Էլվիրա Բարյակինա
Էլվիրա Բարյակինա | |
|---|---|
| Ծնվել է | նոյեմբերի 9, 1975 (45 տարեկան) |
| Ծննդավայր | Նիժնի Նովգորոդ, ՌԽՖՍՀ, ԽՍՀՄ |
| Մասնագիտություն | գրող, իրավաբան և փաստաբան |
| Լեզու | ռուսերեն |
| Քաղաքացիություն |  ԱՄՆ,  ԽՍՀՄ և  Ռուսաստան |
| Կրթություն | Նիժնի Նովգորոդի պետական համալսարան (1997) |
| Ժանրեր | պատմավեպ |
| Կայք | baryakina.com |
Էլվիրա Վալերևնա Բարյակինա (ռուս.՝ Эльви́ра Вале́рьевна Баря́кина, նոյեմբերի 9, 1975, Նիժնի Նովգորոդ, ՌԽՖՍՀ, ԽՍՀՄ), ԱՄՆ-ում բնակվող ռուս գրող:
Կենսագրություն[խմբագրել | խմբագրել կոդը]
Էլվիրա Բարյակինան ծնվել է 1975 թվականի նոյեմբերի 9-ին, Նիժնի Նովգորոդում: Բնակվում է Լոս Անջելեսի Իրվայն արվարձանում: Ավարտել է Նիժնի Նովգորոդի պետական համալսարանի իրավաբանական ֆակուլտետը: Աշխատել է որպես փաստաբան և կորպորատիվ իրավաբան, զուգահեռաբար համագործակցում է հեռուստատեսության հետ և հոդվածներ գրում թերթերի և ամսագրերի համար: Գեղարվեստական գրականության նրա առաջին աշխատանքը՝ «Ձուկը թեյնիկի մեջ», գրվել է Աննա Կապրանովայի համահեղինակությամբ և մաս-մաս տպագրվել է 1998 թվականին «Сделай Сам» թերթում: 2001 թվականին «Էքսմո» հրատարակչության կողմից լույս է ընծայվել նրանց երկու վիպակները` «Դագաղը երաժշտությամբ» և «Ականջների նուրբ ձգում»: 2002 թվականից նա բնակվում է ԱՄՆ-ում[1]:
2006 թվականին նա ռուսալեզու գրողների համար ստեղծել է կրթական ինտերնետային ռեսուրս «Գրողի տեղեկատու»: 2006-2008 թվականներին Բարյակինան հանդես է գալիս որպես անկախ գրական գործակալ, որը մասնագիտանում է օտարերկրյա ստեղծագործությունները ռուսերեն թարգմանելու իրավունքներում: 2010 թվականին «Ripol-Classic» հրատարակչությունը հրատարակել է «Սպիտակ Շանհայ» վեպը, որը պատմում է Չինաստանում սպիտակ գվարդիայի արտագաղթի մասին: 2011 թվականի հոկտեմբերին լույս է տեսել նրա «Արգենտինացին» վեպի նախաբանը, որտեղ Ռուսաստանի քաղաքացիական պատերազմը դիտարկվում է տարբեր տեսանկյուններից, սպիտակներ, կարմիրներ, հասարակ մարդիկ, արտագաղթողներ, չինացի վարձկաններ, բրիտանացի կամավորներ և այլն: «Խորհրդային իշխանը» շարքի երրորդ վեպն է, որտեղ պատմվում է ՆԷՊ-ի տարիներին Մոսկվայում օտարերկրյա լրագրողների մասին, լույս է տեսել 2016 թվականին «Էքսմո» հրատարակչության կողմից: 2013 թվականի սկզբին Glagoslav հրատարակչությունը (Մեծ Բրիտանիա) տպագրել է «Սպիտակ Շանհայ» վեպի թարգմանությունը: 2017 թվականին Prószyński i S-ka (Լեհաստան) հրատարակչությունը լույս է ընծայել «Ամպրոպային դարաշրջան» շարքի եռահատոր ժողովածուն, որտեղ ընդգրկված էին «Արգենտինացին», «Սպիտակ Շանհայ» և «Խորհրդային իշխան» վեպերը:
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
| ||||||||||
