Էդուարդ Սաֆարյան
- Վիքիպեդիայում կան հոդվածներ Սաֆարյան ազգանունով այլ մարդկանց մասին։
| Էդուարդ Սաֆարյան | |
|---|---|
| Ծնվել է | ապրիլի 23, 1923[1] |
| Ծննդավայր | Երևան, ԱԽՖՍՀ, ԽՍՀՄ[1] |
| Մահացել է | դեկտեմբերի 1, 2015 (92 տարեկան) |
| Վախճանի վայր | Երևան, Հայաստան |
| Ազգություն | հայ |
| Կրթություն | ՀԱՊՀ (1951)[1] |
| Աշխատավայր | ՀԱՊՀ և Երևաննախագիծ[1] |
| Պարգևներ |   և  |
Էդուարդ Արամի Սաֆարյան (ապրիլի 23, 1923[1], Երևան, ԱԽՖՍՀ, ԽՍՀՄ[1] - դեկտեմբերի 1, 2015, Երևան, Հայաստան[2]), հայ ճարտարապետ, ՀԽՍՀ վաստակավոր ճարտարապետ (1971)։
Կենսագրություն
[խմբագրել | խմբագրել կոդը]Էդուարդ Սաֆարյանը ծնվել է 1923 թվականին, Երևանում։ 1951 թվականին ավարտել և 1967-1977 թվականներին դասավանդել է Երևանի պոլիտեխնիկական ինստիտուտում։ 1958 թվականից աշխատել է Երևաննախագիծ ինստիտուտում (1977-1985 թվականներին՝ ճարտարապետության արվեստանոցի ղեկավար)։
Ստեղծագործական աշխատանք
[խմբագրել | խմբագրել կոդը]Էդուարդ Սաֆարյանի նախագծերով Երևանում կառուցվել են Կինոյի տունը (1975), Հայէլեկտրագործարանի բնակելի թաղամասը (1982), դեկորատիվ շատրվան Նորքի բնակելի զանգվածում (1982), Զեյթուն թաղամասի հանգստի գոտին (1985)։
Համահեղինակ է Աբովյան փողոցի բնակելի տների (1966), Պատանի մարմնամարզիկների դպրոցի (1967), Հարավարևմտյան շրջանի Ա-1 և Ա-2 միկրոշրջանների կառուցապատման (1976), «Անի» (1972) և «Դվին» (1978, ՀԽՍՀ պետական մրցանակ՝ 1979) հյուրանոցների, «Հայաստան» կինոթատրոնի (1985), Երևանի ժողովրդական տնտեսության ինստիտուտի համալիրի (1991, այժմ՝ Ռազմական ինստիտուտի ուսումնական մասնաշենք) և այլ նախագծերի[3]։
Պարգևներ
[խմբագրել | խմբագրել կոդը]Խորհրդային ճարտարապետության նվաճումների (1958, 1967, 197], 1985) և սիրողական ֆիլմերի («Քարերն են խոսում») 1962 թվականի համամիութենական ստուգատեսների դափնեկիր։ 2012 թվականին խրախուսվել է ՀՀ Վարչապետի շնորհակալագրով։ 2013 թվականի մայիսի 24-ի ՀՀ Նախագահի հրամանագրով պարգևատրվել է Անանիա Շիրակացու մեդալով[4]։
Պատկերասրահ
[խմբագրել | խմբագրել կոդը].JPG)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան, հատոր 10 (հայ.) — հատոր 10. — էջ 253—254.
- ↑ «Zarkfoundation - Էդուարդ Սաֆարյան». zarkfoundation.com.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Հայաստանի Հանրապետության շքանշանով և մեդալներով պարգևատրելու մասին
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 253)։ 
|