Դնեստր

Դնեստր
Дністе́р / Nistru
Դնեպրը Ռիբնիցա քաղաքում, Մոլդովա
Բնութագիր
Երկարություն	1352 կմ
Ավազանի մակերես	72 100 կմ2
Ջրի ծախս	310 մ3/վ
· Ակունքի տեղակայում	Վոլչիե, Ուկրաինա
· Բարձրություն	911 մ
· Գետաբերանի տեղակայում	Սև ծովի Դնեստրի լիման
· Բարձրություն	0 մ
Գետի թեքություն	0,666 մ/կմ
Տեղակայում
Երկիր	Ուկրաինա Մոլդովա
Գետը Վիքիպահեստում

Դնեստր (ուկրաիներեն` Дністе́р, մոլդովերեն` Nistru, Нистру, հին հունարեն Τύρας, լատիներեն` Tyras), գետ Ուկրաինայում և Մոլդովայում (մասամբ երկու պետությունների սահմանով)։ Սկիզբ է առնում Կարպատների հյուսիսային լանջերից, թափվում Սև ծովի Դնեստրի լիմանը։ Երկարությունը 1352 կմ է։ Առավել կարևոր քաղաքները` Մոգիլյով-Պոդոլսկի, Սորոկի, Ռիբնիցա, Բենդերի, Տիրասպոլ։

Հին հույները գետը անվանել են Տիրաս։ Ենթադրում են, որ անվանումն ունի սկյութական ծագում. առաջացել է «արագ» նշանակող բառից։ Բյուզանդական աղբյուրներում հիշատակվում է Դանաստրուս անունով։ Որոշ հետազոտողներ գտնում են, որ անվանման հիմքում ընկած է իրանական լեզուներում «Գետ» նշանակող դանու բառը։