Էլեկտրոնային արվեստ

Վիքիպեդիայից՝ ազատ հանրագիտարանից
Jump to navigation Jump to search
33.3 QR. աշխատանք, հեղինակ Գենջո Գուլան

Էլեկտրոնային արվեստ, ժամանակակից արվեստի ձև, որը որպես արտահայտչամիջոց օգտագործում է ցանկացած սարքավորում (և դրա տեխնոլոգիա), որը կարող է համարվել էլեկտրոնային կրիչ հեռահաղորդակցության գործընթացում կիրառելու համար (օրինակ, հեռուստացույց, ռադիո, հեռախոս, սեղանի համակարգիչ, խաղային բարձակ)[1]։ Առավել լայն իմաստով ձևը աշխատում է տեխնոլոգիաների հետ։

Էլեկտրոնային արվեստը կապված է տեղեկատվական արվեստի, մեդիա արվեստի, վիդեոարտ համակարգչային արվեստի, ինտերակտիվ արվեստի, ինտերնետ արվեստի և էլեկտրոնային երաժշտության հետ։ Էլեկտրոնային արվեստի շրջանակներում ստեղծված ստեղծագործությունները համարվում են կոնցեպտուալ արվեստի արտադրանք։

Էլեկտրոնային արվեստի բնորոշ գիծն է սեփական գործիքակազմի բացակայությունը, որը նա փոխառնում է տեղեկատվական տեխնոլոգիաների և մեդիա գործարարության ոլորտից՝ ի տարբերություն արվեստի ավանդական ձևերի, որոնք միշտ օգտագործում են իրենց տեխնիկական սարքավորումների սեփական հավաքածուն՝ լինի դա մոլբերտ, ենթաշրջանակ, կտավ։ Այսպիսով էլեկտրոնային արվեստը ընդունակ չէ ազդել իր սեփական տեխնոլոգիայի վրա։ Կա կարծիք, որ էլեկտրոնային արվեստի զարգացումը ուղղակիորեն կախված է տեխնոլոգիայի, արտադրության և բիզնեսի զարգացումից[2]։

Էլեկտրոնային արվեստը գրեթե համակարգչային արվեստի և էլեկտրոնային մեդիայի հոմանիշն է[3]։ Վերջին երկու տերմինները և հատկապես համակարգչային արվեստը, հիմնականում կիրառվում է համակարգչով ստեղծված տեսողական նկարչական ստեղծագործությունների համար։ Այնուամենայնիվ էլեկտրոնային արվեստը ունի առավել լայն նշանակություն՝ ենթադրելով արվեստի ստեղծագործություն, որը իր մեջ է ներառում էլեկտրոնային բաղադրամասի ցանկացած տեսակ․ օրինակ, երաժշտության, պարի, ճարտարապետության և դիզայնի մեջ[3]։

Էլեկտրոնային արվեստը ըստ էության հանդիսանում է միջկարգապահական ոլորտ․ այս ուղղության նկարիչները հաճախ իրենց աշխատանքները ստեղծելիս համագործակցում են գիտնականների և ճարտարագետների հետ։ Էլեկտրոնային արվեստի արվեստագետ Էդվարդ Շարկեն աշխատում է փորձարարական նախկին և ընթացիկ արվեստի փաստաթղթերով հիմնավորման ուղղությամբ՝ արվեստի, գիտության և տեխնոլոգիայի միջկարգապահական համակեցությամբ։ Էլեկտրոնային արվեստի թեմայով մյուս հեղինակներն են Ֆրենկ Փոպերը, Դոմինիկ Մուլոնը և Քրիստիան Պոլն է[3]։

Էլեկտրոնային արվեստը հաճախ ունենում է ինտերակտիվության բաղադրամաս։ Նկարիչները օգտագործում են այնպիսի տեխնոլոգիաներ, ինչպիսիք են ինտերնետը, համակարգչային ցանցը, ռոբոտատեխնիկա, թվային գեղանկարչությունը, անլար տեխնոլոգիաները, վիրտուալ իրականությունը։ Քանի որ էլեկտրոնային արվեստի ստեղծագործությունների ստեղծման տեխնոլոգիաները ժամանակի ընթացքում հնանում են, էլեկտրոնային արվեստը բախվում է լուրջ խնդիրների հետ՝ կապված արվեստի ստեղծագործությունների պահպանման հետ նրա ժամանակակից արտադրության ժամանակից դուրս։ Ներկայումս տարվում են հետազոտական նախագծեր փխրուն էլեկտրոնային գեղարվեստական ժառանգությունը պահպանման և փաստատղթավորման բարելավման ուղղությամբ։

Արտ փառատոններ, որոնք իրենց անվան մեջ պարունակում են «էլեկտրոնային արվեստ» անվանումը[խմբագրել | խմբագրել կոդը]

  • Էլեկտրոնային արվեստի միջազգային սիմպոզիում (ISEA), որը կազմակերպվում է ամեն տարի՝ սկսած 1988 թվականից
  • Ars Electronica սիմպոզիում, որը ամեն տարի կազմակերպում է Ars Electronica-ը 1979 թվականից, Լինցում, Ավստրիայում
  • Հոլանդական էլեկտրոնային արվեստի փառատոն (DEAF), որը կազմակերպվում է ամեն տարի՝ սկսած 1994 թվականից Անկայուն լրատվամիջոցների V2 ինստիտուտի կողմից Ռոտերդամում՝ Նիդեռլանդներում
  • Էլեկտրոնային լեզուների միջազգային փառատոնը (FILE) անցկացվում է 2000 թվականից ի վեր ամեն տարի Սան Պաուլոյում, Բրազիլիա
  • Prix Ars Electronica, գլխավոր ամենամյա մրցանակ էլեկտրոնային արվեստի մի քանի կատեգորիաների համար

Նկարիչներ[խմբագրել | խմբագրել կոդը]

Էլեկտրոնային արվեստի ոլորտում աշխատող հայտնի նկարիչներ[4]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Художественный авангард как предтеча компьютерного искусства»։ cyberleninka.ru։ Վերցված է 2019-09-04 
  2. Дмитрий Шубин (2017-03-16)։ «Искусство и технология»։ archive.ph։ Վերցված է 2019-09-04 
  3. 3,0 3,1 3,2 Christiane Paul Digital Art. — Thames & Hudson, 2003. — 224 с. — ISBN 9780500203675
  4. «Joseph Hocking's website»։ www.newarteest.com։ Վերցված է 2019-09-04