Դալիլա Բելա (անգլ.՝ Dalila Bela.հոկտեմբերի 5, 2001(2001-10-05), Մոնրեալ)[1], կանադա-ամերիկյան դերասանուհի, ով լայն ճանաչում ու համբավ է ձեռք բերել առաջին հերթին TVOKids / PBS հեռուստաընկերության Odd Squad (2014–2015) սերիալում գործակալ Օլիվայի դերի տպավորիչ կատարումով։ Նրա հիշարժան դերասանական աշխատանքներից է նաև դերակատարումը Diary of a Wimpy Kid սերիալում (2011–2012): Բացի այդ, Դալիլան աչքի է ընկել Once Upon a Time (2015) և Anne with an E (2017–2019) հեռուստատեսային շոուների վրա կատարած աշխատանքով[2][3]։
Դալիլա Բելան ծնվել է Մոնրեալում, Քվեբեկ։ Ունի անգլիացի, ֆրանսիացի, բրազիլացի, պանամացի և իսպանացի նախնիներ։ Հայրը Պանամայից է, մայրը՝ Բրազիլիայից։ Ունի երկու կրտսեր եղբայր՝ Բրյուս և Ռաֆայել անունով, որոնք նույնպես դերասաններ են[4]։
Բելան դերասանական կարիերան սկսել է հինգ տարեկանում՝ առաջին անգամ հայտնվելով ազգային գովազդում։ Մեկ տարի անց արժանացել է «Տարվա լավագույն դերասան» մրցանակին: Ընտանիքով տեղափոխվել են Վանկուվեր։ Հաջորդել է «Լավագույն երիտասարդ արտիստ» մրցանակը ՝ «Օտարը» վերնագրով ուղիղ վիդեո ֆիլմում լավագույն դերակատարման համար։ Այդ մրցանակին նա արժանացել է նաև 2011 և՛ 2012 թվականներին՝ «Ջոաննան ընկերանում է» ֆիլմում իր աշխատանքի համար[5]։
Բելան արժանացել է 2015-ի Joey Awards-ի՝ «Լավագույն երիտասարդ անսամբլ» անվանակարգում՝ «Odd Squad» հեռուստասերիալում գլխավոր դերը լավագույնս կատարելու համար՝ մրցանակը կիսելով իր «Odd Squad»- ի գործընկերների հետ[6]։ Բացի այդ, նա մրցանակներ է ստացել «Դիաբոլիկ» կինոփառատոնի մրցանակաբաշխությունում՝ «Մեռած սրտերում» Լոլա Լիթլթոնի կերպարի տպավորիչ մարմնավորման համար[6]։
↑«Dalila Bela Verified Instagram». Instagram. Արխիվացված օրիգինալից 2023 թ․ ապրիլի 4. Վերցված է 2020 թ․ հունիսի 7-ին. «Today was such an amazing 18th birthday!! It was a day filled with family, friends, love, and entering adulthood! Thank you everyone for all the birthday wishes!»{{cite web}}: CS1 սպաս․ bot: original URL status unknown (link)
↑Reid, Michael D. (2012 թ․ փետրվարի 7). «Kids' tale turns robot into star». Vancouver Sun (կանադական անգլերեն). Արխիվացված է օրիգինալից 2018 թ․ հուլիսի 2-ին. Վերցված է 2017 թ․ մայիսի 11-ին.