Էդմոն Քիրազ

Վիքիպեդիայից՝ ազատ հանրագիտարանից
Jump to navigation Jump to search
Էդմոն Քիրազ
ֆր.՝ Edmond Kiraz
Ի ծնեֆր.՝ Edmond Kirazian
ԿեղծանունKiraz
Ծնվել էօգոստոսի 25, 1923(1923-08-25)[1][2][3]
ԾննդավայրԿահիրե, Եգիպտոս[4]
Վախճանվել էօգոստոսի 11, 2020(2020-08-11)[5][4] (96 տարեկան)
Մահվան վայրՓարիզի 6-րդ շրջան, Փարիզ, Իլ-դը-Ֆրանս[5][4]
Ազգությունհայ
ՔաղաքացիությունFlag of France.svg Ֆրանսիա
ԿրթությունԳրանդ Շոմեր ակադեմիա
Մասնագիտությունկոմիքսների հեղինակ և խմբագրականի ծաղրանկարիչ
Կայքkiraz-artworks.com

Էդմոն Լևոնի Քիրազ (Քիրազյան, ֆր.՝ Edmond Kiraz, օգոստոսի 25, 1923(1923-08-25)[1][2][3], Կահիրե, Եգիպտոս[4] - օգոստոսի 11, 2020(2020-08-11)[5][4], Փարիզի 6-րդ շրջան, Փարիզ, Իլ-դը-Ֆրանս[5][4]), ֆրանսահայ ծաղրանկարիչ։

Կենսագրություն[խմբագրել | խմբագրել կոդը]

Ծնվել է 1923 թվականին Թուրքիայից Եգիպտոս հասած Լևոն Քիրազի և Էլիզ Սեթյանի ընտանիքում, ովքեր ունեցել են 4 երեխա՝ 3 աղջիկ և մեկ տղա։ Էդմոնը և քույրը՝ Անահիտը, երկվորյակներ են։ Հայրը Էդմոնին անվանակոչել է ի պատիվ ֆրանսիացի պոետ և դրամատուրգ Էդմոն Ռոստանի։

Քիրազը սովորել է Կահիրեի Նուբարյան ազգային վարժարանում, այնուհետև՝ ֆրանսիական քոլեջում։ Նվագել է շեփոր: 10 տարեկանում նկարել է իր առաջին կտավը՝ 17-րդ դարի կրոնական թեմաներով նկարի կրկնօրինակում, որը նվիրել են Բաղդադի հայկական եկեղեցուն։ Քիրազի առաջին քաղաքական ծաղրանկարը տպագրվել է «Image», «Parade», «La Réforme d’Alexandrie» և «Al Moussavar» ամսագրերում «Քիրազ» ստորագրությամբ, երբ նա 17 տարեկան էր[6]:

1946 թվականին Կահիրեից տեղափոխվել է Փարիզ: Սովորել է Փարիզի ’Académie de la Grande Chaumière-ում: 1950-1951 թվականներին աշխատել է «La Bataille» թերթերում, 1951-1952 թվականներին՝ «le Rouge et le Noir», 1952-1954 թվականներին՝ «Samedi Soir», 1955-1959 թվականներին՝ «Ici Paris», որտեղ ստեղծել է «Carnets de Belles» շարքը։ Հետպատերազմյա շրջանում ընկերացել է երիտասարդ ծաղրանկարիչների՝ Պոյնեի, Էֆելի, Բելուսի, Ֆեզանի, Բոսկի, Շավալի, Ալդեբերի, Դուբուայի հետ։

1959 թվականին Մարսել Դասոն, ով արդեն նկատել էր Քիրազի տաղանդը, խնդրում է նրան ստեղծելու «Les Parisiennes» («Փարիզուհիներ») շարքն իր նորաստեղծ «Jours de France» թերթի համար։ Այստեղից էլ սկսվում է Քիրազի հայտնի «Փարիզուհիներ» շարքը՝ երիտասարդ, թեթև, սլացիկ, էլեգանտ, երկար ոտքերով, սփրթնած դեմքերով, խելացի փարիզուհիները։ 1970 թվականից Հյու Հեֆների խնդրանքով «Փարիզուհիները» տպագրվեցին «Փլեյբոյ» ամսագրում[7][8]:

Քիրազն ալբոմներ սկսեց հրատարակել 1950-ական թվականներին։ Գրել է «Ինքնակենսագրություն և հիշողություններ» գիրքը։ Քիրազի «Փարիզուհիներ» շարքի կտավները ցուցադրվել են Ֆրանսիայի և արտերկրի տարբեր պատկերասրահներում։ 25 աշխատանք գտնվում է Փարիզի «Կառնավալե» թանգարանում։

Ծաղրանկարների հավաքածու[խմբագրել | խմբագրել կոդը]

  • Lissi, Diogène, 1954
  • Carnet de belles, Pulcinella, 1959
  • Les Parisiennes (Parisian Women), Denoël, 1963
  • Les Parisiennes au volant, Denoël, 1966
  • La Parfaite Secrétaire, Denoël, 1967
  • Parlez-moi de moi : les Parisiennes, Denoël, 1973
  • Sonate à quatre mains, Filipacchi-Denoël, 1978
  • Les Femmes de Kiraz, Plon, 1985
  • Les Parisiennes se marient, Assouline, 1994
  • Je les aime comme ça (I Like Them That Way), Denoël, 2000
  • Jamais le premier soir( Never the First Night), Denoël, 2001
  • Kiraz dans Playboy (Kiraz in Playboy), Denoël, 2002
  • Elles et moi (The Girls and I), Denoël, 2003
  • Mini drames, Denoël, 2005

Պարգևներ[խմբագրել | խմբագրել կոդը]

  • «Պատվո լեգիոն շքանշան»
  • Փարիզի պատվավոր քաղաքացի

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]