Դրագուտին Գորյանովիչ-Կրամբերգեր

Դրագուտին Գորյանովիչ-Կրամբերգեր
Ծնվել է	հոկտեմբերի 25, 1856; Զագրեբ, Kingdom of Croatia
Մահացել է	դեկտեմբերի 22, 1936 (80 տարեկան); Զագրեբ, Sava Banovina, Հարավսլավիայի Թագավորություն
Գերեզման	Միրոգոյ գերեզմանատուն
Քաղաքացիություն	Ավստրո-Հունգարիա
Մասնագիտություն	հնեամարդաբան, հնէաբան, համալսարանի դասախոս և երկրաբան
Հաստատություն(ներ)	Զագրեբի համալսարան
Անդամակցություն	Սերբական գիտությունների և արվեստների ակադեմիա և Խորվաթիայի գիտությունների և արվեստների ակադեմիա
Ալմա մատեր	Թյուբինգենի համալսարան և Զագրեբի համալսարան
Տիրապետում է լեզուներին	խորվաթերեն
	Dragutin Gorjanović-Kramberger Վիքիպահեստում

Դրագուտին Գորյանովիչ-Կրամբերգեր (խորվ.՝ Dragutin Gorjanović-Kramberger, հոկտեմբերի 25, 1856(1856-10-25)^[1]^[2], Զագրեբ, Kingdom of Croatia^[2] - դեկտեմբերի 22, 1936(1936-12-22)^[2], Զագրեբ, Sava Banovina, Հարավսլավիայի Թագավորություն^[2]), խորվաթ երկրաբան, հնէաբան և մարդաբան։ Զագրեբի, Կրապինայի և Կարլովացի պատվավոր քաղաքացի։

Կենսագրություն

Ծնվել է 1856 թվականի հոկտեմբերի 25-ին Զագրեբում։

Սովորել է հնէաբանություն Ցյուրիխում և Մյունխենում, 1879 թվականին Տյուբինգենում ստացել է դոկտորի աստիճան, նրա ատենախոսությունը նվիրված էր ձկների քարացածությանը։ Այնուհետև ղեկավարել է Խորվաթիայի ազգային թանգարանի երկրաբանության և միներալոգիայի բաժինը, որն այժմ հայտնի է որպես Խորվաթիայի բնական պատմության թանգարան։

1883-1924 թվականներին աշխատել է Զագրեբի համալսարանում, 1893 թվականից ղեկավարել է երկրաբանության և հնէաբանության ամբիոնը։ Նրա գիտական գործունեությունը ներառում է շերտագրություն, հնէաբանություն, տեկտոնիկա, հնակլիմայաբանություն, ջրագրություն, կիրառական երկրաբանություն և երկրաբանական քարտեզագրում (իր ուսուցիչ Դուրո Պիլարի հետ քարտեզագրել է Մեդվեդնիցա լեռը)։

1909 թվականին հիմնադրել է Խորվաթիայի և Սլավոնիայի երկրաբանական ընկերությունը (խորվ.՝ Geološko povjerenstvo za Hrvatsku i Slavoniju), իսկ 1911 թվականին՝ հասարակության կողմից թողարկվող ամսագիրը (խորվ.՝ Vijesti geološkog povjerenstva)։ Խորվաթիայի գիտությունների և արվեստների ակադեմիայի անդամ է 1909 թվականից։

1899 թվականին կարևոր հայտնագործություն է կատարել՝ Կրապինա քաղաքի մերձակայքում նախապատմական մարդկանց (այսպես կոչված «կրապինյան նեանդերթալներ», ի սկզբանե կոչվել է Գորյանովիչ Homo primigenius) մնացորդների խոշոր կուտակում հայտնաբերելով։ Հայտնաբերված կմախքների մանրամասն ուսումնասիրության շնորհիվ համարվում է ժամանակակից պալեոանտրոպոլոգիայի հիմնադիրը։

Ավելի քան 230 աշխատանքների հեղինակ է խորվաթական և միջազգային ամսագրերում, որոնց թվում կարելի է առանձնացնել «Diluvijalni čovjek iz Krapine u Hrvatskoj» (1905) մենագրությունը ևև նրա ընդլայնված վերահրատարակումը՝ «Život i kultura diluvijalnog čovjeka iz Krapine u Hrvatskoj» (1913)^[4]։

Մահացել է 1856 թվականի հոկտեմբերի 25-ին Զագրեբում։

Ծանոթագրություններ

1 2 3 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 5 6 7 8 Hrvatski biografski leksikon (хорв.) — 1983.
↑ CONOR.Sl
↑ Gorjanović-Kramberger, Dragutin, Хорватская энциклопедия.

Արտաքին հղումներ

Վիքիցեղերն ունի նյութեր, որոնք վերաբերում են «Դրագուտին Գորյանովիչ-Կրամբերգեր» հոդվածին։

Վիքիպահեստն ունի նյութեր, որոնք վերաբերում են «Դրագուտին Գորյանովիչ-Կրամբերգեր» հոդվածին։

[_c91185b507a9638e-1] 1 2 3 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_5664c9486583891e-2] 1 2 3 4 5 6 7 8 Hrvatski biografski leksikon (хорв.) — 1983.

[_2fddc667216a638a-3] CONOR.Sl

[4] Gorjanović-Kramberger, Dragutin, Хорватская энциклопедия.

[1]

[2]

[3]

[4]