Դու (դեպարտամենտ)

Դու; Doubs
Դրոշ	Զինանշան
;	;
Երկիր	Ֆրանսիա
Կարգավիճակ	Ֆրանսիայի գավառ
Մտնում է	Բուգունդիա – Ֆրանշ Կոնտե
Վարչկենտրոն	Բեզանսոն
Ամենաբարձր կետ	Mont d'Or?
Օրենսդրական մարմին	general council of Doubs?
Հիմնական լեզու	ֆրանսերեն
Բնակչություն	▲547 096 մարդ (հունվարի 1, 2021)
Խտություն	51
Տարածք	5 234
Հիմնադրված է	մարտի 4, 1790 թ.
Սահմանակցում է	Յուրա, Բելֆորի տարածք, Վերին Սոն, Նևշատել, Յուրա և Վո
Ժամային գոտի	UTC+1 և UTC+2
ISO 3166-2 կոդ	FR-25
Անվանված է	Doubs?
	doubs.fr
	Դու Վիքիպահեստում

Անվան այլ կիրառումների համար տե՛ս՝ Դու (այլ կիրառումներ)

Դու (ֆր.՝ Doubs), դեպարտամենտ Ֆրանսիայի կենտրոնական մասում։ 1999 թվականի տվյալներով բնակչությունը կազմել է 499 062 մարդ, ինչը 51-րդ ցուցանիշն է։

Պատմություն[խմբագրել | խմբագրել կոդը]

Անտիկ ժամանակներում Դուի տարածքում բնակվում էին կելտական սեքվաններ ցեղերը։ Ավանդույթի համաձայն, քրիստոնեությունն այստեղ է թափանցել Ֆերեոլ և Ֆերյուս Բեզանսոնցի եղբայրների քարոզների շնորհիվ, ովքեր սպանվեցին 212 թ.:

XI դարում կայսեր կամքով այստեղ կազմավորվեց Բուրգունդիա կոմսությունը, այնուհետև, XIV դարում, այն միացավ Ֆրանսիային։ 1477 թ. տարածքն անցնում է Հաբսբուրգներին, չնայած Լյուդովիկոս XI-ի ռազմական միջամտությանը։

Դուն 1790 թ. մարտի 4-ին Ֆրանսիական հեղափոխության ժամանակ կազմավորված առաջին 83 դեպարտամենտներից մեկն է։

Դու դեպարտամենտի կարգային թիվն է՝ 25։

Աշխարհագրական տվյալներ[խմբագրել | խմբագրել կոդը]

Իր անունն ստացել է Դու գետից։ Բնաշխարհը պայմանավորված է Յուրա լեռների մոտ գտնվելով։ Գտնվում է նախկին Ֆրանշ-Կոնտե գավառի տարածքում։ Երեք կողմերից Դու դեպարտամենտը շրջապատում են Յուրա, Վերին Սոն, Բելֆոր տարածք դեպարտամենտը, արևելքից սահմանակից է Շվեյցարիայի Վե, Նևշատել և Յուրա կանտոններին։ Տարածքը 5 234 կմ² է։

Քաղաքականություն[խմբագրել | խմբագրել կոդը]

Գերագույն խորհրդի նախագահը Կլոդ Ժաներոտն է, ով ներկայացնում է Ֆրանսիայի սոցիալիստական կուսակցությունը։

Կուսակցություն		Տեղեր
•	Սոցիալիստական կուսակցություն	16
	Ժողովրդական շարժման միություն	13
•	Բազմազան ձախ	3
	Բազմազան աջ	2
	Դեմոկրատական շարժում	1
•	Կանաչներ	1

Զբոսաշրջություն[խմբագրել | խմբագրել կոդը]

Դու դեպարտամենտում տուրիզմը հիմնականում ունի «ընտանիքային բնույթ»։ Նրանց համար Սեն-Պուեն լճի ափերին կազմակերպված են հանգստի մի քանի մարզական կենտրոն, որտեղ կարելի է զբաղվել այնպիսի մարզաձևերով, ինչպիսիք են՝ լեռնային հեծանվավազքը, դահուկավազքը, ձիարշավները, նավակներով ձկնորսությունը։ Նաև հնարավորություն կա զբաղվելու քարանձավների ուսումնասիրությամբ։

Զբոսաշրջային եկամուտը կազմում է Դու դեպարտամենտի եկամուտների համարյա 40%-ը, որը համարժեք է ամբողջ Ֆրանսիայի նույն բնույթի եկամտի 1%-ը։ Տուրիզմի բնագավառում կա ավելի քան 15000 աշխատատեղ։

Նաև Դու դեպարտամենտում գտնվում են բազմաթիվ տեսարժան վայրեր, որոնցից ամենանշանավորներն են Բեզանսոնի ամրոցը, թագավորական Արկ-է-Սանան աղի գործարանը, Ժու դղյակը, Լո գյուղը, Մոնբելյար դղյակը և այլն։ Ճանաչողական տուրիզմը կողմնորոշված է դեպի ժամացույցների պատրաստման հետ կապված ժողովրդական արհեստները, ինչպես նաև՝ պատմական տեսարժան վայրերը։

Խոհանոց[խմբագրել | խմբագրել կոդը]

Դու դեպարտամենտում խոհանոցն զբաղեցնում է կարևոր տեղ, մասնավորապես, այստեղ է արտադրվում հայտնի Կոմտե պանիրը և հնարավորություն է ստեղծված այցելելու այն մառանները, որտեղ այս պանիրը հասունանում է։