Եվայի երեք դուստրերը
Եվայի երեք դուստրերը | |
---|---|
Հեղինակ | Էլիֆ Շաֆաք |
Տեսակ | Գրավոր աշխատություն |
Թեմա | Կրոն, ֆեմինիզմ |
Բնօրինակ լեզու | Թուրքերեն |
Էջեր | 488 |
Երկիր | Թուրքիա |
Հրատարակման տարեթիվ | 2016 |
«Եվայի երեք դուստրերը» (թուրքերեն՝ Havva'nın Üç Kızı), թուրք գրող Էլիֆ Շաֆաքի վեպ։ Վեպը հրատարակվել է 2016 թվականին[1][2]։ Այն պատմություն է միջին տարիքի հարուստ տնային տնտեսուհու, Ստամբուլում անցկացրած նրա մանկության, ինչպես նաև Օքսֆորդի համալսարանում նրա ուսանողական կյանքի մասին։ Հենց այստեղ էլ նա սիրահարվում է փիլիսոփայության իր դասախոսին[3]։ Վեպում գլխավոր հերոսուհին իր ինքնության բացահայտման շարունակական փնտրտուքի մեջ է[4]։ 2018 թվականին գիրքը ներառվել է «լավագույն գրքերի» մի քանի ցանկում[5][6]։
Նկարագրություն[խմբագրել | խմբագրել կոդը]
Գրքում նկարագրված է Փերիի անցյալն ու ներկան, Թուրքիայում ծնողների հետ անցկացրած կյանքը։ Նա ունի 2 եղբայր, որոնք էապես տարբերվում են նրանից[1]։ Նրա ծնողները նույնպես տարբերվում են իրարից. հայրը անտարբեր է կրոնի նկատմամբ, մայրը մոլի մուսալման է, իսկ Փերին կրոնական հարցերում դեռևս չունի հստակ կողմնորոշում[7]։ Հենց այս հարցերի պատասխանները գտնելու ակնկալիքով էլ Օքսֆորդի համալսարնում ուսանելու տարիներին Փերին հաճախոււմ է պրոֆեսոր Ազուրի՝ Աստծո մասին դասախոսություններին։ Գրքում հեղինակը պատմում է նաև Փերիի պատանեկան սիրո և դրա թողած հետևանքների մասին։ Կարճ ասած՝ ընթերցողին անմիջապես կլանող այս գրքի դեպքերը, որոնք տեղի են ունենում ժամանակակից Ստամբուլում, Փերիին տեղափոխում են իր հիշողություների գիրկը, որտեղ նա ևս մեկ անագամ պետք է առերեսվի իր կյանքի ոչ այդքան հաճելի իրադարձություններին[8]։
Սյուժե[խմբագրել | խմբագրել կոդը]
Ստամբուլ (1980-աներից–2016)[խմբագրել | խմբագրել կոդը]
Սկզբում գրքի դեպքերը զարգանում են Թուրքիայի Ստամբուլ քաղաքում, որտեղ Փերիի և նրա աղջկա նկատմամբ կատարվում է կողոպտման և բռնության փորձ։ Փերիի մանկության իրադարձությունները, որոնք տեղի են ունենում 1980-ական թվականներին, նույնպես կաատարվում են Ստամբուլում[9]։
Օքսֆորդ[խմբագրել | խմբագրել կոդը]
Երիտասարդության տարինեին Փերին ընդունվում է Օքսֆորդի համալսարան, որտեղ հանդիպում է պրոֆեսոր Ազուրին։ Պրոֆեսորը ամբողջովին փոխում է Փերիի կյանքը։ Համալսարանում Փերին ծանոթանում է երկու աղջիկների՝ Մոնային և Շիրինի հետ։ Մոնան եգիպտացի ճշմարիտ մուսուլման էր, իսկ կրոն ու հավատք չընդունող Շիրինը՝ Իրանից։ Գրքում այս 3 կերպարնները՝ Շիրինը, Մոնան և Փերին, նկարագրվում են որպես «մեղավոր», «հավատացյալ» և «շփոթված»[7][10][11]։
Կերպարներ[խմբագրել | խմբագրել կոդը]
Փերի[խմբագրել | խմբագրել կոդը]
Նազփերի Նալբանդօղլուն գրքի գլխավոր հերոսուհին է։ Նա ծնվել և մեծացել է Ստամբուլում, ամուսնացած է և ունի երկվորյակ երեխաներ։ Փերին կերպար է, որը «երկու քարի» արանքում է՝ հավատի և կասկածի։ «Իսլամը նրան հիշեցնում էր իր մանկությունը՝ ծանոթ և հարազատ, բայց ինչ-որ տեղ անորոշ, տարածության և ժամանակի մեջ գոյություն չունեցող՝ նման սուրճում լուծվող շաքարի կտորին...»[12]: Վեպում Փերին «շփոթված» կերպարն է[9]։
Դենիզ[խմբագրել | խմբագրել կոդը]
Դենիզը Փերիի աղջիկն է։ Նա նկարագրվում է գրքի սկզբում և ևս մի քանի այլ դրվագներում[13]։
Ազուր[խմբագրել | խմբագրել կոդը]
Պրոֆեսոր Ազուրը մեծ համբավ ունեցող փիլիսոփայության դասախոս է Օքսֆորդի համալսարանում։ Վեպում Փերին սիրահարվում է Ազուրին, որը մեծ ազդեցություն է ունենում նրա վրա։ Ազուրի նկատմամբ որոշ գործողություններ հանգեցնում են նրան, որ Փերին հեռացվում է համալսարանից[13]։
Շիրին[խմբագրել | խմբագրել կոդը]
Շիրինը Փերիի ընկերն է՝ իրանցի աղջիկ, որը չունի ոչ մի հետաքրքրություն կրոնի հանդեպ։ Վեպում նա նկարագրվում է որպես «մեղավոր»[14]։
Մոնա[խմբագրել | խմբագրել կոդը]
Մոնան՝ ընկերներից երրորդը, ճշմարիտ մուսուլման է, որը Օքսֆորդ է եկել Եգիպտոսից։ Նա կրում է հիջաբ և միաժամանակ ֆեմինիստ է։ Վեպում Մոնան մարմնավորում է «հավատացյալի» կերպարը[14]։
Թեմա[խմբագրել | խմբագրել կոդը]
Պատմությունը հավատի և անորոշության մասին է[15]։ Շաֆաքը հարցազրույցներից մեկի ժամանակ խոսել է կրոնի նկատմամբ հավատի և անորշության մասին.
«Ինձ հետաքրքրում է հավատի և պայքարի միջև պայքարը։ Ես ոչ մի առումով կրոնական անձ չեմ և իրականում հավանություն չեմ տալիս կրոնական կազմավորումներին և կոլեկտիվ ինքնություններին, բայց ինքնս հոգևոր եմ իմ ձևով։ Ես հարգում եմ և՛ հավատը, և՛ կասկածը։ Ես և ինձ նման մարդիկ՝ ագնոստիկները, հետերոդոքս միստիկները և հումանիստները, Թուրքիայում կազմում ենք փոքրամասնություն։ Բայց մենք գոյություն ունենք և կարող ենք հաղթահարել աթեիզմի և բացարձակ կրոնականության միջև առկա դուալիզմը»[16]։
Ծանոթագրություններ[խմբագրել | խմբագրել կոդը]
- ↑ 1,0 1,1 Farid, Faiza. "Trying to find a middle ground in religion, Three Daughters of Eve raises more questions than it answers", The Express Tribune, March 7, 2019
- ↑ "Three Daughters of Eve", NY Journal of Books
- ↑ Dillo, Cathy. "Three Daughters of Eve by Elif Shafak", The Irish Times, May 20, 2017
- ↑ Rahim, Sameer. "Elif Shafak: The consequences of telling untold stories", The Sydney Morning Herald, January 21, 2019
- ↑ Winston, Kimberly. "We recommend 4 new novels exploring spiritual themes" Արխիվացված 2019-08-20 Wayback Machine, The Oakland Press, February 28, 2018
- ↑ «The World Economic Forum Book Club – 12 months, 12 great books». World Economic Forum. Վերցված է 2019 թ․ դեկտեմբերի 17-ին.
- ↑ 7,0 7,1 "Book Review: Three Daughters of Eve – journey into romance, religion", The Nation, August 15, 2019
- ↑ Ragsdale, Melissa "The 11 Best Fiction Books Coming Out In December 2017", Bustle, December 1, 2017"
- ↑ 9,0 9,1 «Three Daughters of Eve by Elif Shafak». World Literature Today (անգլերեն). 2017 թ․ դեկտեմբերի 7. Վերցված է 2019 թ․ դեկտեմբերի 17-ին.
- ↑ Williams, John."Tell Us 5 Things About Your Book: Elif Shafak on Mixing Faith and Doubt", The New York Times, December 17, 2017
- ↑ "Ten Questions with Elif Shafak", www.vanityfair.com, February 5, 2019
- ↑ Akbar, Arifa. "Three Daughters of Eve by Elif Shafak — among the faithful", Financial Times, February 3, 2017
- ↑ 13,0 13,1 Walter, Natasha (2017 թ․ փետրվարի 22). «Three Daughters of Eve by Elif Shafak review – a rich journey into romance and religion». The Guardian (բրիտանական անգլերեն). ISSN 0261-3077. Վերցված է 2019 թ․ դեկտեմբերի 17-ին.
- ↑ 14,0 14,1 «Elif Şafak Official Website • Books». www.elifsafak.com.tr. Վերցված է 2019 թ․ դեկտեմբերի 17-ին.
- ↑ Abidin,Zeynel."Tell Us 5 Things About Your Book: Elif Shafak on Mixing Faith and Doubt","The New York Times",December 17, 2017
- ↑ "Books: Turkey slipping backwards, says novelist Shafak" Արխիվացված 2020-11-08 Wayback Machine, "ANSA med", November 17
Արտաքին հղումներ[խմբագրել | խմբագրել կոդը]
- "Review: Three Daughters of Eve, Elif Şafak By Merve Pehlivan", Bosphorus Review Of Books
- "Three Daughters of Eve", www.curtisbrown.co.uk
- "Three Daughters of Eve Adventure", adventuresbythebook.com
- "#RivetingReviews: Rosie Goldsmith reviews THREE DAUGHTERS OF EVE by Elif Shafak", European Literature Network, April 12, 2017