Բոշխազգիներ
| Բոշխազգիներ | |
| |
| Դասակարգում | |
| Թագավորություն | Բույսեր (Plantae) |
| Ենթաթագավորություն | Viridiplantae |
| Ինֆրաթագավորություն | Streptophyta |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Հացածաղկավորներ (Poales) |
| Ընտանիք | Բոշխազգիներ (Cyperaceae) Juss., 1789 |
Բոշխազգիներ (լատին․՝ Cyperaceae), միաշաքիլավոր ծաղկավոր բույսերի ընտանիք։ Բազմամյա կոճղարմատավոր բույսեր են, հազվադեպ՝ միամյա խոտաբույսեր, երբեմն (արևադարձային գոտում)՝ ծառանման ձևեր։ Ընտանիքն ընդգրկում է մոտ 120 ցեղ (մոտ 550 տեսակ)։ Բոշխազգիներ են արոտավայրային ու խոտհարքային բույսերը (բոշխ), որոնք օգտագործում են ավազահողերի ամրացման համար, աճեցնում են որպես ուտելի արմատապալարներ (գետնանուշ) և որպես գեղազարդիչ (ցիպերուս կամ պապիրուս)։
Նկարագրություն[խմբագրել | խմբագրել կոդը]
Տերևները գծաձև են կամ գծանշտարաձև, տեղադրված են ցողունի երեք կողմերում։ Ծաղիկները երկսեռ են կամ տարասեռ (միատուն կամ երկտուն բույսեր) լրիվ ապաճած կամ փոքրացած ծաղկապատյանով (Առէջները 3-ն են, պտղաթերթիկները՝ 2-3-ը)՝ հավաքված հասկերում, որոնք գոյացնում են հովանոցանման, ավելուկանման կամ ողկուզանման ծաղկաբույլեր։ Պտուղներն ընկուզանման են։ Սերմի սաղմը շրջապատված է էնդոսպերմով։ Բոխշազգիների և՛ տերևները, և՛ ցողունները հարուստ են մեխանիկական հյուսվածքներով, ինչպես նաև սիլիցիումի երկօքսիդով[1]։
Քիմիական կազմ[խմբագրել | խմբագրել կոդը]
Տերևների և ցողունների էպիդերմիսը քիչ թե շատ ներծծված է սիլիկաթթվով։ Որոշ տեսակների արմատապալարներում հայտնաբերվել է եթերային յուղեր։ Ալկալոիդները, որպես կանոն,բացակայում են և հայտնաբերվել են միայն բոշխ կարճաքթի մոտ[2]։
Ծանոթագրություններ[խմբագրել | խմբագրել կոդը]
- ↑ Шипунов, А. Б. Семейство Осоковые // Биология : Школьная энциклопедия / Белякова Г. и др. — М.: БРЭ, 2004. — 990 с. — ISBN 5-85270-213-7
- ↑ Гаммерман А.Ф., Гром И.И. Дикорастущие лекарственные растения СССР. — М.: Медицина, 1976. — 288 с. (Ստուգված է 18 փետրվարի 2010)
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|