Գադիշո Խորխոռունի

Վիքիպեդիայից՝ ազատ հանրագիտարանից
Jump to navigation Jump to search
Գադիշո Խորխոռունի
Գադիշոյ Խորխոռունի
Հայոց Մաղխազ
 
Մասնագիտություն՝ նախարար և Հայոց մաղխազ
Ազգություն հայ
Դինաստիա Խորխոռունիներ
Քաղաքացիություն Հայկական մարզպանություն

Գադիշո Խորխոռունի (գրաբար՝ Գադիշոյ, Գադէշոյ, ծննդյան և մահվան թվականներն անհայտ, 5-րդ դար), Հայոց Մաղխազ Մարզպանական Հայաստանում, մարզպան Վասակ Սյունու զինակիցը, ապա նրա կուսակիցների ղեկավարը, Խորխոռունիների նախարարական տոհմից:

Կենսագրություն[խմբագրել | խմբագրել կոդը]

Գադիշո Խորխոռունին եղել է այն նախարարների մեջ, որոնք Պարսից Հազկերտ Բ արքայի հրամանով կանչվել էին Տիզբոն, ապա մահապատժի սպառնալիքի տակ՝ առերես ուրացել քրիստոնեությունը և ազատ արձակվել: Հետդարձին Գադիշոն բռնում է մարզպան Վասակ Սյունու կողմը, ընդդեմ Վարդան Մամիկոնյանի:

Գյուտ Ա Արահեզացի կաթողիկոսի և մարզպան Վահան Մամիկոնյանի ժամանակ գլխավորում էր Վասակի կուսակից նախարարներին: Հաճախակի հանդիմանվելով Գյուտ Ա Արահեզացի կաթողիկոսից, «չարախոսում է» Պարսից Պերոզ արքայի մոտ նրա մասին և պատճառ դառնում նրա կաթողիկոսությունից զրկվելուն: Վահանի ապստամբության ժամանակ գերի է բռնվում:

Աղբյուրներ[խմբագրել | խմբագրել կոդը]

  • «Հայոց անձնանունների բառարան», Հրաչյա Աճառյան, Հատոր 1, Ցուցակ 1, էջ 437
  • «Վասն Վարդանայ եւ Հայոց պատերազմին», Եղիշե, Վենետիկ, 1828, էջ 71, 160
  • «Հայ Ժողովրդի Պատմության Քրեստոմատիա», հատոր 1, էջ 537, 563