Գրիգոր Փիջյան
Գրիգոր Փիջյան | |
---|---|
Ծնվել է | սեպտեմբերի 1, 1919 Թիֆլիս, Վրաստանի Դեմոկրատական Հանրապետություն |
Մահացել է | 1998 Գերմանիա |
Մասնագիտություն | երկրաբան |
Հաստատություն(ներ) | ՀՀ ԳԱԱ Երկրաբանական գիտությունների ինստիտուտ |
Ալմա մատեր | Երևանի պետական համալսարան (1947) և Սանկտ Պետերբուրգի պետական լեռնահանքային ինստիտուտ |
Գիտական աստիճան | Երկրաբանա-հանքաբանական գիտությունների դոկտոր |
Պարգևներ | |
Կուսակցություն | ԽՄԿԿ |
Գրիգոր Հովհաննեսի Փիջյան (սեպտեմբերի 1, 1919, Թիֆլիս, Վրաստանի Դեմոկրատական Հանրապետություն - 1998, Գերմանիա), հայ խորհրդային երկրաբան։ Երկրաբանահանքաբանական գիտությունների դոկտոր (1969), պրոֆեսոր (1971)։ ԽՄԿԿ անդամ 1943 թվականից։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Գրիգոր Փիջյանը ծնվել է 1919 թվականին Թիֆլիսում։ 1937 թվականին ընդունվել է Երևանի համալսարան։ 1941 թվականին զորակոչվել է Խորհրդային բանակ, 1942 թվականին ավարտել է Թելավի զինվորական ուսումնարանը և մեկնել ռազմաճակատ։ Մասնակցել է Կովկասի պաշտպանության, Կուրսկ-Բելգորոդի, Ուկրաինայի ազատագրման, Դնեպրի գետանցման համար մղվող ճակատամարտերին, մի քանի անգամ վիրավորվել է։ 1946 թվականին զորացրվել է և ուսումը շարունակել Երևանի պետական համալսարանում, որն ավարտել է 1947 թվականին։
1947 թվականից աշխատել է ՀԽՍՀ ԳԱ երկրաբանական գիտությունների ինստիտուտում, 1959 թվականից՝ երկրաքիմիայի բաժնի վարիչ։ 1949 թվականից զբաղվել է Հայաստանի մի շարք՝ Նոյեմբերյանի, Սևանի, Հրազդանի, Կապանի, Մեղրու շրջանների հանքավայրերի հետազոտությամբ, միաժամանակ սովորել է Լենինգրադի Լեռնային ինստիտուտի ասպիրանտուրայում։ 1951 թվականին պաշտպանել է թեկնածուական ատենախոսություն «Դաստակերտի պղինձ-մոլիբդենային հանքավայրի հանքային դաշտի երկրաբանությունը» թեմայով։
1953–1955 թթ. դասավանդել է Երևանի պոլիտեխնիկական ինստիտուտում, 1969-1974 թթ.՝ համալսարանում[1]։
1988 թվականին ընտանիքով տեղափոխվել է Գերմանիա։
Աշխատությունները վերաբերում են հանրապետության մետաղային օգտակար հանածոների հանքավայրերի երկրաբանության, միներալոգիայի և երկրաքիմիայի հարցերին։ Հեղինակ և համահեղինակ է 100 գիտական հոդվածների, 5 մենագրությունների, մի շարք գիտական հաշվետվությունների և զեկուցագրերի։
Պարգևներ[խմբագրել | խմբագրել կոդը]
Պարգևատրվել է Կարմիր աստղի երկու, Հայրենական պատերազմի շքանշաններով։ ՀԽՍՀ պետական մրցանակ (1976)։ ՀԽՍՀ վաստակավոր երկրաբան։
Ծանոթագրություններ[խմբագրել | խմբագրել կոդը]
- ↑ Գրիգոր Հովհաննեսի Փիջյան (ծննդյան 90-ամյակին)(չաշխատող հղում)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |
- Սեպտեմբերի 1 ծնունդներ
- 1919 ծնունդներ
- Թբիլիսի քաղաքում ծնվածներ
- 1998 մահեր
- Գերմանիայում մահացածներ
- ԵՊՀ շրջանավարտներ
- Կարմիր աստղի շքանշանի ասպետներ
- ՀԽՍՀ պետական մրցանակի դափնեկիրներ
- ԽՄԿԿ անդամներ
- Գիտնականներ այբբենական կարգով
- Անձինք այբբենական կարգով
- Հայ երկրաբաններ
- Երկրորդ համաշխարհային պատերազմին մասնակցած հայեր
- Հայ պրոֆեսորներ
- Հայրենական մեծ պատերազմի մասնակիցներ
- Երկրաբանա-հանքաբանական գիտությունների դոկտորներ