Թոմաս Գրանթ Գասթին (հունվարի 14, 1990(1990-01-14)[1][2], Նորֆոլկ, Վիրջինիա, ԱՄՆ), հայտնի է որպես Գրանթ Գասթին[3], ամերիկացի դերասան և երգիչ։ Առավել հայտնի է Ֆլեշի/Բարի Ալլենի դերով «Ֆլեշ» հեռուստասերիալում և Սեբաստիան Սմիթի դերով «Գլի» հեռուստասերիալում։
Գասթինը ծնվել է Վիրջինիա նահանգի Նորֆոլկ քաղաքում, մանկական բուժքույր Դոկտոր Թինա Հանեի և Թոմ Գասթինի ընտանիքում[4]։ 2008 թվականին նա ավարտել է Գրենբիի ավագ դպրոցը և ընդունվել է BFA Երաժշտական թատրոն ծրագրում, Հյուսիսային Կարոլինայում գտնվող Էլոն համալսարանում և սովորել է երկու տարի[5]։
2011 թվականի նոյեմբերի 8–ից նա սկսել է նկարահանվել «Գլի» հեռուստասերիալում, մարմնավորելով Սեբաստիան Սմիթին։
2012 թվականի Մայիսի վերջին Գասթինը սկսում է նկարահանվել Lifetime հեռուստաալիքի «Մոր մղձավանջը» ֆիլմում, որը նկարահանվել է Կանադայում[6]։ 2012 թվականի հուլիսի 11-ին, հայտարարվեց, որ Գասթինը պետք է կատարի կարևոր դեր «Աֆլուենձա» ֆիլմում[7]։
2013 թվականի սեպտեմբերի 13-ին հայտարարվեց, որ Գասթինը պետք է մարմնավորի Բարի Ալլենին «Նետ» հեռուստասերիալի երկրորդ եթերաշրջանում։ Հետագայում նա սկսեց նկարահանվել «Նետ» հեռուստասերիալի սթին–օֆֆ «Ֆլեշ» հեռուստասերիալում մարմնավորելով գլխավոր դերը[8][9]։ Նկարահանվեցին տասներեք սերիա, հեռուստասերիալը հեռարձակվեց 2014 թվականի հոկտեմբերի 7-ին, ունենալով 4.8 միլլիոն դիտում, որն ամենաշատ դիտվածն էր «The CW» հեռուստաալիքի համար հինգ տարվա ընթացքում[10][11]։ Երկու շաբաթ անց հեռուստաալիքն ավելացրեց հեռուստասերիալի սերիաները և հասցրեց այն մինչև քսաներեքի, լիարժեք եթերաշրջանի համար[12]։ 2015 թվականի հունվարի 11-ին հեռուստասերիալը երկարաձգվեց երկրորդ եթերաշրջանի[13]։
.jpg)
ԱՄՆ
