Գոհար Նավասարդյան

Գոհար Նավասարդյան;
Ծնվել է	մայիսի 17, 1990 (33 տարեկան)
Ծննդավայր	Եղեգնաձոր, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայկական վիրտուալ համալսարան (2012), Երևանի պետական համալսարան (2017) և Հայաստանի Հանրապետության պետական կառավարման ակադեմիա (2020)
Մասնագիտություն	լրագրող և հոգեբան
Աշխատավայր	ՀՀ արտակարգ իրավիճակների նախարարություն
	Gohar Navasardyan Վիքիպահեստում

Վիքիպեդիայում կան հոդվածներ Նավասարդյան ազգանունով այլ մարդկանց մասին։

Գոհար Նավասարդյան (մայիսի 17, 1990(1990-05-17), Եղեգնաձոր, Հայկական ԽՍՀ, ԽՍՀՄ), սպորտային լրագրող, հոգեբան։

Կենսագրություն[խմբագրել | խմբագրել կոդը]

Գոհար Նավասարդյանը ծնվել է 1990 թվականի մայիսի 17-ին, Վայոց ձորի մարզի Եղեգնաձոր քաղաքում։ 1997-2007 թվականներին սովորել և ավարտել է Եղեգնաձորի թիվ 2 միջնակարգ դպրոցը, 2010-2012 թվականներին՝ Հայկական վիրտուալ համալսարանի ժամանակակից պատմության ֆակուլտետը։ 2012 թվականից աշխատում է ՀՀ արտակարգ իրավիճակների նախարարության 911 ահազանգման կենտրոնում որպես օպերատոր^[1]^[2]։ 2012-2017 թվականներին սովորել և ավարտել է Երևանի պետական համալսարանի փիլիսոփայության և հոգեբանության ֆակուլտետի հոգեբանության բաժինը՝ ստանալով հոգեբան-մանկավարժի որակավորում։ 2014 թվականին մասնակցել է «ԱՄՆ-Հայաստան սպորտը հանուն հաջողության հնարավորությունների ընդլայնում» մասնագիտական ծրագրի «Աղջիկը լուսնի վրա» ներառական պարային ներկայացման հերոսուհին է^[3]։ Հյուրախաղերով հանդես է եկել նաև Գյումրու դրամատիկական թատրոնում։ 2016 թվականին եղել է հաշմանդամություն ունեցող անձանց հանրապետական մարզական 14-րդ փառատոնի կազմակերպիչը։ 2018 թվականին Պորտուգալիայի մայրաքաղաք Լիսաբոնում մասնակցել է ՈւԵՖԱ-ի CAFE-ի և Պորտուգալիայի ֆուտբոլի ֆեդերացիայի համատեղ football for all լիդերության ծրագրին, որից հետո Հայաստանում ստեղծել է «Ֆուտբոլի հաշմանդամ երկրպագուների ակումբը», որի նպատակն է ապահովել հաշմանդամ երկրպագուներին կենդանի ֆուտբոլ դիտելու հնարավորություն։ 2019 թվականին եղել է ՈՒԵՖԱ-ի Մ19 տ․ ֆուտբոլի Եվրոպայի առաջնության կամավոր։ 2019 թվականին աշխատել է որպես պորտուգալական B Sport ակադեմիայի հայաստանյան ներկայցուցչության գրասենյակի ղեկավար՝ կազմակերպելով «ճանապարհ դեպի ֆուտբոլային երազանք» մանկապատանեկան ֆուտոլային ճամբարը։ 2019-2021 թվականներին աշխատել է sportx.am սպորտային լրատվական կայքում որպես սպորտային լրագրող։ 2020 թվականին մասնակցել է TEDx HeratsiSt Master peace-ին որպես խոսնակ՝ ներկայացնելով կյանքն անիվների վրա մոտիվացիոն ելույթը^[4]։ 2017-2020 թվականներին սովորել և ավարտել է ՀՀ պետական կառավարման ակադեմիայի քաղաքագիտության բաժինը՝ ստանալով քաղաքագետի մագիստրոսական աստիճան։ 2021 թվականին աշխատել է Հայաստանի հաշմանդամների «Փյունիկ» միությունում, որպես ծրագրերի ղեկավար, եղել է հաշմանդամություն ունեցող անձանց հանրապետական մարզական 18-րդ փառատոնի կազմակերպիչը^[5]։ 2021 թվականին ընտրվել է «Հայաստանի ազգային պարալիմպիկ կոմիտե» հասարակական կազմակերպության խորհրդի անդամ։ 2021 թվականից աշխատում է proffootball.am ֆուտբոլային լրատվական կայքում որպես սպորտային լրագրող։

Զբաղվել է տարբեր սպորտաձևերով՝ սայլակներով մեծ թենիս, սայլակներով մրցավազք, կարատե, ծանրամարտ։

Մրցանակներ[խմբագրել | խմբագրել կոդը]

2013 թվականին հաշամդամություն ունեցող անձանց հանրապետական մարզական 10-րդ մարզական փառատոնի ժամանակ անվասայլակներով բասկետբոլ մարզաձևում նվաճել է 1-ին տեղը։
«Դու կարող ես պաշտպանել ինքդ քեզ» նախագծի 3-րդ մրցանակակիր, 2015^[6]։
2016 թվականին մասնակցել է «Միսս Հայք» հաշմանդամ կանանց գեղեցկության մրցույթին՝ արժանանալով «Միսս հանդիսատեսի համակրանք» տիտղոսին։
2019 թվականին Ռուսաստանի Չելյաբինսկ քաղաքում անցկացվող «Born to win» միջազգային գեղեցկության մրցույթի ժամանակ հաղթել է «Միսս սպորտի թագուհի» անվանակարգում^[7]^[8]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

[1] «Սառույցը տեղից շարժվում է դանդաղ, բայց դա էլ ինչ-որ բան է»

[2] Գոհար Նավասարդյան. «Մարդիկ սովոր չեն, որ հաշմանդամություն ունեցողն էլ կարող է սիրահարվել»

[3] Գոհար Նավասարդյան. «Ճանաչեցի բեմը, ետնաբեմում կատարվող իրադարձությունները»

[4] Life on wheels | Gohar Navasardyan | TEDxHeratsiSt

[5] Գոհար Նավասարդյան. «Շատերի շնորհիվ իմ կյանքը գունավորվեց»

[6] Հաշմանդամության խնդիր ունեցող կարատեիստ. «Կարևորը, երբ նայեի սենսեիս աչքերին, նա ինձ ժպտար»

[7] Հաշմանդամություն ունեցող հայուհու միջազգային ձեռքբերումը անձնական պայքարի և կյանքում հաջողության հասնելու իրական օրինակ է. Արման Թաթոյան

[8] Հաշմանդամություն ունեցող հայուհու ձեռքբերումը պետք է վարակիչ լինի բոլորի համար. Թաթոյան

[1]

[2]

[3]

[4]

[5]

[6]

[7]

[8]