Բոտկինի փողոց (Յալթա)
Բոտկինի փողոց | |
---|---|
Նախկին ծննդատան շենքը (Բոտկինի, 9) | |
Երկիր | Ռուսաստան / Ուկրաինա[1], Ղրիմ |
Գտնվում է | Յալթա |
Երկարություն | 520 մետր |
Անվանվել է | Սերգեյ Բոտկին |
Փոստային ինդեքս | 298635 |
Բոտկինի փողոց (ռուս.՝ Боткинская улица), փողոց Ղրիմի Յալթա քաղաքում։ Անվանվել է ռուս անվանի բժիշկ-թերապևտ, հասարակական գործիչ Սերգեյ Պետրովիչ Բոտկինի (1832-1889) պատվին։ Սկիզբ է առնում Պուշկինի փողոցից և ավարտվում Մարշակի փողոցի հետ հատումով։ Երկարությունը 520 մետր է։
Նկարագրություն[խմբագրել | խմբագրել կոդը]
Յալթա քաղաքի Բոտկինի փողոցը սկսվում է Պուշկինի փողոցից, հատում Տոլյատիի, Չեխովի փողոցները, Լավրովի նրբանցքը և ավարտվում Մարշակի փողոցի հետ հատումով։ Երկարությունը 520 մետր է։ Փողոցում կա համարակալված 39 շինություն. ձախ կողմում (կենտ համարներ)` 26 շենք, աջ կողմում (զույգ համարներ)` 13։
Բոտկինի փողոցի փոստային դասիչն է՝ 298635։
Փողոցն անվանվել է ռուս անվանի բժիշկ-թերապևտ, հասարակական գործիչ, կլինիկական բժշկագիտության ֆիզիոլոգիական ուղղության հիմնադիր Սերգեյ Պետրովիչ Բոտկինի (1832-1889) պատվին։ 1855 թվականին ռուս վիրաբույժ Նիկոլայ Պիրոգովի ջոկատում նա մասնակցել է Ղրիմի կամպանիային, իսկ 1877 թվականին՝ Բալկաններում, ռուս–թուրքական պատերազմական գործողություններին։ Բոտկինը Ռուսաստանում հիմնադրել է առաջին փորձառական լաբորատորիան, որտեղ ուսումնասիրվում էին դեղանյութերի ֆիզիոլոգիական և դեղաբանական ազդեցությունները։ Կլինիկական բժշկագիտության մեջ ստեղծել է նոր ուղղություն, որը Իվան Պավլովն անվանել է ներվիզմ։ Բոտկինը 1883 թվականին առաջինը նկարագրել է լյարդի վիրուսային բորբոքումը, որը հետագայում կոչվել է Բոտկինի հիվանդություն։ Նրա ջանքերով Ռուսաստանում առաջին անգամ բացվել է անվճար հիվանդանոց, որն այժմ կոչվում է Ս․ Պ․ Բոտկինի անունով[2]։
Ծանոթագրություններ[խմբագրել | խմբագրել կոդը]
- ↑ Տվյալ աշխարհագրական օբյեկտը տեղայակված է Ղրիմի թերակղզում, որի մեծ մասը տարածքային վեճի առարկա է Ռուսաստանի և Ուկրաինայի միջև։ Համաձայն Ռուսաստանի վարչատարածքային բաժանման՝ թերակղզում տեղակայված են ՌԴ Ղրիմի Հանրապետության սուբյեկտները և դաշնային նշանակություն ունեցող Սևաստոպոլ քաղաքը։ Համաձայն Ուկրաինայի վարչատարածքային բաժանման՝ Ղրիմում գտնվում են Ուկրաինայի կազմի մեջ մտնող Ղրիմի Ինքնավար Հանրապետությունը և հատուկ կարգավիճակ ունեցող Սևաստոպոլ քաղաքը։
- ↑ «Հայկական Սովետական Հանրագիտարան, հ. 2, էջ 524». Վերցված է 2019 Ապրիլ 23-ին.
Աղբյուրներ[խմբագրել | խմբագրել կոդը]
- Боткинская улица в Ялте
- Подробная карта Боткинская улица, город Ялта со спутника с номерами домов, индекс и маршруты, Яндекс, Гугл карты