Եղջերառվույտ եղջրավոր

Եղջերառվույտ եղջրավոր
Եղջերառվույտ եղջրավոր
Դասակարգում
Թագավորություն	Բույսեր (Plantae)
Ենթատիպ	Սերմնավոր բույսեր (Spermatophytes)
Կարգ	Բակլածաղկավորներ (Fabales)
Ընտանիք	Բակլազգիներ (Fabaceae)
Ենթաընտանիք	Բակլայիններ (Faboideae)
Տրիբա	Loteae
Ցեղ	Եղջերառվույտ (Lotus)
Տեսակ	Եղջերառվույտ եղջրավոր (L. corniculatus)
Միջազգային անվանում
Lotus corniculatus L., 1753

Եղջերառվույտ եղջրավոր (լատին․՝ Lotus corniculatus), բակլազգիների ընտանիքին պատկանող դեղաբույս։

Նկարագրություն

Առանցքային արմատով, 15-40 սմ երկարությամբ, բազմաթիվ, վեր բարձրացող կամ փռված ցողուններով, մերկ, մեղրատու, գեղազարդային բազմամյա խոտաբույս է։ Երեք կամ հինգ հակաձվաձև տերևիկներից կազմված տերևները բարդ են։ 4-5 դեղին, խոշոր, անկանոն ծաղիկներից կազմված ծաղկաբույլերը առաջանում են համեմատաբար կարճ ծաղկասլաքի վրա։ Բաժակը կոնաձև է։ Բազմասերմ, երկարավուն ունդերը քթիկով են։

Տարածվածություն

Աճում է ստորին և միջին լեռնային գոտիների մարգագետիններում, գետափերին։ Հանդիպում է Լոռու մարզում։

Նշանակություն

Բուժական նպատակներով օգտագործում են կանաչ զանգվածը, ծաղիկներն ու ունդերը։ Պտուղների եփուկն օգնում է գլխացավի դեպքում։ Երիտասարդ թերհաս ունդերն կիրառում են սննդի մեջ։

Ծանոթագրություններ

Վիքիցեղերն ունի նյութեր, որոնք վերաբերում են «Եղջերառվույտ եղջրավոր» հոդվածին։

Վիքիպահեստն ունի նյութեր, որոնք վերաբերում են «Եղջերառվույտ եղջրավոր» հոդվածին։