Գեորգի Վուլֆ

Գեորգի Վուլֆ;
Ծնվել է	հունիսի 10 (22), 1863
Ծննդավայր	Նեժին, Չեռնիգովի նահանգ, Ռուսական կայսրություն
Մահացել է	դեկտեմբերի 25, 1925 (62 տարեկան)
Մահվան վայր	Մոսկվա, Մոսկվայի մարզ, ՌԽՖՍՀ, ԽՍՀՄ
Քաղաքացիություն	Ռուսական կայսրություն, ԽՍՀՄ և Խորհրդային Ռուսաստան
Կրթություն	Warsaw 5th Gymnasium?, Վարշավայի համալսարան և Վարշավայի կայսերական համալսարան
Կոչում	պրոֆեսոր
Գիտական աստիճան	բնական գիտությունների դոկտոր
Մասնագիտություն	բյուրեղագիր և ֆիզիկոս
Աշխատավայր	Կազանի Դաշնային համալսարան, Վարշավայի կայսերական համալսարան, Կազանի կայսերական համալսարան, Մոսկվայի կայսերական համալսարան, Մոսկվայի Ա. Շանյավսկու անվան քաղաքային ժողովրդական համալսարան, Մոսկվայի բարձրագույն կանանց դասընթացներ և Մոսկվայի պետական համալսարան
Անդամություն	ԽՍՀՄ գիտությունների ակադեմիա

Գեորգի (Տուրի) Վիկտորովիչ Վուլֆ (հունիսի 10 (22), 1863, Նեժին, Չեռնիգովի նահանգ, Ռուսական կայսրություն^[1] - դեկտեմբերի 25, 1925(1925-12-25)^[1], Մոսկվա, Մոսկվայի մարզ, ՌԽՖՍՀ, ԽՍՀՄ^[1]), խորհրդային բյուրեղագետ։ ԽՍՀՄ ԳԱ թղթակից անդամ (1921 թվական)։ 1885 թվականին ավարտել է Վարշավայի համալսարանը։ Կազանի (1897 թվական), Վարշավայի (1899 թվական) և Մոսկվայի (1918 թվական) համալսարանների պրոֆեսոր։ 1911 թվականին առաջադեմ պրոֆեսորների հետ թողել է Մոսկվայի համալսարանը՝ ի նշան բողոքի լուսավորության մինիստրության ռեակցիոն քաղաքականության, և տեղափոխվել Շանյավսկու անվան ժողովրդական համալսարանը։ 1917 թվականին վերադարձել է Մոսկվայի համալսարան։ Վուլֆը ստեղծել է բյուրեղների չափերի արդյունքների մշակման մատչելի գրաֆիկական մեթոդ, որը կոչվել է իր անունով։ Մշակել է բյուրեղների համաչափության բոլոր խմբերի դուրս բերման նոր եղանակ։ Վուլֆի մի շարք աշխատություններ վերաբերում են բյուրեղների աճին, հեղուկ բյուրեղների և բյուրեղաօպտիկայի ուսումնասիրությանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 534)։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Вульф Георгий Викторович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_ee409b8a6a320c8d-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Вульф Георгий Викторович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[1]