Թոռնիկ Դամիրյան
| Թոռնիկ Դամիրյան | |
|---|---|
| Ծնվել է | 1920 |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |   և  |
Թոռնիկ Սարգսի Դամիրյան (1920), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1944):
Կենսագրություն[խմբագրել | խմբագրել կոդը]
Թոռնիկ Դամիրյանը ծնվել է 1920 թվականին Ապարանի շրջանի Հովիտ գյուղում։ Սովորել է գյուղի յոթնամյա դպրոցում, այնուհետև ընդունվել Լենինականի տեքստիլ տեխնիկում, որը 1940 թվականին ավարտելուց հետո աշխատանքի է անցել Ապարանի շրջանի Հնաբերդ գյուղի դպրոցում։ 1940 թվականի վերջերին զորակոչվել է պարտադիր զինվորական ծառայության։ Մուրմանսկի կրտսեր հրամանատարական դպրոցն ավարտելուց հետո գործուղվել է 52-րդ հրաձգային դիվիզիայի 205-րդ հրաձգային գունդը։ 1943 թվականի ապրիլ-մայիս ամիսներին Դամիրյանի գունդը պետք է անցներ Կոլա թերակղզու հյուսիսային մասը, դուրս գար Ֆինլանդիա-Նորվեգիա սահմանը, ազատագրեր Պեչենգա նավահանգիստը։ Պերսամ գետն անցնելու ժամանակ վիրավորվել է ձախ ոտքից։ Ապաքինվելուց հետո նորից մեկնել է գործող բանակ, նոր կազմավորվող 19-րդ բանակը (Երկրորդ բելոռուսական ռազմաճակատ)[1]։
Ռազմաճակատում ցուցաբերած արիության համար Դամիրյանը պարգևատրվել է Հայրենական պատերազմի 2-րդ աստիճանի և Կարմիր աստղի շքանշաններով ու բազմաթիվ մեդալներով։ 1944 թվականին ռազմաճակատում նա ընդունվել է ԽՄԿԿ շարքերը։
Պատերազմի ավարտից հետո Դամիրյանը զորացրվել է բանակից, նշանակվել Հովիտ գյուղի դպրոցի ֆիզիկայի և մաթեմատիկայի ուսուցիչ և ուսմասվար։ Աշխատանքին զուգընթաց ավարտել է Երևանի հեռակա մանկավարժական ինստիտուտը, աշխատել է Երևանի № № 93, 31, և 91 դպրոցներում։ Պարգևատրվել է «Պատվո նշան» շքանշանով, մեդալներով և պատվոգրերով[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- Հայրենական պատերազմի 2-րդ աստիճանի շքանշան
- «Պատվո նշան» շքանշան