Թաքնվածները

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Թաքնվածները
Hidden
ԵրկիրFlag of the United States.svg ԱՄՆ
Ժանրսարսափ և դրամա
Թվականսեպտեմբերի 15, 2015
Լեզուանգլերեն
ՌեժիսորԴաֆեր եղբայրներ
ՊրոդյուսերՌիչարդ Զանուկ
ԴերակատարներԱլեքսանդր Սկարսգորդ, Անդրեա Ռայսբորո և Էմիլի Էլին Լինդ
ԵրաժշտությունԴեյվիդ Ջուլիան
ՄոնտաժJeffrey M. Werner?
Նկարահանման վայրՎանկուվեր
ԿինոընկերությունVertical Entertainment?
Տևողություն84 րոպե

Թաքնվածները (անգլ.՝ Hidden), ցածր բյուջե ունեցող ամերիկյան գիտաֆանտաստիկ հետապոկալիպտիկ ֆիլմ` թրիլլերի ժանրով, սարսափ ֆիլմի տարրերով[1]: Նկարահանվել է 2015 թվականին: Ֆիլմի սցենարիստներն ու ռեժիսորներն են Մեթ և Ռոս Դաֆեր եղբայրները։ Այս ֆիլմը դարձել է լիամետրաժ կինոյում նրանց առաջին սցենարիստական և ռեժիսորական աշխատանքը: Գլխավոր դերակատարն է շվեդ հայտնի դերասան Ալեքսանդր Սկարսգորդը: Ֆիլմը նկարահանվել է Կանադայի Բրիտանական Կոլումբիա նահանգում:

Սյուժե[խմբագրել | խմբագրել կոդը]

Զոին և նրա ծնողները` Ռեյը և Քլերն արդեն երեք հարյուր օր է, որ ապրում են դպրոցական ռմբապաստարանում, որտեղ նրանք թաքնվել էին զինվորականներից, որոնք համաճարակ սկսվելուց հետո ռմբակոծում էին նրանց հարազատ քաղաք Քինգսվիլը Հյուսիսային Կարոլինայում: Նրանց կյանքը դժվար ու ձանձրալի է, նրանք խստորեն կանոնակարգել են իրենց կյանքը` իրենց կողմից մշակված կանոնների հիման վրա: Աղջկա և՛ մայրը, և՛ հայրը ամեն կերպ պայքարում են իրենց դստեր ֆիզիկական ու հոգեկան անվտանգության համար, բայց մի օր պատահականորեն ապաստարան ընկած լամպի պատճառով հրդեհ է բռնկվում. այն հաջողվում է մարել, սակայն դուրս թափանցած ծխի պատճառով նրանց գտնում են ծանր շնչառություն ունեցող ուժեղ և սարսափելի ինչ-որ արարածներ: Մորն ու դստերը հաջողվում է դուրս գալ, նրանք փորձում են փախչելով փրկվել, բայց ապարդյուն: Սակայն շուտով պարզվում է, որ իրականում կատարվածը տարբերվում էր հադիսատեսի պատկերացումներից...[1][2]

Հետագայում պարզ է դառնում, որ համաճարակից հետո, որը տարածվել էր հանելուկային վիրուսից, քաղաքը ռմբակոծվել էր: Ռեյը, Քլերն ու Զոին թաքնվել էին ռմբապաստարանում, սակայն դուռը փակելիս Քլերը վնասվել էր և տեսել, որ նրա արյան գույնը փոխվել է` դառնալով սև: Նա հասկացել էր, որ վարակը տարածվել էր օդով, և նրանք բոլորը վարակվել էին: «Շնչավորները», ովքեր բռնել էին մորն ու աղջկան, հատուկ հագուստով և հակագազով մարդիկ էին, ովքեր փնտրում էին վարակվածների: Նրանք պատրաստվում են սպանել Քլերին ու Զոիին, սակայն նրանց վրա է հարձակվում փրկված Ռեյը: Ագրեսիայի դեպքում վարակվածի արտաքին տեսքը փոխվում է և մեծանում է ֆիզիկական ուժը: Թեկուզ Ռեյին սպանում են, բայց Քլերն ու Զոին կարողանում են հաղթել մյուս զինվորականներին և փախչել: Նրանք գտնում են կոյուղու մուտքը, որտեղ պատահաբար հանդիպում են հարևանի որդուն, ում հետ ընկերություն էր անում Զոին: Վերջինս նրանց տանում է ստորգետնյա ապաստարան, որտեղ գտնում են բազմաթիվ վարակվածներ Քինգսվիլից:

Դերերում[խմբագրել | խմբագրել կոդը]

Քննադատական գնահատականներ[խմբագրել | խմբագրել կոդը]

Broadcast Film Critics Association և Online Film Critics Society-ի անդամ Մայք ՄըքԳրանագհանի (Mike McGranaghan) կարծիքով, ֆիլմում շատ թերություններ կար. սյուժեն կարելի է կանխագուշակել և այն ձանձրալի էր, որոշ տեսարաններում խախտվում է տրամաբանությունը, իսկ օրիգինալության ձգտող եզրափակիչ տեսարանը չափազանց անճշմարտանման է երևում: Ըստ նրա` ընդհանուր առմամբ ֆիլը կրկնվող է, և այնտեղ չկա որևէ բան, որ չի կարելի գտնել նույն թեմատիկայով այլ ֆիլմերում, միևնույն ժամանակ` մի շարք այլ կինոստեղծագործություններում ամեն ինչ շատ ավելի լավ է արված (օրինակ` «Քայլող մեռյալները» հեռուստասերիալը): Ֆիլմի առավելություններից ՄըքԳրանագհանը նշում է փակ տարածության արդյունավետ օգտագործման մեթոդը և գլխավոր հերոսների հոգեբանորեն համոզիչ խաղը, որոնց վարքի վրա ազդել է այդ մռայլ միջավայրում անցկացրած մեկ տարին: ՄըքԳրանագհանն իրական ձեռքբերում է (a real find) համարում երիտասարդ Էմիլի Ալին Լինդին Զոիի դերում` նշելով, որ այդքան երիտասարդ դերասանների համար նրա խաղացած ուժեղ հույզերը հազվադեպ են այդչափ իրական լինում[2]:

Այլ կարծիքի է քննադատ Նև Քուաթելը: Նա համարում է, որ այս ֆիլմը կարելի է վարպետորեն ստեղծած և կատարյալ համարել և բնութագրում է ֆիլմը որպես հասուն, անսպասելի ավարտով, որը նման չէ ցածրբյուջետային այլ ֆիլմերի, որոնք ստեղծվել են թրիլլեր կամ սարսափ ֆիլմերի ժանրով[1]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]