Դավիթ Մալյան

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Մալյան (այլ կիրառումներ)
Դավիթ Մալյան
Դավիթ Մալյան 1.jpg
Ծնվել է 1904 ապրիլի 4
Ծննդավայր Զաքաթալա (Ադրբեջան)
Մահացել է հուլիսի 17, 1976(1976-07-17) (տարիքը 72)
Մահվան վայր Երևան, Հայաստան
Քաղաքացիություն Flag of Russia.svg Ռուսական կայսրություն
Flag of the Soviet Union.svg ԽՍՀՄ
Ազգություն հայ
Մասնագիտություն Դերասան
Պարգևներ և մրցանակներ Ստալինյան մրցանակ, ԽՍՀՄ ժողովրդական արտիստ, ՀԽՍՀ ժողովրդական արտիստ, Աշխատանքային Կարմիր դրոշի շքանշան, ՀԽՍՀ վաստակավոր արտիստ և «Հայրենական մեծ պատերազմի ժամանակ Անձնվեր աշխատանքի համար» մեդալ

Դավիթ Մելքումի Մալյան (ապրիլի 4, 1904 Զաքաթալա - հուլիսի 17, 1976, Երևան), հայ դերասան, ՀԽՍՀ և ԽՍՀՄ ժողովրդական արտիստ։

ԽՍՀՄ ժողովրդական արտիստ Հենրիկ Մալյանի հորեղբայրն է։

Կենսագրություն[խմբագրել | խմբագրել կոդը]

Դավիթ Մալյանը ծնվել է 1904 թ.-ին Զաքաթալա քաղաքում։ Նախնական կրթությունը ստացել է տեղի ծխական դպրոցում, որը կիսատ է թողել, քանի որ ընտանիքի հետ միասին 1918 թ.-ին Ադրբեջանից տեղափոխվում է Վրաստանի Թելավ քաղաք։

Մասնագիտական կրթությունը Մալյանը ստանում է Թիֆլիսի Հայարտան դրամատիկական ստուդիայում 1924 թ.-ին՝ Արշակ Բուրջալյանի և Ստեփան Քափանակյանի ղեկավարությամբ։

Կարճ ժամանակ աշխատում է Երևանի Առաջին պետթատրոնում, այնուհետև աշխատանքի է անցնում Թիֆլիսի Հայ դրամայում։

1929-1930 թթ.-ին Դավիթ Մալյանը աշխատել է Լենինականի դրամատիկական թատրոնում։ Այնուհետև երկու թատերաշրջան անց է կացրել Երևանի Բանվորական թատրոնում։ Հետո դերասանը տեղափոխվում է Հայֆիլմ և 1937 թ.-ին հաստատվում Սունդուկյանի անվան թատրոնում իբրև դերասան[1]։

Հեղինակ է «Դեմքեր, հանդիպումներ» գրքի (1974)։

Պարգևներ[խմբագրել | խմբագրել կոդը]

ԽՍՀՄ պետական մրցանակներ (1950, 1952)

Խաղացած դերերը թատրոնում[խմբագրել | խմբագրել կոդը]

Դավիթ Մալյանի հուշատախտակը Երևանում
  • Ժադով՝ «Եկամտավոր պաշտոն»
  • Նեսչաստլիվցև՝ «Անտառ»
  • Կրեչինսկի՝ «Կրեչինսկու հարսանիքը»
  • Միքայելյան՝ «Կապուտան», 1938 թ.
  • Դենիս Դավիդով՝ «Ֆելդմարշալ Կուտուզով», 1942 թ.
  • գեներալ Օգնև՝ «Ռազմաճակատ», 1942 թ.
  • Հարրի Սմիթ՝ «Ռուսական հարց», 1947 թ.
  • Միքայել Նալբանդյան՝ «Միքայել Նալբանդյան», 1952 թ.
  • Շիբանով՝ «Մեծ ուժ»
  • Մակեև՝ «Օտար ստվեր»
  • Ավալյան՝ «Բարձունքներում»
  • Տիգրան՝ «Խիզախում»
  • Թուսյան՝ «Սպանված աղավնի», 1944 թ.
  • Պարատով՝ «Անօժիտը», 1946 թ.
  • Լոպախին՝ «Բալենու այգին», 1951 թ.
  • Կարենին՝ «Կենդանի դիակ», 1951 թ.
  • Չեպուռնոյ՝ «Արևի զավակները», 1953 թ.
  • Սմբատ՝ «Քաոս», 1959 թ.
  • Կարսեցյան՝ «Փորձադաշտ»
  • Պոտապով՝ «Մոսկովյան բնավորություն»

Խաղացած դերերը կինոյում[խմբագրել | խմբագրել կոդը]

Տարի Ֆիլմ Դեր
1926 Շոր և Շորշոր սատանա
1926 Նաթելլա Զոնդո, Ուտուի ընկեր
1935 Պեպո Կակուլի
1937 Վեց համազարկ սպա
1938 Զանգեզուր Մակիչ
1939 Սևանի ձկնորսները Արամ
1939 Լեռնային արշավ Վարդան
1941 Արյան դեմ արյուն տանկի հրամանատար
1941 Հայրենասերների ընտանիքը Լևոն
1943 Դավիթ Բեկ Շահումյան
1947 Անահիտ Հրանտ
1950 Երկրորդ քարավան (անավարտ)
1955 Հասցեատիրոջ որոնումները Սուրեն Պետրովիչ
1955 Ուրվականները հեռանում են լեռներից ակադեմիկոս Սաթունց
1956 Սիրտն է երգում Մարգարյան
1957 Ում է ժպտում կյանքը Մացատուրյան
1957 Անձամբ ճանաչում եմ Օսկար Կոն
1959 Ինչու է աղմկում գետը Դարբինյան
1960 Կոչված են ապրելու պետրոսյան
1961 Տասներկու ուղեկիցներ Մինասյան
1964 Դժվար անցում Դավթյան
1966 Լալվարի որսկանը Ավագ

Գրականություն Դավիթ Մալյանի մասին[խմբագրել | խմբագրել կոդը]

  • Ա.Արաքսմանյան, Դավիթ Մալյան, 1957 թ.

Մեջբերումներ Դավիթ Մալյանից[խմբագրել | խմբագրել կոդը]

Aquote1.png Դավիթ Մալյանի արվեստը .... հեռու է պճնանքից ու սեթևեթանքից .... նա գրեթե իր բոլոր դերերում աչքի է ընկնում գույների զուսպ օգտագործմամբ .... նույն գույնի տարբեր երանգներով նրա ստեղծագործությունն ավելի մոտ է գրաֆիկային։ Մալյանը .... ձգտում է կերպարն ընդհանրացնող զուսպ երանգների, քան գունազարդող մանրամասների։
- Ալեքսանդր Արաքսմանյան, դրամատուրգ[2]
Aquote2.png


Ծանոթագրություններ[խմբագրել | խմբագրել կոդը]

  1. Հայ սովետական թատրոնի պատմություն։ Երևան: ՀՍՍՀ Գիտությունների Ակադեմիայի Հրատարակչություն։ 1967 
  2. Դավիթ Մալյան

Արտաքին հղումներ[խմբագրել | խմբագրել կոդը]