվել համակարգչով, դիտել CNN հեռուստաալիքը, ճաշակել համեղ ուտեստներ, խաղալ սեղանի թենիս[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ 3,0 3,1 3,2 3,3 3,4 3,5 «Илиасу Алхасан: «Импульс» в чемпионате Ганы мог бы бороться за 3-8 места» (ռուսերեն). Armfootball.com. 06.08.2011. Արխիվացված է օրիգինալից 2012 թ․ մարտի 17-ին. Վերցված է 06.08.2011-ին.
- ↑ ««Импульс» заключил контракт с Илиасу Шилой» (ռուսերեն). Armsport.com. 24.6.2011. Արխիվացված է օրիգինալից 2011 թ․ հունիսի 30-ին. Վերցված է 24.6.2011-ին.
Արտաքին հղումներ[խմբագրել | խմբագրել կոդը]
- Անձնական էջը footballdatabase.eu-ում(անգլ.)
- Ֆուտբոլիստի էջը soccerway.com կայքում(անգլ.)
- Վիճակագրությունը National Football Teams կայքում(անգլ.)
|
