Գյուլսյուն Սաղլամեր

Վիքիպեդիայից՝ ազատ հանրագիտարանից
Jump to navigation Jump to search
Գյուլսյուն Սաղլամեր
Ծնվել է1945
Տրապիզոն, Թուրքիա
ՔաղաքացիությունFlag of Turkey.svg Թուրքիա
ԱզգությունԹուրքեր
Մասնագիտությունճարտարապետ
Հաստատություն(ներ)Ստամբուլի տեխնիկական համալսարան
Ալմա մատերՍտամբուլի տեխնիկական համալսարան

Գյուլսյուն Սաղլամեր (թուրք.՝ Gülsün Sağlamer, 1945, Տրապիզոն, Թուրքիա), թուրք ակադեմիկոս։

Կենսագրություն[խմբագրել | խմբագրել կոդը]

Գյուլսյուն Սաղլամերը ծնվել է 1945 թվականին թուրքական Տրապիզոն քաղաքում։ Հայրենի քաղաքում տարրական և միջնակարգ կրթությունն ավարտելուց հետո նա սովորել է Ստամբուլի տեխնիկական համալսարանի (ITU) ճարտարապետության դպրոցում՝ ստանալով մագիստրոսի աստիճան։ Դոկտորական աշխատանքի հետազոտությունները Սաղլամերն անցկացրել է Քեմբրիջի համալսարանի (Մեծ Բրիտանիա) ճարտարապետության ամբիոնի Մարտինի կենտրոնում 1975-1976 թվականներին[1]։

Հետագայում Գյուլսյուն Սաղլամերը վերադարձել է Ստամբուլ։ 1978 թվականին նա դարձել է զուգորդված պրոֆեսոր, իսկ 1988 թվականին՝ պրոֆեսոր, աշխատել է Ստամբուլի տեխնիկական համալսարանում։ 1993-1995 թվականներին Սաղլամերը եղել է Բելֆաստի (Հյուսիսային Իռլանդիա) Քվինսի համալսարանի հրավիրյալ դասախոս[2]։

Գյուլսյուն Սաղլամերն ընտրվել է Ստամբուլի տեխնիկական համալսարանի ռեկտոր և այդ պաշտոնն զբաղեցրել է 1996-2004 թվականներին[3]։ Նա դարձել է առաջին կին-ռեկտորը Թուրքիայում։ Սաղլամերը նաև Եվրոպական կին-ռեկտորիների միության նախագահն է (անգլ.՝ European Women Rectors Association)[1]։ 2005-2009 թվականներին նա եղել է Եվրոպայի համալսարանների միության (EUA) կառավարման ընտրյալ անդամ։ Ավելի ուշ նա ընտրվել է Կադիր Հաս համալսարանի հոգաբարձական խորհրդի անդամ և Թուրքիայի տեխնոլոգիաների և տեխնոպարկերի խորհրդի նախագահ[4]։ Սաղլամերը «Open House» ամսագրի խմբագրական կոլեգիայի անդամ է։

Գյուլսյուն Սաղլամերը թուրք երեք կին-գիտնականներից մեկն է, որոնք ներկայացված են Օքսֆորդի «Women Scientists: reflections Challanges and Breaking Boundries» հրատարակչությունում[5]։

Ծանոթագրություններ[խմբագրել | խմբագրել կոդը]