Գերոնտի Թալալյան

Վիքիպեդիայում կան հոդվածներ Թալալյան ազգանունով այլ մարդկանց մասին։

Գերոնտի Թալալյան
Ծնվել է	հուլիսի 29, 1926(1926-07-29) Երևան, ԱԽՖՍՀ, ԽՍՀՄ
Երկիր	Հայաստան
Մահացել է	մարտի 16, 2000(2000-03-16) (73 տարեկան) Երևան, Հայաստան
Մասնագիտություն	երաժիշտ
Գործիքներ	թավջութակ
Պարգևներ

Գերոնտի Սեմյոնի Թալալյան (հուլիսի 29, 1926(1926-07-29), Երևան, ԱԽՖՍՀ, ԽՍՀՄ - մարտի 16, 2000(2000-03-16), Երևան, Հայաստան), հայ թավջութակահար, ՀԽՍՀ ժողովրդական արտիստ (1987)։

Հայաստանի վաստակավոր արտիստ Արամ Թալալյանի հայրն է, ՀԽՍՀ ժողովրդական արտիստ, ալտահար Հենրիխ Թալալյանի եղբայրը։

Կենսագրություն

1951 թվականին ավարտել է Մոսկվայի կոնսերվատորիան։ 1951 թվականից եղել է Հայֆիլհարմոնիայի մենակատար, 1956 թվականից՝ Երևանի օպերային թատրոնի թավջութակահարների խմբի կոնցերտմայստեր։ 1951-2000 թվականներին դասավանդել է Երևանի պետական կոնսերվատորիայում, պրոֆեսոր` 1977 թվականից։ Ղեկավարել է իր ստեղծած (1951) թավջութակահարների անսամբլը, Երևանի Ռոմանոս Մելիքյանի անվան երաժշտական ուսումնարանի սիմֆոնիկ, Երևանի կոնսերվատորիայի կամերային նվագախմբերը։ Հանդես է եկել անսամբլներում` Յու. Սիտկովեցկու, Մ. Ղամբարյանի, Հ. Վարդանյանի, Առնո Բաբաջանյանի հետ։ Հեղինակել է բազմաթիվ փոխադրումներ և մշակումներ թավջութակի համար։ Նրան նվիրված ստեղծագործություններ են գրել կոմպոզիտորներ Ալեքսանդր Հարությունյանը, Էդգար Հովհաննիսյանը, Ալեքսանդր Աճեմյանը, Ս. Նաղդյանը և այլք։

Արտաքին հղումներ

• Մեկնարկում է Թալալյան եղբայրների անունը կրող փառատոնը