Եղիա Վելիջանյան
| Եղիա Վելիջանյան Եղիա Վելիջանեան | |
|---|---|
 | |
| Ծնվել է | 1889 |
| Ծննդավայր | Իրան |
| Մահացել է | 1976 |
| Մահվան վայր | Իրան |
| Քաղաքացիություն | Իրանի քաղաքացի |
| Ազգություն | հայ |
| Կրոն | Քրիստոնեություն |
| Մասնագիտություն | նկարիչ և ուսուցիչ |
| Աշխատանք | նկարիչ, ուսուցիչ,սկաուտապետ |
| Աշխատավայր | Հայոց Ազգային դպրոց, Մասջեթ Սուլեյման քաղաքի Նավթային ընկերություն |
| Պարգևներ և մրցանակներ | Առաջին կարգի ոսկյա շքանշան, Հայկական Սկաուտական առաջին կարգի շքանշան |
| Երեխաներ | տղա, աղջիկ |
Եղիա Վելիջանյան կամ Եղիա Վելիջանեան(1889, Նոր Ջուղա, Ղաջարական Պարսկաստան - 1976, Իրան), Իրանի հայ առաջին սկաուտապետ, կրթական վաստակավոր գործիչ, դաստիարակ-ուսուցիչ, արվեստագետ, նկարիչ[1][2]։
Կենսագրություն
[խմբագրել | խմբագրել կոդը]Ծագումը
[խմբագրել | խմբագրել կոդը]Եղիա Վելիջանյանը ծնվել է 1889 թվականին, Նոր Ջուղայում։ Սերում է հին և հայտնի Խոջա Վելիջանյանների տոհմից[2]։
Ընտանիք
[խմբագրել | խմբագրել կոդը]1915 թվականին Եղիա Վելիջանյանը ամուսնացել է։ Ունեցել է երկու զավակ՝ տղա և աղջիկ[2][3]։
Կրթություն
[խմբագրել | խմբագրել կոդը]Եղիա Վելիջանյանը նախ սովորել է տեղի դպրոցում, այնուհետև 10 տարեկանում մեկնել է Հնդկաստան և սովորել Մարդասիրական ճեմարանում, ինչպես նաև Բոմբեյի «Art grammar school» դպրոցում[2]։
Գործունեություն
[խմբագրել | խմբագրել կոդը]Եղիա Վելիջանյանը 1910 թվականից մասնակցել է Մարդասիրական ճեմարանի Հայ Սկաուտական Կազմակերպության խմբին և 1913 թվականին ստացել է սկաուտապետության աստիճանը։ 1914 թվականին ճեմարանը ավարտելուց հետո վերադարձել է Նոր Ջուղա և աշխատել ՝ որպես ուսուցիչ, որտեղ էլ գաղտնի տղաների սկաուտական խումբ է ստեղծել, որը այդ ժամանակ արգելվում էր ոստիկանապետի կողմից։ 1920-ական թվականներին աշխատել է Թեհրանի «Բանքը Շահիում», ապա մի քանի տարուց կրկին վերադարձել Նոր Ջուղայի տեղի ազգային դպրոց, ուր մնացել է մինչև պետականացումը։ Այնուհետև աշխատանքի է անցել է Մասջեթ Սուլեյման քաղաքի Նավթային ընկերության գծագրային գրասենյակում։ Սակայն որոշ ժամանակ անց նորից վերադառնալով Նոր Ջուղա, դասավանդել է նկարչություն Հայոց Ազգային, ապա Բեհեշտային դպրոցներում։ Նկարել է ջրաներկով, յուղաներկով և գուաշով։
Պարգևներ և կոչումներ
[խմբագրել | խմբագրել կոդը]- 1974 թվականի մայիսի 8-ին Եղիա Վելիջանյանին Իրանի Ազգային Սկաուտական կազմակերպությունը Հայ Ակումբում պարգևատրել են առաջին կարգի ոսկյա շքանշանով[4][5]։
- 1976 թվականին «Ռոստոմ», «Ալիշան» և «Գալուստ Գյուլբենկյան» դպրոցների սկաուտների կողմից արժանացել է Հայկական Սկաուտական առաջին կարգի շքանշանով, Սուրբ Թադեի վանքի պատկերը կրող մի սկաուտական թաշկինակով և Թեհրանի սկաուտական 21 խմբապետերի կողմից ստորագրված «Ռոստամ» դպրոցի սկաուտների 10 ամյակի գրքույկով[2][6]։
- 1984 թվականին Նոր Ջուղայում հիմնվել է «Եղիա Վելիջանյանի անվամբ սկաուտական բանակ»[7]
Մահ
[խմբագրել | խմբագրել կոդը]Եղիա Վելիջանյանը մահացել է 1976 թվականի դեկտեմբերի 9-ին՝ 87 տարեկան հասակում։ Մարմինը ամփոփվել է ազգային գերեզմանատանը[2][8]։
Ծանոթագրություններ
[խմբագրել | խմբագրել կոդը]- ↑ «Եղիա Վէլիջանեան»
- ↑ 2,0 2,1 2,2 2,3 2,4 2,5 «Եղիա Վելիջանեան. մահւան 40 օրեակի առթիւ»
- ↑ Եղիա Վելիջանյանի ընտանիքը
- ↑ «Իրանի առաջին սկաուտը. Հանդիսութիւն ի պատիւ Եղիա Վելիջանեանի»
- ↑ Եղիա Վելիջանյանին տրված մեդալը
- ↑ «Ռոստոմ դպրոցի սկաուտների այցը Նոր Ջուղա և պարգևատրում Եղիա Վէլիջանեանին»
- ↑ «Եղիա Վելիջանեանի անւամբ սկաուտական բանակում Նոր Ջուղայում»
- ↑ «Մահ և թաղում ի առաջին սկաուտապետ՝ Եղիա Վելիջանեանի»