Գերերոն ծնվել է Նյու Ջերսիում՝ կոլումբիացի ծնողների ընտանիքում և մեծացել՝ Բոստոնում (Մասաչուսեթս)։ Լինելով ընտանիքի միակ ԱՄՆ քաղաքացիություն ունեցող անդամ՝ նա մնացել է երկրում, երբ նրա ծնողները և ավագ եղբայրը արտաքսվել են Կոլումբիա, երբ նա տասնչորս տարեկան էր[2][3]։ Այդ ժամանակից ի վեր նա դաստիարակվել է երկու խնամատար ընտանիքներում, իսկ դերասանական կարիերայից առաջ աշխատել է փաստաբանական գրասենյակում[3]։
Գերերոն հեռուստատեսությամբ իր առաջնաելույթը կատարել է «Քննական մարմին» սերիալի էպիզոդում, իսկ հետո «Մենք արդեն եկել ենք» սիթքոմում ստացել է իր երկրորդական դերը։ 2012 թվականին նա անհաջող փորձ է ունեցել «Նենգ սպասավորները» սերիալում, որից հետո Մարիցա Ռամոսի՝ լատինամերիկյան բանտակյալներից մեկի երկրորդական դերով միացել է «Նարնջագույնը նոր սևն է» սերիալին[3]։ Գերերոն այդ ժամանակից ի վեր հիմնական դեր է խաղացել «Սմայլիկ» անկախ ֆիլմում, որտեղ ստացել է գովասանքի խոսքեր քննադատների կողմից[4][5], ինչպես նաև հայտնվել է «Կապույտ արյուն», «Խորաթափանցություն» և «Ճակատագրական պարեկություն» սերիալներում։ 2014 թվականի աշնանը նա նաև The CW-ի «Կույս Ջեյնը» սերիալում ստանձնել է գլխավոր հերոսի ընկերուհու երկրորդական դերը[6]։