Գևորգ Քոքչյան
Գևորգ Քոքչյան | |
---|---|
Ծնվել է | 1915 |
Ծննդավայր | Սուխլիս, Ախալցխայի շրջան, Վրացական ԽՍՀ |
Մահացել է | անհայտ |
Քաղաքացիություն | Ռուսական կայսրություն և ԽՍՀՄ |
Մասնագիտություն | մանկավարժ |
Պարգևներ և մրցանակներ |
Գևորգ Մկրտչի Քոքչյան (1915, Սուխլիս, Ախալցխայի շրջան, Վրացական ԽՍՀ - անհայտ), հայ մանկավարժ։ Երկրորդ համաշխարհային պատերազմի Խորհրդա-գերմանական ճակատի («Հայրենական մեծ պատերազմ», 1941-1945) մասնակից, ԽՄԿԿ անդամ։
Կենսագրություն[խմբագրել | խմբագրել կոդը]
Գևորգ Քոքչյանը ծնվել է 1915 թվականին, Վրացական ԽՍՀ Ախալցխայի շրջանի Սուֆլիս գյուղում։ 1934 թվականին ավարտել է Ախալցխայի մանկավարժական ուսումնարանը և աշխատանքի անցել ծննդավայրում։ Եղել է դպրոցի տնօրեն։ 1939 թվականին զորակոչվել է կարմիր բանակ։ Մասնակցել է սպիտակ ֆինների դեմ մղված կռիվներին։ 1940 թվականի փետրվարի 27-ին վիրավորվել է, ապաքինվելուց հետո շարունակել է զինվորական ծառայությունը։ 1940 թվականի դեկտեմբերին վերադարձել է և նշանակվել Ախալցխայի շրջժողկրթբաժնի տեսուչ[1]։
Պատերազմի տարիներին Քոքչյանը ծառայել է 89-րդ հայկական դիվիզիայի 526-րդ ականանետային դասակում։ Վեցամսյա դասընթացներն ավարտելուց հետո նշանակվել է հրետանային դասակի հրամանատար։ Դիվիզիան ուներ երաժշտական ինքնագործ խումբ, որի երգիչ-մենակատարներից էր Քոքչյանը։ 1942 թվականին Թերեքի ափին տեղի ունեցող մարտերի ժամանակ ցուցաբերած խիզախության համար պարգևատրվել է «Մարտական ծառայությունների համար» մեդալով։ Կերչ և Սևաստոպոլ քաղաքների ազատագրման մարտերին մասնակցելու համար պարգևատրվել է «Խիզախության համար» երկու մեդալով։ Օդերի ափին պլացդարմ գրավելիս համարձակություն և քաջություն ցուցաբերելու համար արժանացել է Կարմիր աստղի շքանշանի։ Երկրորդ Կարմիր աստղն ստացել է Բեռլինի գրավման ժամանակ։ Միաժամանակ արժանացել է Գերագույն գլխավոր հրամանատարի շնորհակալագրերի[1]։
Պատերազմից հետո Քոքչյանն աշխատել է որպես ուսուցիչ, գյուղխորհրդի գործկոմի նախագահ, դպրոցի տնօրեն։ 1968 թվականին Քոքչյանը տեղափոխվել է Երևան, աշխատել ուսուցիչ և արհեստանոցի վարիչ մայրաքաղաքի հենաշարժողական խախտում ունեցող երեխաների գիշերօթիկ դպրոցում[1]։
Պարգևներ[խմբագրել | խմբագրել կոդը]
- «Մարտական ծառայությունների համար» մեդալ
- «Խիզախության համար» կրկնակի մեդալ
- Կարմիր աստղի կրկնակի շքանշան