Բոշտյան Ցեսար

Բոշտյան Ցեսար
Քաղաքացիությունը	Սլովենիա
Ծննդյան ամսաթիվ	հուլիսի 9, 1982(1982-07-09) (44 տարեկան)
Ծննդավայր	Լյուբլյանա, ՀՍՖՀ
Հասակ	191 սանտիմետր
Քաշ	89 կգ
Դիրք	պաշտպան և կենտրոնական պաշտպան
Պատանեկան կարիերա
Օլիմպիա (Լյուբլյանա) Դինամո (Զագրեբ)
Մասնագիտական կարիերա*
Տարի	Ակումբ	Խաղ	(Գոլ)
2000—2005 Դինամո (Զագրեբ) 56 (3) 2001 →  Կրոացիա 8 (0) 2005 →  Օլիմպիա (Լյուբլյանա) 9 (0) 2005—2009 Օլիմպիկ Մարսել 24 (0) 2007—2008 →  Վեստ Բրոմվիչ Ալբիոն 20 (1) 2009—2010 Գրենոբլ 40 (1) 2010—մ․հ․ Կիևո 231 (8)
Ազգային հավաքական
2001—2003 Սլովենիա (մինչև 21) 15 (1) 2003—2018 Սլովենիա 101 (10)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 06.02.2020:

Բոշտյան Ցեսար (սլովեն.՝ Boštjan Cesar, հուլիսի 9, 1982(1982-07-09), Լյուբլյանա, ՀՍՖՀ), սլովենացի ֆուտբոլիստ, իտալական «Կիևո» ակումբի պաշտպան և թիմի ավագ։

Ակումբի կարիերա

Բոշտյան Ցեարն իր պրոֆեսիոնալ կարիերան սկսել է Զագրեբի «Դինամոյում», որտեղ անցկացրել է հինգ մրցաշրջան։ Այդ ընթացքում նա թիմի կազմում մեկ անգամ հաղթել է երկրի առաջնությունում, երկու անգամ նվաճել երկրի գավաթը և մեկ անգամ՝ Սուպերգավաթը։ «Դինամոյում» գտնվելու ընթացքում Բոշտյանը երկու անգամ վարձավճարով տեղափոխվել է այլ թիմ․ 2001 թվականին՝ «Կրոացիա», իսկ 2005 թվականին՝ Լյուբլյանայի «Օլիմպիա»։ 2005 թվականին Բոշտյան Ցեսարը եռամյա պայմանագիր է կնքել Մարսելի «Օլիմպիկի» հետ։ Նոր ակումբի կազմում նա 2006 թվականին նվաճել է Ինտերտոտոյի գավաթը։ 2007 թվականի օգոստոսին Ցեսարը մեկ տարի ժամկետով վարձավճարով տեղափոխվել է անգլիական «Վեստ Բրոմվիչ Ալբիոն»։ Անգլիական ակումբի կազմում ֆուտբոլիստն անցկացրել է 20 հանդիպում, խփել 1 գոլ և թիմին օգնել է անցնել Անգլիայի Պրեմիեր լիգա։ 2009 թվականի հունվարին Ցեսարը կնքել է երկամյա պայմանագիր ֆրանսիական «Գրենոբլի» հետ։

2010 թվականի ամռանը Բոշտյան Ցեսարը տեղափոխվել է «Կիևո»։ 2012 թվականի հոկտեմբերի 24-ին նա «Չեզենայի» դեմ խաղում խփել է իր առաջին գոլը մոր ակումբում։ Ընդհանուր առմամբ 2010/11 մրցաշրջանում Ցեսարն անցկացրել է 32 հանդիպում և խփել 3 գոլ։ Հաջորդ մրցաշրջանում նա մասնակցել է 29 խաղի, գոլ չի խփել, բայց եղել է հիմնական կազմի խաղացող։ Գավաթի խաղարկությունում անցկացրել է 2 խաղ՝ աչքի ընկնելով մեկ անգամ։ 2012/13 մրցաշրջանում Ցեսարն անցկացրել է 22 հանդիպում։

Միջազգային կարիերա

2001 թվականից մինչև 2003 թվականը խաղացել է Սլովենիայի երիտասարդական հավաքականի կազմում։ 2003 թվականի փետրվարի 12-ին կատարել է նորամուտը Սլովենիայի ազգային հավաքականում՝ մասնակցելով Շվեյցարիայի ընտրանու հետ խաղին (1:5)։ Ազգային հավաքականում առաջին գոլը խփել է 2004 թվականի հոկտեմբերի 9-ին Իտալիայի դեմ տնային խաղում, որն հաղթանակ է բերել իր թիմին։

2018 թվականի մարտի 25-ի դրությամբ՝ Բոշտյան Ցեսարը ռեկորդակիր է Սլովենիայի հավաքականում անցկացված հանդիպումների քանակով (100 խաղ)։

Գոլերը հավաքականում

Սլովենիայի հավաքականի հաշիվն ու արդյունքը նշված է առաջինը

#	Ամսաթիվ	Տեղ	Հակառակորդ	Հաշիվ	Արդյունք	Մրցաշար
1.	9 հոկտեմբերի, 2004	Ցելե, Սլովենիա	Իտալիա	1:0	1:0	Ֆուտբոլի աշխարհի առաջնություն 2006 (ընտրական մրցաշար)|ՖԱԱ-2006
2.	11 հոկտեմբերի, 2006	Մինսկ, Բելառուս	Բելառուս	1:1	2:4	Ֆուտբոլի Եվրոպայի առաջնություն 2008 (որակավորման մրցաշար)|ՖԵԱ-2008
3.	3 մարտի, 2010	Մարիբոր, Սլովենիա	Կատար	2:0	4:1	Ընկերական խաղ
4.	17 նոյեմբերի, 2010	Կոպեր, Սլովենիա	Հունաստան	1:0	1:2	Ընկերական խաղ
5.	15 օգոստոսի, 2012	Լյուբլյանա, Սլովենիա	Ռումինիա	1:0	4:3	Ընկերական խաղ
6.	17 նոյեմբերի, 2010	Ռեյկյավիկ, Իսլանդիա	Իսլանդիա	3:2	4:2	Ֆուտբոլի աշխարհի առաջնություն 2014 (որակավորման մրցաշար, ՈՒԵՖԱ)|ՖԱԱ-2014

Ձեռքբերումներ

«Դինամո» (Զագրեբ)

• Խորվաթիայի չեմպիոն (1) – 2002/03
• Խորվաթիայի գավաթակիր (2) – 2001/02, 2003/04
• Խորվաթիայի Սուպերգավաթի դափնեկիր (2) – 2003, 2004

«Օլիմպիկ Մարսել»

• Ֆրանսիայի գավաթի խաղարկության եզրափակիչ (1)․ 2005/06
• Ինտերտոտոյի գավաթակիր (1)․ 2006 թվական

«Վեստ Բրոմվիչ Ալբիոն»

• Անգլիայի ֆուտբոլային լիգայի առաջնության հաղթող (1) – 2008

Արտաքին հղումներ

• Ֆուտբոլիստի էջը ՍՖՖ կայքում Արխիվացված 2020-04-13 Wayback Machine(սլովեն.)
• Վիճակագրությունը National Football Teams կայքում(անգլ.)

• Ֆուտբոլիստի էջը «Գրենոբլի» պաշտոնական կայքում (ֆր.)
• Ցուցանիշները soccerbase.com կայքում (անգլ.)
• Պրոֆիլը transfermarkt.com կայքում(անգլ.)
• Ֆուտբոլիստի էջը soccerway.com կայքում(անգլ.)

Վիքիպահեստն ունի նյութեր, որոնք վերաբերում են «Բոշտյան Ցեսար» հոդվածին։