Գրիգորի Գասենկո

Գրիգորի Գասենկո
Ծնվել է	փետրվարի 1, 1910(1910-02-01)
Ծննդավայր	Ազով, Ռոստովի մարզ, ԽՍՀՄ
Վախճանվել է	մայիսի 9, 1985(1985-05-09) (75 տարեկան)
Վախճանի վայր	Ազով, Ռոստովի մարզ, ՌԽՖՍՀ, ԽՍՀՄ
Մասնագիտություն	գրող և մանկագիր
Լեզու	ռուսերեն
Քաղաքացիություն	ԽՍՀՄ
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	և

Գրիգորի Գասենկո (ռուս.՝ Григо́рий Степа́нович Гасе́нко, փետրվարի 1, 1910(1910-02-01), Ազով, Ռոստովի մարզ, ԽՍՀՄ - մայիսի 9, 1985(1985-05-09), Ազով, Ռոստովի մարզ, ՌԽՖՍՀ, ԽՍՀՄ), ռուս խորհրդային գրող, բնագետ, բանաստեղծ։ ԽՍՀՄ գրողների միության անդամ։

Կենսագրություն

Գրիգորի Գասենկոն ծնվել է 1910 թվականին Ազով քաղաքում։ Աշխատել է որպես բեռնակիր, հնոցապան, հողափոր, արմատուրագործ։ Այնուհետև ավարտել է Օդեսայի ուսումնական կոմբիանտը, ստացել չափակարգորդի մասնագիտություն։ Վերադառնալով հայրենի քաղաք` աղացում աշխատել է մասնագիտությամբ, այնուհետև աշխատել է ձկան գործարանում։

Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններից առաջ Գասենկոն սկսել է գրել բանաստեղծություններ և պատմվածքներ Մերձազովյան բնության և մարդկանց մասին։ Հայրենական մեծ պատերազմի սկսվելու պես Գասենկոն միացավ Կարմիր բանակին և ուղարկվեց ինժեներական զորքեր։ Որպես սակրավոր, ապա ականորդ, ապագա գրողը մասնակցել է Ստալինգրադի ճակատամարտին, Դոնի կռիվներին Ղրիմում։ Պարգևատրվել է ռազմական մեդալներով։

Գերմանա-խորհրդային պատերազմի ավարտից հետո Գասենկոն շարունակել է ծառայել խորհրդային բանակում և զորացրվել միայն 1949 թվականին։ Վերադառնալով իր հայրենի Ազով, վերաբնակվել է նավաշինարանում, աշխատել որպես պլանարար, ապա որպես արտադրամասի ղեկավարի տեղակալ։ Ձկնորսների հետ Ազովի ծով դուրս գալը դարձել է նրա հետագա ստեղծագործությունների նյութը։ 1954 թվականին Գասենկոն ընդունվել է ԽՄԿԿ շարքերում։

1950-ական թվականները Գասենկոյի ակտիվ գործունեության սկիզբն են։ 1955 թվականին «Դոն» ամսագրում հրատարակել է ձկնորսների մասին նրա «Ծովեզերք», ապա` «Ոսկե հատակ» ակնարկը։ Այնուհետև Ռոստովի գրքի հրատարակչատան կոլեկտիվ հավաքածուում հայտնվում է Գասենկոյի «Ոչ ճանապարհին» առաջին հրատարակված պատմվածքը։ 1959 թվականին առանձին հրատարակությամբ լույս է տեսել «Մատվեյ և Վովկա պապիկ» պատմվածքների հավաքածուն երեխաների համար։

Այնուհետև Գասենկոն անդրադառնում է վիպակի ժանրին։ Ռոստիզդատում և «Դոն» ամսագրում հրատարակվում են «Դեպի հեռավոր ճանապարհը» (1967), «Ապրիր մեզ հետ» (1978), «Մշուշոտ ծխի մեջ», «Փոթորկի մեջ», «Իլին կղզին», «Գերժամանակակից շեղումներ», «Խշշում են բարդիները», «Կռունկի մարգագետին» (1982)։

Գասենկոյի ստեղծագործությունների հիմնական թեման է եղել հայրենիքի հանդեպ սերը, հայրենի բնության պաշտպանությունը, ձկների և որսորդական կենդանիների պահպանումը։ Գրել է նաև բնապահպանական թեմաներով ակնարկներ և հոդվածներ։ Գասենկոյի այս գործունեությանն աջակցել են դոնյան այնպիսի գրողներ, ինչպիսիք են Անտոն Գերաշչենկոն, Ալեքսեյ Կորկիշչենկոն, Անատոլի Գրիցենկոն, Վլադիմիր Մոլոժավենկոն։ 1975 թվականին Գասենկոն ընդունվել է ԽՍՀՄ գրողների միության շարքերը։

Գրիգորի Գասենկոն մահացել է Ազովում` 1985 թվականի մայիսի 9-ին` Հաղթանակի օրը` կյանքի 76-րդ տարում։

Պարգևներ

• Հայրենական պատերազմի II աստիճանի շքանշան (1985)
• Մեդալներ

Գրականություն

• Писатели Дона: Биобиблиогр. сб / [Сост. Г. Г. Тягленко]. - Ростов н/Д: Кн. изд-во, 1976. - С. 65-66. - 288 с. - 10 000 экз.
• Писатели Дона: Биобиблиогр. указ / [О. И. Кузина и др.]. - изд. 2-е, испр. и доп. - Ростов н/Д: Кн. изд-во, 1986. - С. 82-84. - 416 с. - 20 000 экз.
• Культура Дона в лицах: Экскл. досье / Редкол.: Ф. Ф. Баев и др.. - Ростов н/Д: Ростиздат, 1997. - С. 417. - 431 с. - ISBN 5-7509-0818-6.

Արտաքին հղումներ

• Григорий Степанович Гасенко на сайте «Биография.Ру»
• Григорий Степанович Гасенко в Большой биографической энциклопедии