Գեղարվեստի դպրոց (Մանհեթեն)
| Գեղարվեստի դպրոց անգլ.՝ Cartoonists and Illustrators School[1] և անգլ.՝ School of Visual Arts[1][1] | |
|---|---|
 | |
 | |
| Տեսակ | համալսարան, private for-profit educational institution? և գեղարվեստի ակադեմիա |
| Հիմնադրված է | 1947[1][2] |
| Հիմնադրիր | Silas Rhodes?[1] և Burne Hogarth?[1] |
| Աշակերտներ | 3692[3] |
| Երկիր |  ԱՄՆ[4] |
| Տեղագրություն | Նյու Յորք շրջան[1] |
| Հասցե | 209 E 23rd St, New York, NY, 10010[3] |
| Կայք | sva.edu(անգլ.) |
Գեղարվեստի դպրոց (անգլ.՝ School of Visual Arts New York City, SVA NYC), արվեստի դպրոց, որը գտնվում է Մանհեթենում (Նյու Յորք)։ Միացյալ Նահանգների առաջատար արվեստի դպրոցներից մեկն է (անգլ.՝ Cartoonists and Illustrators School)[5]։ 1956 թվականին անվանափոխվել է[6]։ Գեղարվեստի դպրոցը Միացյալ Նահանգների 36 առաջատար արվեստի դպրոցների կոնսորցիումի՝ Արվեստի և դիզայնի անկախ քոլեջների ասոցիացիայի (AICAD) անդամ է։
Պատմություն[խմբագրել | խմբագրել կոդը]
Հիմնադրվել է 1947 թվականին՝ համահիմնադիրներ Սայլաս Ռոուդսի և Բեռն Հոգարտի կողմից՝ որպես նկարազարդողների և մուլտիպլիկատորների դպրոց։ Դպրոցն իր գործունեությունը սկսել է երեք ուսուցչով և 35 աշակերտով, որոնց մեծ մասը եղել են Երկրորդ համաշխարհային պատերազմի վետերաններ, այնպես որ նրանց ուսման զգալի մասը վճարվել է Զինծառայողների մասին օրենքով։ 1956 թվականին քոլեջը վերանվանվել է Գեղարվեստի դպրոց[6]։ Առաջին գիտական աստիճանները դպրոցը սկսել է շնորհել 1972 թվականից, իսկ 1983 թվականին ներկայացրել է գեղարվեստի, կերպարվեստի, նկարչության և քանդակագործության առաջին մագիստրոսական ծրագիրը։
Գեղարվեստի դպրոցն ավարտել է ավելի քան 38 000 արվեստագետ, դիզայներ, գրող, ռեժիսոր, լուսանկարիչ և այլ ստեղծագործող մասնագետներ, այդ թվում՝ Օսկար և Էմմի մրցանակների դափնեկիրներ, Գրեմմիի մրցանակակիրներ, Մակարտուրի և Գուգենհայմի կրթաթոշակառուներ։ Նրանց աշխատանքները կարելի է գտնել աշխարհի առաջատար թանգարանների, այդ թվում՝ Ժամանակակից արվեստի թանգարանի և Մետրոպոլիտեն թանգարանի հավաքածուներում։
Սարքավորումներ[խմբագրել | խմբագրել կոդը]
Ուսանողական կենտրոնը հագեցած է ամենաժամանակակից տեխնոլոգիաներով և Գեղարվեստի դպրոցի ուսանողներին տրամադրում է հանդիպումների, էլեկտրոնային փոստի ստուգման, հեռուստացույց դիտելու կամ պարզապես դասերի ընդմիջումների ժամանակ հանգստանալու համար նախատեսված ընդհանուր տարածք։ Սա հարմար վայր է շփվելու, նախագծերի քննարկման, ակումբների նիստերի անցկացման կամ հանրային միջոցառումների անցկացման համար։ Պատկերասրահի տարածքը հասանելի է ուսանողների աշխատանքների ցուցադրման համար։
1978 թվականից Գեղարվեստի դպրոցի գրադարանը գտնվել է Մանհեթենի Գրամերսի շրջանի 380 Երկրորդ պողոտայում, իսկ գրադարանի առաջին մշտական բաժանմունքը՝ SVA Library West-ը, հիմնադրվել է 2018-ին՝ ընդլայնվող կամպուսն ավելի լավ սպասարկելու համար։ Երկու բաժանմունքները տրամադրում են հարմարավետ, մատչելի, գրավիչ տարածքներ պարապմունքների և հանգստի համար։
2015 թվականից SVA RisoLAB-ն առաջարկում է ռիզոգրաֆի տպագրության դասընթացներ, սեմինարներ, ուսումնական ծրագրեր նստավայրում, բաց մուտք դեպի լաբորատորիա ներկայիս և նախկին ուսանողների համար։ Դպրոցը ձգտում է ապահովել բարձր մակարդակի տեխնիկական և գեղագիտական ուսուցում ռիզոգրաֆի տպագրության ոլորտում՝ բոլոր հմտությունների մակարդակի նկարիչների, դիզայներների, նկարազարդողների, լուսանկարիչների, ստեղծագործողների համար։
SVA GroundFloor ինկուբատորը Գեղարվեստի դպրոցի շրջանավարտների ծրագրերը վերածում է կենսունակ ձեռնարկությունների՝ դրական սոցիալական ազդեցությամբ։ SVA GroundFloor-ի անվճար կրթաթոշակների շնորհիվ շրջանավարտները ստանում են ուղղորդող, կայուն բիզնես սկսելու համար անհրաժեշտ ռեսուրսներ։
Ուսումնական ծրագիր[խմբագրել | խմբագրել կոդը]
Գեղարվեստի դպրոցը լիովին հավատարմագրված արվեստի քոլեջ է։ Գեղարվեստի բակալավրի աստիճանի համար անհրաժեշտ է չորս տարվա ուսուցում և 120 միավոր։
Գտնվելու վայր և կամպուս[խմբագրել | խմբագրել կոդը]
Դպրոցը գտնվում է Մանհեթենում․
- Ներքին Մանհեթենի արևելյան կողմում գտնվող Գրամերսի շրջանում
- Ներքին Մանհեթենի արևմտյան կողմում գտնվող Չելսի շրջանում։
1994-1997 թվականներին դպրոցը կամպուսի մասնաճյուղ է ունեցել նաև Ջորջիա նահանգի Սավաննա քաղաքում, սակայն Սավաննայի արվեստի և դիզայնի քոլեջի հայցից հետո համալսարանը փակվել է[7]։
Գլխավոր շենք[խմբագրել | խմբագրել կոդը]
Գլխավոր շենքը գտնվում է Արևելյան 23-րդ փողոցի 209 շենքում՝ 2-րդ և 3-րդ պողոտաների միջև։ Այնտեղ կան դասասենյակներ, վարչական գրասենյակներ, սրճարան (Moe’s Cafe) և ամֆիթատրոն, որը գտնվում է երրորդ հարկում։ Վերին հարկը հիմնականում նախատեսված է ֆիլմերի, տեսանյութերի, գրաֆիկական դիզայնի, գովազդների, նկարազարդման և ծաղրանկարի դասարանների համար։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 https://www.nytimes.com/2007/06/30/arts/30rhodes.html
- ↑ ROR Data — v1.19 — 2023. — doi:10.5281/ZENODO.7644942
- ↑ 3,0 3,1 IPEDS — 1992.
- ↑ Global Research Identifier Database — 2015.
- ↑ «US News: Best Graduate School». Արխիվացված է օրիգինալից 2009 թ․ փետրվարի 14-ին. Վերցված է 2021 թ․ հունիսի 20-ին.
- ↑ 6,0 6,1 Kennedy, Randy (2007 թ․ հունիսի 30). «Silas H. Rhodes Dies at 91; Built School of Visual Arts». The New York Times. Վերցված է 2007 թ․ հուլիսի 21-ին.
- ↑ «The SCAD vs. School of Visual Arts lawsuit | savannahnow.com | Savannah Morning News». Արխիվացված է օրիգինալից 2014 թ․ հոկտեմբերի 26-ին. Վերցված է 2021 թ․ հունիսի 20-ին.