Բուրունդիի դրոշը Բուրունդիի Հանրապետության պետական խորհրդանիշներից է։ Այն սահմանված է Բուրունդիի Հանրապետության Սահմանադրությամբ և դրոշի մասին օրենքով։ Կազմված է կանաչ, սպիտակ և կարմիր գույներից ՝ լայնքի և երկայնքի 3։5 հարաբերակցությամբ։ Ընդունվել է 1967 թվականի հունիսի 28-ին։ Սպիտակը խորհրդանշում է խաղաղությունը, կանաչը` գեղեցիկ ապագան, կարմիրը` ազգի տառապանքը։ Երեք կարմիր աստղերը խորհրդանշում են Բուրունդիի 3 խոշոր էթնիկ խմբերին` հուտու, տուտսի, բատվա։ Կա նաև մեկ այլ մեկնաբանություն 3 աստղերը խորհրդանշում են ազգային կարգախոսը` <<Միասնություն, աշխատանք, առաջընթաց>> (կիրունդի` ubumwe, ibikorwa, iterambere)։
