Թևան Խաչյան

Թևան Խաչյան
Ծնվել է	1911
Ծննդավայր	Ազնաբերդ, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	1944
Մասնագիտություն	բանաստեղծ
Կրթություն	Երևանի պետական համալսարան (1938)
Անդամակցություն	ԽՍՀՄ Գրողների միություն
Աշխատավայր	Ավանգարդ

Թևան Կարապետի Խաչյան, Խաչատրյան (1911, Ազնաբերդ, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն - 1944), հայ բանաստեղծ։

Կենսագրություն

Ծնվել է 1911 թվականի մայիսի 15-ին, Նախիջևանի Ազնաբերդ (Ըզնաբերդ) գյուղում։ Ութամյա կրթությունն ստացել է ծննդավայրի դպրոցում, ապա ավարտել է Նախիջևանի Աստապատ գյուղի միջնակարգ դպրոցը։ 1932 թվականին մեկնել է Բաքու, երկու տարի աշխատել տեղի նավթարդյունաբերական կոմբինատում։ 1933 թվականին ընդունվել է ԽՍՀՄ գրողների միության շարքերը։ 1934 թվականին ընդունվել է Երևանի պետական համալսարանի բանասիրական ֆակուլտետը, որը բարձր առաջադիմությամբ ավարտելով 1938 թվականին, նույն տարում ընդունվում է համալսարանի ասպիրանտուրայի գրականագիտության բաժինը։ Միաժամանակ աշխատանքի է անցնում «Ավանգարդ» թերթի խմբագրությունում՝ որպես պատասխանատու քարտուղար։ Համալսարանում ուսանելու տարիներին եղել է բանասիրական ֆակուլտետի կոմերիտական կազմակերպության քարտուղարը։ 1939 թվականի աշնանը զորակոչվում է Խորհրդային բանակ։ 1941 թվականին, երբ արդեն պետք է զորացրվեր, սկսվում է երկրորդ աշխարհամարտը, և հայրենիքի պաշտպանությանը առաջինը զինվորագրվածների շարքերին միացած մարտիկ-մտավորականը պատերազմի առաջին իսկ օրերից մասնակցում է ֆաշիզմի դեմ մղվող թեժ մարտերին։ Զոհվել է 1944 թվականին՝ Ուկրաինայի ազատագրման համար մղվող մարտերից մեկում։

Երկեր

• «Առօրյան» բանաստեղծությունների ժողովածու, Երևան, 1938
• «Ցայգածաղիկ» (կազմեց և հրատ. պատրաստեց Արտակ Վարդանյանը), Երևան, 2001

Գրականություն

• «Ցայգածաղիկ» (կազմեց և հրատ. պատրաստեց Արտակ Վարդանյանը), Երևան, 2001