Դհոտի
Դհոտի, նաև հայտնի է որպես պանչե, վեստի, դհուտի, մարդանի, չադրա, դհոտար, պանչեյ, տղամարդկանց ազգային հագուստ, որը կրում են Հնդկական թերակղզում։ Այն չասեղնագործված կտորի ուղղանկյունաձև հատված է՝ փաթաթված իրանի ու ոտքերի շուրջը և կապված իրանին։ Սովորաբար ունենում է մոտավորապես 4,5 մետր (15 ֆուտ) երկարություն։
Ծագում
[խմբագրել | խմբագրել կոդը]Dhoti բառը ծագել է dhauti բառից (Սանսկրիտ լեզվով धौती), որը նշանակում է «մաքրել կամ լվանալ»[1]։ Հագուստի համատեքստում դա պարզապես վերաբերում է մաքուր հագուստին, որը հիմնականում կրում էին շրաուտայի զոհաբերության կամ կրոնական արարողությունների ընթացքում[2]։ Դհոտին զարգացել է հնագույն անտրիայից, որն անցկացվում էր ոտքերի միջով, հետևում ծալվում՝ ազատորեն ծածկելով ոտքերը, որից հետո ոտքերի առջևում երկար ծալքեր էին արվում։ Նույն ձևով այն կրում են նաև այսօր[2]։
Տարածաշրջանային անվանումներ
[խմբագրել | խմբագրել կոդը]
Հագուստը հայտնի է բազմաթիվ անվանումներով, ինչպիսիք են՝
| Լեզու կամ շրջան | ||
|---|---|---|
| धोती | Dhotī | Սանսկրիտ, Պալի |
| धोती | Dhotī | Հինդի |
| मर्दानी | Mardaani | Հինդի |
| ਚਾਦਰਾ | Chaadra | Փանջաբի |
| ଧୋତି | Dhotī | Օդիա |
| धोति | Dhoteé | Նեպալերեն |
| ધૉતિયુ | Dhotiyu | Գուջարաթի |
| धोतर | Dhotar a |
Մարաթի |
| চুৰিয়া, ধুতি |
Suriya Dhuti |
Ասսամերեն |
| ধুতি | Dhuti | Բենգալերեն |
| ಧೋತ್ರ ಕಚ್ಚ ಪಂಚೆ |
Dhotra Kachcha Panche |
Կաննադա |
| धोतर, आंगोस्तर, आड नेसचे, पुडवे |
Dhotar Angostar Aad-neschey Pudve |
Կոնկանի |
| పంచె | Panché | Տելուգու |
| ధోవతి | Dhovathi | Տելուգու |
| வேட்டி | Vaetti | Թամիլերեն |
| മുണ്ട് | Mundu | Մալայալամ |
Սովորույթ և օգտագործում
[խմբագրել | խմբագրել կոդը]
Դհոտին հաճախ կրում են կաուպինամի վրայից, որը ազդրային փաթաթանի տեսակ է։
Պանչան հաճախ կրում են ջայնիզմ դավանող տղամարդիկ, երբ այցելում են ջայնիզմական տաճար։ Որոշ ջայնիստներ կարծում են, որ չասեղնագործված հագուստը «աղտոտման համար պակաս թափանցելի է», ուստի ծիսական արարողությունների համար ավելի հարմար է, քան այլ հագուստները[3]։ Նրանք նաև վերևից կրում են ազատ, չասեղնագործված հագուստ, որն ավելի կարճ է, քան պանչան։
Այն հարավային Նեպալի Մահդեշ մարզի ազգային հագուստն է, հիմնականում կրում են Մահդեշի, Թարուի ու Մաիթիլինի նեպալցիները[4]։
Կրիշնաիտը, որը հայտնի է իր բնորոշ դրես կոդով, Արևելյան հետևորդներին դրդում է կրել պանչա՝ հաճախ զաֆրանի գույնի կամ սպիտակ կտոր՝ ծալված ավանդական ձևով։ Մահարիշի Մահեշ Յոգին հայտնի էր նրանով, որ կրում էր սպիտակ, մետաքսե դհոտի[5]։
Հնդկաստանում այն տարբերվում է լունգիից՝ նման, բայց ավելի փոքր հագուստ, որը մարդիկ հիմնականում հագնում են տանը, քանի որ այն ավելի ազատ ու հարմարավետ է, քան դհոտին։ Կա նաև ավելի պաշտոնական դհոտի, որը երբեմն կրում են քաղաքական գործիչները։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ http://spokensanskrit.de/index.php?script=HK&beginning=0+&tinput=dhoti&trans=Translate&direction=AU
- ↑ 2,0 2,1 Govind Sadashiv Ghurye (1951) Indian Costume
- ↑ Cort, John E. (2001). Jains in the World: Religious Values and Ideology in India. Oxford University Press. էջ 221. ISBN 9780195132342.
- ↑ «Nepalese national dresses».
- ↑ Koppel, Lily (2008 թ․ փետրվարի 6). «Maharishi Mahesh Yogi, a Guide On the Beatles' Spiritual Path, Dies». New York Times. էջ C.10.