Մեդվեդնիցա

Վիքիպեդիայից՝ ազատ հանրագիտարանից
Jump to navigation Jump to search
Մեդվեդնիցա
խորվ.՝ Medvednica
Medvednica, Croatia.JPG
Տեսակ լեռնաշղթա
Երկիր Խորվաթիա Խորվաթիա
Բարձրություն (ԲԾՄ) 1033
Բարձրագույն գագաթ Սլեմե
Կոորդինատներ: 45°55′55.000000098398″ հս․ լ. 16°3′26.000000099194″ ավ. ե. / 45.93194444447177460° հս․. լ. 16.05722222224977713° ավ. ե. / 45.93194444447177460; 16.05722222224977713

Մեդվեդնիցա (խորվ.՝ Medvednica), լեռնազանգված Խորվաթիայում` Զագրեբից հյուսիս[1]: Զագրեբցիների սիրած հանգստի վայրն է: Տարածքի 63 %-ը ծածկված է լայնատերև անտառով, որի կազմը փոփոխվում է բարձրությանը զուգահեռ: Ամենաբարձր գագաթը Սլեմեն է, որի բարձրությունը ծովի մակարդակից 1033 մ է: Նրա վրա է գտնվում Սլեմենսկի Տիրամոր (Majke božje Sljemenske Kraljice Hrvata) նշանավոր եկեղեցին: Սլեմեի գագաթին գտնվում է Զագրեբի հեռուստաաշտարակը, որն ունի 169 մ բարձրություն: Մեդվեդնիցայի հյուսիսային և արևելյան լանջերին կան լեռնադահուկային ուղիներ` տարբեր բարդության: Լեռան գագաթ է ձգվում ճանապարհը և ճոպանուղին: Հյուսիսային լանջին մշտապես անցկացվում են լեռնադահուկային մարզաձևի տարբեր մրցաշարեր:

Մեդվեդնիցայի բնական տեսարժան վայրերից է Վետերնիցա քարանձավը, որ գտնվում է լեռան հարավարևմտյան մասում: Քարանձավն ունի 7.128 մ երկարություն[2]: Քարանձավում կան ժայռապատկերներ, ստալակտիտներ և ստալագմիտներ, չղջիկների գաղութներ:

Հարավային լանջին է գտնվում Մեդվեդգրադ ամրոցը, որ կառուցվել է 13-րդ դարում Ինոկենտի IV պապի որոշմամբ Բաթու խանի հրասակախմբերից Զագրեբը պաշտպանելու համար: Մեդվեդգրադի դիտահրապարակից` 500 մ բարձրությունից, բացվում է զագրեբյան անկրկնելի համայնապատկեր:

Մեդվեդնիցայի տեսարժան վայրերից է Զրինսկի հանքավայրը, որը հանքահորերի, միջանցքների բարդ համալիր է: Նրա շահագործումը սկսվել է 15-րդ դարից:

1572-1573 թվականներին Մեդվեդնիցայի նախալեռներում ու նրա լանջերին տեղի է ունեցել Մատիա Գուբեցի ապստամբությունը:

Մեդվեդնիցայի տարածքը բնական արգելանոց է:

Ծանոթագրություններ[խմբագրել | խմբագրել կոդը]

  1. Поиск национальной базы данных географических названий Регистр географических названий хорватской республики (անգլ.)(խորվ.)
  2. Из соображений безопасности посетители могут посещать лишь первые 380 метров.

Արտաքին հղումներ[խմբագրել | խմբագրել կոդը]