Jump to content

Գյուստավ Քան

Վիքիպեդիայից՝ ազատ հանրագիտարանից
Գյուստավ Քան
ֆր.՝ Gustave Kahn
Ծնվել էդեկտեմբերի 21, 1859(1859-12-21)[1][2][3][…]
ԾննդավայրՄեց[4]
Վախճանվել էսեպտեմբերի 5, 1936(1936-09-05)[5][1] (76 տարեկան)
Վախճանի վայրՓարիզ, Ֆրանսիա[4]
ԳերեզմանՄոնպարնաս գերեզմանատուն
Մասնագիտությունբանաստեղծ, գրող, գրական քննադատ և արվեստագետ
Լեզուֆրանսերեն
Քաղաքացիություն Ֆրանսիա
ԿրթությունԽարտիաների ազգային դպրոց
Изображение автографа
 Gustave Kahn Վիքիպահեստում

Գյուստավ Քան (ֆր.՝ Gustave Kahn, դեկտեմբերի 21, 1859(1859-12-21)[1][2][3][…], Մեց[4] - սեպտեմբերի 5, 1936(1936-09-05)[5][1], Փարիզ, Ֆրանսիա[4]), ֆրանսիացի գրող, արվեստաբան։ Ֆրանսիական սիմվոլիզմի ներկայացուցիչներից։ 1886 թվականին Ժ․ Մորեասի և Պ․ Ադանի հետ հիմնել է «Լը սիմվոլիստ» հանդեսը։ Գրել է պոեմներ, վեպեր։ Քանը ֆրանսիական գրականության մեջ ազատ ոտանավորով գրող առաջին հեղինակներից է («Քոչող պալատները», 1887, ժողովածու)։ Իր գեղագիտական հայացքները ձևակերպել է «Առաջին պոեմները» (1897) ժողովածուի առաջաբանում։ Զարգացնելով Պ․ Վեռլենի «Ամենից առաջ երաժշտությունը» գաղափարը՝ խախտել է տաղաչափության ավանդական համակարգերը և ուշադրություն դարձրել, գլխավորապես, բաղաձայնույթներով ու համահնչյունությամբ հարուստ բանաստեղծության ռիթմիկ ներդաշնակությանը։ Քանը եղել է արձանագործության և նկարչության Փարիզի նշանավոր քննադատներից մեկը։ Հրատարակել է «Սիմվոլիստները և դեկադենտները» (1902), «Ռոդեն» (1906), «Ֆրագոնար» (1907), «Շարլ Բոդլեր» (1928) և այլ գործեր։ Քանն ընդարձակ ուսումնասիրություն է նվիրել Էդ. Շահինին, տպագրել է հոդվածներ Ա․ Բաբայան Քարբոնելի, Շ․ Ադամյանի և ուրիշ հայ նկարիչների մասին, գրել է Հ․ Գյուրջյանի, Մ․Քեպապճյանի ցուցահանդեսների կատալոգների առաջաբանները։

Ծանոթագրություններ

[խմբագրել | խմբագրել կոդը]
  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 2,0 2,1 Base Léonore (ֆր.)ministère de la Culture.
  3. 3,0 3,1 Encyclopædia Britannica
  4. 4,0 4,1 4,2 4,3 4,4 4,5 Deutsche Nationalbibliothek Record #118776576 // Gemeinsame Normdatei (գերմ.) — 2012—2016.
  5. 5,0 5,1 5,2 Record #14831609 // Միջազգային նույնականացման վիրտուալ նիշք(բազմ․)[Dublin, Ohio]: OCLC, 2003.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Վիքիպահեստն ունի նյութեր, որոնք վերաբերում են «Գյուստավ Քան» հոդվածին։