Գևորգ Հատիտյան

Գևորգ Հատիտյան
Ծնվել է	ապրիլի 19, 1924(1924-04-19)
Ծննդավայր	Հալեպ, Սիրիա
Մահացել է	հունվարի 5, 1984(1984-01-05) (59 տարեկան)
Մահվան վայր	Լենինական, Հայկական ԽՍՀ, ԽՍՀՄ
Քաղաքացիություն	Սիրիա և  ԽՍՀՄ
Կրթություն	Կրթասիրաց վարժարան
Մասնագիտություն	գրականագետ
Աշխատավայր	Շիրակի Մ. Նալբանդյանի անվան պետական համալսարան
Անդամություն	ԽՍՀՄ Գրողների միություն

Գևորգ Նազարի Հատիտյան (ապրիլի 19, 1924(1924-04-19), Հալեպ, Սիրիա - հունվարի 5, 1984(1984-01-05), Լենինական, Հայկական ԽՍՀ, ԽՍՀՄ), հայ գրականագետ, ԽՍՀՄ գրողների միության անդամ 1956 թվականից։

Կենսագրություն

Ծնվել է Սիրիայի Հալեպ քաղաքում։ 1940 թվականին ավարտել է տեղի Կրթասիրաց վարժարանը։ Աշխատակցել է «Զարթոնք», «Արարատ» օրաթերթերին, «Հայ գիր», «Ծիածան», «Կայծ» գրական ամսագրերին։ 1946 թվականին ներգաղթել է Հայաստան և բնակություն հաստատել Լենինական քաղաքում։ 1952 թվականին ավարտել է Երևանի հեռակա մանկավարժական ինստիտուտի լեզվագրական ֆակուլտետը։ 1963 թվականից ֆրանսերեն է դասավանդել Լենինականի միջնակարգ դպրոցներում։ Կյանքի վերջին տարիներին հայ գրականություն է դասավանդել Լենինականի Մ. Նալբանդյանի անվան մանկավարժական ինստիտուտում։ 1959 թվականին «Արագած» ալմանախում տպագրվել է Դանիել Վարուժանին նվիրված նրա ընդարձակ ուսումնասիրությունը։ Մահացել է Լենինականում։

Գ. Հատիտյանի երկերի մատենագրություն

• Ռուբեն Սևակ (գրաքննադատական վերլուծության փորձ), Երևան, Հայպետհրատ, 1959, 87 էջ

Ծանոթագրություններ

Վիքիդարանն ունի նյութեր, որոնք վերաբերում են «Գևորգ Հատիտյան» հոդվածին։