Գերասիմ Մելքումյան
Գերասիմ Մելքումյան | |
---|---|
Ծնվել է | 1916 |
Ծննդավայր | Շոշ, Շուշիի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն |
Մահացել է | անհայտ |
Քաղաքացիություն | Ռուսական կայսրություն և ԽՍՀՄ |
Կրթություն | Երևանի պետական համալսարան |
Մասնագիտություն | մանկավարժ |
Պարգևներ և մրցանակներ |
Գերասիմ Սարոյի Մելքումյան (1916, Շոշ, Շուշիի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ Հայրենական պատերազմի մասնակից։ ՀԽՍՀ վաստակավոր մանկավարժ։
Կենսագրություն[խմբագրել | խմբագրել կոդը]
Գերասիմ Մելքումյանը ծնվել է 1916 թվականին, Լեռնային Ղարաբաղի Ստեփանակերտի շրջանի Շուշիքենդ գյուղում։ 1933 թվականին ավարտել է Շուշվա ինտերնացիոնալ մանկավարժական տեխնիկումը։ 1933-1938 թվականներին Մելքումյանը մաթեմատիկա և ֆիզիկա է դասավանդել ԼՂԻՄ Մարտունու շրջանի Գիշի, Ննգի, Ստեփանակերտի շրջանի Բադարա, Շուշիքենդ գյուղերի 7-ամյա դպրոցներում։ 1938-1942 թվականներին սովորել է Երևանի պետական համալսարանի տնտեսագիտական ֆակուլտետում։ Ավարտելուց հետո աշխատանքի է անցել Հայկոոպում, որպես տնտեսագետ-հրահանգիչ, միաժամանակ դասավանդել է Երևանի ֆինանսական տեխնիկումում[1]։
1943 թվականի մայիսին Մելքումյանը զորակոչվել է կարմիր բանակ, մասնակցել Տագանրոգի, Դոնեցկի և այլ քաղաքների ազատագրման մարտերին։ 1944 թվականի հունվարին ծանր վիրավորվել է, տեղափոխվել թիկունք, իսկ հունիսին որպես Հայրենական պատերազմի 2-րդ կարգի հաշմանդամ զորացրվել է բանակից և աշխատանքի անցել ՀԽՍՀ առևտրի, իսկ հետո՝ ֆինանսների նախարարությունների ապարատներում՝ որպես ավագ տնտեսագետ-հրահանգիչ, միաժամանակ դասավանդել է Երևանի ֆինանսական տեխնիկումում, 1964-1965 թվականներին եղել է տեխնիկումի ուսմասվար, դասախոսել է նաև Երևանի պետական համալսարանի տնտեսագիտական ֆակուլտետում։ Մելքումյանը զբաղվել է նաև գիտական աշխատանքով[1]։
ՀԽՍՀ Գերագույն խորհրդի նախագահությունը 1962 թվականին Մելքումյանին շնորհել է հանրապետության վաստակավոր ուսուցչի պատվավոր կոչում։ Պարգևատրվել է նաև «Աշխատանքային գերազանցության համար» և մի շարք մեդալներով ու պատվոգրերով[1]։
Պարգևներ[խմբագրել | խմբագրել կոդը]
- ՀԽՍՀ վաստակավոր մանկավարժ
- «Աշխատանքային գերազանցության համար» մեդալ